عديم المشاعر
 

[align=center][tabletext="width:70%;background-color:black;border:6px double blue;"][cell="filter:;"][align=center]

السلام عليكم
بدون مقدمات أزف مشاركتي
عديم المشاعر


عديم المشاعر هالزمن كيف نوثق به
حرام الثقة ،، في مثل شرواه ، ياناسي

تناسى عهودي والوفاء صار يلعب به
ونسى إنّي بشر كلّي مشاعر واحساسي

تغاضيت عن صدّه ،، وهجره بلا سبِّه
وتجرّعت لأجله علقم الصبر بالكاسي

رماني هواه ، بوسط بحر ٍ ،، بلاغبّه
ظلام ٍ بلجّـة ،، ما تبيّن له ، إغلاسي

دقاق ٍ قوامه ، يشبه الغصن في هبِّه
تهزّع متى ما ، مال به ريح نسناسي

ومجدول ،، شعر ٍ ،، ينتثر ،، كلما ذبّه
على اردافه اللي تشبه لروس الأطعاسي

وغضيض الثمر دون النحروأسفل اللبِّه
تفافيح شام ِ ،، طابت لقطف ،غرّاسي

عليه الله أكبر ،، كيف ماخاف من ربه
وعالج طريح ٍ ، من سواياه ، محتاسي

اذا صار جرحه ، في الحشا مانفع طبّه
قطعت الرجاء وأعلنت من حالتي ياسي

ولاشك عيبي ،، مهما سوّى بي ، أحبّه
من أخمص قدم رجله الى هامة الراسي

تحيتي وتقديري
محمد بن عمار

[/b]


[/align][/cell][/tabletext][/align]

جميل جدا شاعرنا
صح لسانك وعلا شانكك

يسلم ايدك ع هالابداع

اذا صار جرحه ، في الحشا مانفع طبّه
قطعت الرجاء وأعلنت من حالتي ياسي

ولاشك عيبي ،، مهما سوّى بي ، أحبّه
من أخمص قدم رجله الى هامة الراسي




صح لسانك شاعرنا بن عمار

قصائدك جميله فخامة معاني وجزاله ماشاء الله

سلمت يمينك

رااااااائع
صح لسانك

صح لسانك بن عمار
ولاهنت شاعرنا القدير

وعليكم السلام
صح لسانك ملايين شاعرنا وأعتلى شانك
كل قصيده أحلى من الثانيه دام لنا نبض قلمك الملكي
يسعدك ربي ويحقق أمانيك