في صباح الاربعاء زرت المدينه=
مادريت اشلون ذاك الزين جاني=
من عقب مافارقت روحي سنينه=
جمعتنا صدفتن والحظ رماني=
يوم ناضرني ودمعه وسط عينه=
قمت اناظر دمعته ودمعي عماني=
قال اسف ودمعته تشكي ونينه=
يمسح الدمعه بكمه وابتلاني=
قال برحل خايفن من مالكينه=
مادريت الا وانا اتراجف مكاني=
ماقدر قلبي يتحمل جارحينه=
لحظة الفرقا مثل لبس الاكفاني=
وقمت ادور للقلم واكتب لعينه=
قصتن يبكي لها حتى المباني=
كان صافي الحب مابيني وبينه=
رحت واطلبته من اهله والتهاني=
قال له قلبي بيكمل نصف دينه=
رد عمي قايلا مالك مكاني=
من ورى البيبان خلي في ونينه=
الوفا طبعه ولاكن ماعطاني=
قام يصرخ صرخته تاصل ضنينه=
وقمت اجاوب صرخته والجرح باني=
وبعدها كنت انتضر عمي يبينه=
قلت يمكن فكرته ترجع زماني=
وانتضرته لين جاني في يدينه=
كرت لي معزوم والدمعه تباني=
يوم قريت اسمه ومنهم خاطبينه=
ارتجفت وماقدر يحكي لساني=
وفي وسط ذاك الفرح روحي حزينه=
تشتكي اللوعات والحزن احتواني=
ومن بعدها لين شفته في المدينه=
يعلم الله مانسيته ولا نساني=