جيت اودعكم لاني بترك المنتدى وتقبلو عذري
 

تعلمت وتعلمنا لكل شي بداية ونهاية ، واليوم هي نهاية بدايتي معكم ونهاية علاقتي معكم ..

بتركالمنتدى لأن ظروفي اجبرتني على تركه رغم كل الأيام الحلوة اللي قضيتها معكم إلاّ إن الظرف أقوى مني ومنكم ..

بترك المنتدى لأن بصراحة كبريائي يجبرني على تركه لأن في شخص ما يبيني وما يبي جلستي بهالمنتدى من أسلوبه معي أحسه مايبيني .

بتركالمنتدى لان مو مثل أول تغيروا ناس وجو ناس ما أبي اذكر اساميهم لكن مو مثل الأعضاء الأولين المنتدىتغير .

أخذت من هالمنتدى أشياء كثيرة والشهادة لله كِلها حلوهـ بس يا ليت أكون عطيته الشيء اللي يستحقه مني .

اطلب من أخوي ( محمد ) إلغاء عضووويتي لأني ما راح اقدر أعطيه أكثر ، وفي غيري يستحق مكاني وراح يضيف للمنتدى ..

استودعكم الله الذي لا تضيع ودائعه .. وإن شاء الله نلتقي في جناته ...

سامحوني على كل كلمه أو غلطه غلطتها في حق أي عضو ..

أتمنى أن تذكروني بالخير ولا تحرموني من الدعاء الصالح ..

.....

......................
.....................................

!!... بداية ...!!

شعورك بعد ما قرأت كل تلك الجمل والعبارات ..؟ هل توقعت إني اترك

المنتدى ؟ إذا لا .... وإذا ايه ( نعم )

هو نفس شعور الأاعضاء لما ترحل عنهم وعن المنتدى وناوي تقطع جسر ارتبط اسمك بأسمهم .

!!... على الهامش ...!!

أختلفت الجُمل والمضمون واحد ..

قضية أزليه اسمها الوداع ، فأي تجمُع بشري لا بُد وان تجد فيه هذه القضيه .

!!... الوداع ...!!

من مفهومي للوداع : هو الرحيل عن اشخاص لهم مكانه في قلبي وتركِهم وعدم الرجوع لهم مره أخرى إلا بعد سنين أو زوال ذلك الظرف .

جميع تلك العبارات والكلمات ( قبل البداية ) نراها في جميع المنتديات ، وداع عضو بعد ما امتلك مساحة كبيرة في قلوب الأعضاء يكتب نهاية هالمحبه بوداع ليُعيش بعض الأعضاء في دوامه من المشاعر بين قله متقبله للأمر ومُستسلمه وكُثر متحمسين لثنيه عن الوداع ، وأغلب الأعضاء يتراجع عن الوداع بالعوده ونسيان الوداع ليضع لنفسه علامات من التعجب والاستهام ..

هل الوداع ضروري لنا ..؟

هل وصلنا لمرحلة من التواصل عند حدوث شيء لنا من ظروف أو أي شيء - سواء يستحق الذكر أو لا - أن يصل للجميع ليعرف ويفهم سبب وداعنا ...؟

ما هو الأفضل لك وللمقربين لك أن تودعهم أو ترحل في ظلمة الليل وفي هدوء ..؟
هل الوداع يعبر عن ضعف شخصيه أو يعبر عن شخصيه غير اعتماديه ...؟

\ .. حقيقه ../عندما نلوح بيدنا للوداع ( حركة اليد ) هي اثبات بأننا غير راضين عن هذا الوداع .

!!... قبل النهاية ...!!

اعتذر عن العنوان حاولت قدر المُستطاع جذب الأعضاء ولفت نظرِهم للموضوع ومناقشته .. إن نجحت فالحمد لله وإن فشلت فيستاهل الحمد في كل حال ..

لا تحرمووني من ارااائكــمـ

هههههههههه بالبدايه قلت اش فيه ذااا لهدرجه وجهي نكبه :kitty (10):
دخلت وهو طلع ههههههههه الله يسعدك اخوي

طرح جميل اخي هستره
الوداع صعب
وخصوصا من ناس اعتدنا قربهم
واخوتهم الصادقه بيننا
وفي قصايد لانفرط باي اخ او اخت
شاركونا افراحنا واحزاننا


الفكره جميله بالموضوع
وكنت متاكد انه مجرد لفت انتباه من العنوان
لذلك دخلت بصمت

شف عاد قسمم ان خفت قلت ليه شفيه بوريك شغلك وبعضك مصيبه م اقدر اقول شيء برد بس اصبر
بملفك ي دب

هلابك أخوي الحبيب :
انا اشوف اللي يكتب وداع في العام مثل البزر اللي يدور حنان و يظن أهله يحبون أخوانه اكثر منه أو اللي يقول العب معكم ولا أخذ الكورة :) , يعني أنا مهم و لا شفتوني مهم.

كنت بنقل الموضوع للشكاوي وبقولك الله يستر عليك ههههههههه

الوداع والرحيل صعب جدا

الله يبعدنا عنه