العيد قررب والحبايب بعيديين=
وانا الذي عيدي بشوف الحبايب=
في ذا الزمن قابلت ناسن كثيرين=
ماشفت منهم غير كثر المصايب=
اللي وفو لي ب المعزه قليلين=
والباقي اهدوني كثير النشايب=
ياليت ضلمي جاء من اللي غريبين=
واكبر قهر ضلمن يجي من قرايب=
اللي انا اسقيهم عسل صافي اسنين=
اليوم انا اشرب سمهم والنكايب=
سنين مرت هم على الراس والعين=
واليوم جاني الظلم والله عجايب=
اذا المعزه ذنب في عين غالين=
انا اشهد اني عنه ماني بتايب=
لو هي على الصحبه بنلقى ملايين=
حتى اخس الناس يلقى صحايب=
لاكن قهر توفي وتلقى شياطيين=
يجاملونك والوفا دووم غايب=
تقمح من الزلات لعيون مخطين=
وان جات زله منك قامو حسايب=
مدام هذا الجرح جاء من عزيزين=
انا اشهد ان الجرح ماهو بطايب=
افضل معزه يوم توفي لوافين=
يبادلونك بالوفا ومنت خايب=
حتى ليامن ضقت تلقى المحبين=
يبدلون الضيق ضحك وطرايب=
واللي مثل حالي عسى ربه ايعين=
اخترت ناس وصرت ماني بصايب=
حتى دموعي عقبهم فوق خدين=
اضحك وقلبي يشتكي من لهايب=
ياكيف اشوف العيد ومالي مهنيين=
غريب بالدنيا واعيش ابغرايب=
ياليتني مييت وجوني المعزيين=
اهون من اعيادي ودمعي سكايب=