 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - ما تناسيتك ..!!
(http://www.gsaidlil.com/vb/showthread.php?t=90553)
ما تناسيتك ..!!
ما تباطيت القصيد !! .. إلا تباطيتك ...................................... والشعر في جيتك شكل وطعم ثاني .. عانك آقبلت ولمحتك في شطر بيتك ...................................... [ فكره مجنونه تسلّى بضيقة اوزاني !! ] يا آعذب احساس ٍ ملكني لك وليتك ...................................... تفهم الشعر إن شربك بصحة لساني يعلم الله في غيابك ما تناسيتك ...................................... بسّ في مره نويت انساك ممداني ؟! قلت : ’’ابنسى ‘‘ .. وارتفع صوتك ولبيتك ...................................... و آثر خفاقي بصوتك عنك ناداني !! ويش اسوي دامني بالجوف ربيتك ؟ ...................................... طفل تسوى هالحياه بعين : شرياني .! تلعب .. وتكبر .. وتكبر .. لين عديتك : ...................................... بالغلا [ آخر نماي ) وكل ( شيباني ] .. والله ان عمري بدا من يوم حبيتك ...................................... واعرف انه ينتهي لو قلت : ’’ تنساني ‘‘ !! حط في بالك انا من عام خبيتك ......................................إن صحيت بخافقي / وإن نمت باجفاني .. ما بي غيري يلمحك حتى لــ غنيتك ...................................... غرت من صوت الصدى لا ردد آلحاني !! من كثر ما اشتقت لطيوفك تمنيتك ...................................... رمش عيني او تصير الشوف لا آعياني .. وان تمادى هالحنين بجفني ضميتك ...................................... وقتها : آلقاك ! .. لكن ليه ما آلقاني ؟؟ والله إنك من لفيت بنبضي حييتك ......................................وكني بقولة : ’’ هلااا‘‘ بيّنت حرماني !! هذا حالي يا الغلا من يوم خليتك ...................................... وانت طمني علي فالبعد وش جاني .؟ آذكر إني بالوفا صغتك وسمييتك ...................................... وآذكر إنك بالوفا كنت تحداني .. وصرت اشكك في كلامك ليييييين بكيتك ...................................... وقلت موعدنا يجي كان الله آحياني .. ويوم جيت بخافقي .. و .. بخافقك جيتك ...................................... كنت انا رابح مع اني خاسر رهاني !! والأكيد إني لقلبي بيدي وديتك ...................................... وعاد شوف اليوم وين الحب وداني ؟؟ يا عساني صدق ولعتك وهميتك ...................................... ويا عساك بجد تعشقني وتهواني .. ولو تقول اني بغيابي عنك عنّيتك ......................................إنت همّك صرت آعده ’’ حسبة اخواني ‘‘ !! |
طـرح رآئــع
سلمت آناملك ع آلآنتقاء دمتِ بسع ـآدهـ بــحـجم آلسماء لِ قلبك طوق آليآسمين |
يسلمو ع المرور
|
ذآئقه مميزهـ ,
طبتِ وَ طآبت آيآمك , شكري وَ آمتنآني , |
انتقاء رائع ومتفّرد
وعطاء بآذخ لامس سماء الابدآع دمت ي طٌهر |
ابدعتي بطرحك
سلمتي |
يسلمو ع المرور
|
ه يسلمو ع المرور
|
ن يسلمو ع المرور
|
” كما عودتنا دائما إبداع فوق الرائع
وطرح يستحق دائما المتابعة المستمرة اشكرك بإنتظار كل جديدك القادم دمت بكل الخير “ |
| الساعة الآن 03:58 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية