منتديات قصايد ليل
صفحة 1 من 4 1 234
عرض 40 مشاركات من هذا الموضوع لكل صفحة

منتديات قصايد ليل (http://www.gsaidlil.com/vb/index.php)
-   [ابكتب من قصيدي الوزن وغيرهـ من شعر منثور] (http://www.gsaidlil.com/vb/forumdisplay.php?f=10)
-   -   في ساعة الشدّة تبين الحقايق (http://www.gsaidlil.com/vb/showthread.php?t=96426)

طهر الغيم 03-10-2016 01:10 AM
في ساعة الشدّة تبين الحقايق
 
صدري من الأيام والوقت ضايق

ما عاد للدنيا حلاوه ومشهاه

وقتٍ عجيب ومقتفاته محايق

اليوم كلٍ ناقل داه برداه

تبدّلت بعض القيم والحقايق

الطير خاف من الحباري تعشّاه

لكن يا قلب العنى لا تضايق


مقامك أكبر والعفن لا تحرّاه

خلّك طبيعي لو غدى الوقت عايق

العفن يا مشكاي هذي سواياه

فزعت له يومه دعاك وتهايق

وطخم جمايلك القديمه بممحاه

راعي مصالح مكلماني وبايق

طبع الغدر والزيف والكذب مبداه

في ساعة الشدّة تبين الحقايق

ويظهر لك الذيب الحقيقي من الشاه

برّقت بالدنيا وشفت الخلايق

ويا قل من يوصف مثالي بممشاه

صدوق صادق ما يخون الوثايق

يضحك لي حجاجه ويضحك امحيّاه

ما يخلفنّه لابسات الحلايق

كل ما نخيته ما توانا مطاياه

لا شبّت الهيجاء وثارت حرايق

يفزع ولو همّك غدى كبر اباناه

إذا طلبته حاجةٍ في دقايق

حضّر مطاليبي قبل لا تباطاه

وميض صيته مثل لمع البرايق

العود من طيبه على الطيب رباه

أبوه قبله للصعيبات تايق

وجوّد وصايا شايبه يوم وصّاه

الله يبرهج له دروبٍ غلايق

ويخلّي عياله ويفرح بدنياه

تمّت وصلوا عد بنت الحدايق

على رسولٍ من لحق فيه نجاه

-

الشاعر/ نايف العبيد

الغنــــــد 03-10-2016 01:17 AM
سلمت
جمااال صفحتك لا يضاااهئ

شكرا لحضووورك المتميز

عـــودالليل 03-10-2016 01:30 AM
مع الابداع وقفه
ومع ابداعك وقفات

فلا يكاد يمل النظر مما يرى


جميل ماشاهدت


من الاعماق اقدم لك شكري

دلع 03-10-2016 01:54 AM
يعطيك العافية

برّاق 03-10-2016 03:31 AM
تسلمين الله يسعدك

البرنسيسه فاتنة 03-10-2016 03:35 AM
انتقاء مكلل ب اهاديِج الزهور
اشكرك عدد مداد الارض
لروحك الجوري

نجم الجدي 03-10-2016 03:42 AM
الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

لا أشبه احد ّ! 03-10-2016 05:54 AM
*،




آنتقاء مميز .. مَ ننحرم من جديدك

غزلان 03-10-2016 10:30 AM
تسسسلم الايـآدي على روعه طرحك
الله يعطيك الف عافيه يـآرب
بانتظـآر جــديدك القــآدم
آحتـرآمي لك

بوزياد 03-10-2016 03:49 PM
ارتواء نبض
شُكْرَا عَلَى [الأبيات ] الَمَمَيَزة وصح لسانك !!
الْلَّه لَا يَحْرِمْنَا مِنْك وَلَا مِن إطلآَلتكْ الْقَيِّمة
بِانْتِظَاركْ دوماً بكل جديد ومفيد ..~
دُمْتيَ [بِسَعَادَة] لَا تَنْتَهِي


الساعة الآن 01:18 PM
صفحة 1 من 4 1 234
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية