 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - هب الجنوب
(http://www.gsaidlil.com/vb/showthread.php?t=75154)
هب الجنوب
هب الجنوب وطاح برد المكاتيب=وياكثر ماهب الجنوب وذكرته
يملا حضوره من حضوري ,, وأنا أغيب=وياما غيابي في غيابه حضرته إن جا مطر ,, صارت له أضلوعي شعيب=وإن راح ريح(ن) طير إللي بذرته طال السكوت ومال صمتي مطاليب=غير الكلام إللي وقف وإنتظرته جنبت لو مالي عن الدمع تجنيب=من وين ماصديت فيني شعرته واا اصمتي إللي صار فعيونهم عيب=واااا جرحي إللي لو فضحني سترته لي صاحب(ن) يملا كفوفه تراحيب=لولا الحيا من ضحكته ,, ما إعتبرته ياصاحبي ماهي عليا مقاضيب=عذروبي إنك ذخري إللي ذخرته عذروبك إنك شوهتك الأكاذيب=عذروبك إنك جاك طيب ونكرته إن جيتني بفراق زود العذاريب=لأجيك أنا من زود صبر صبرتــه للطير جنحان وريش ومخاليب=لكن يضيع صيدته في غبرته ومن جزم نفسي يوم صار الردى طيب=حلمي قبل لا يكسرونه كسرته ومن راح مني قـلت ياعله مصيب=دورت له عذر(ن) كريم وعذرته للي يبي بعدي ,, أنا ماني قريب=أما ربحني ,, ولا أنا مـاخسـرتـه قلبي خويي ما لقلبي معازيب=وإللي حقرني من رداه إحتقرته رغم الجروح إللي بقلبي معاطيب=حبيت كفين الزمــان وشكــرته |
قصيده مميزه ي اخوي
صح لسانكك وعلا شانكك سلمت |
الله يعافيك
جنون سلمتي |
صح لسانك وأعتلى شانك قصيده جزله
سلم لنا بوحك وأحساسك قلم أنيق يسعدك ربي |
الله يسعدك اختي شموخ
|
ممتنه لجلبك الجمميل استاذي نبراس وردي وشكري لسموكك
|
سلمت الأنامل ويعطيك العآفيه لروعة طرحك
ماأنحرم من عطـآءك المميز يَ رب ! وَ بشووق لـِ هطوُل آخر من أناملك العذبه ♥♪ |
هيام سلمتي الله يعافيك
|
فزولها سلمتي الله يعافيك
|
طرح رائع اخوي
وننتظر كل ماهو جديد عندك |
| الساعة الآن 06:29 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية