 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - سيّد الجرح
(http://www.gsaidlil.com/vb/showthread.php?t=72004)
سيّد الجرح
مدخل صح الغياب احيان راحة بال ، واحيان .. لا والله طلعة روح ! أقسى من الجرح و الاهمال ، سوالف المجروح : لـ المجروح ! عمق ضاق الفضا والحكي ما عاد ياسعنـي والجرح لامن غفيت شـوي صحانـي ينزف وينزف وينزف ليـن يودعنـي في قبر صمتي ولا ادري منهو الجاني شتتني الشوق لعيونـك .. وجمعنـي طاريك .. واحيا قصيدي فيك واحياني يجبرنـي الحـب والتحنـان يدفعنـي لمواصلـك واتغنـى فيـك قيفـانـي اباتكـلـم ولـكـن لاتقاطـعـنـي مبطي وانا ودي اكشف لك عن احزاني صبر عيونك ولو لحظـات واسمعنـي كلام من قلبي ووقف علـى لسانـي انت اول احسـاس حبيتـه وولعنـي وانت آخر الناس في قلبي ووجدانـي وانت اصدق انسان طاوعني وطوعني وانت اكذب لسان عشمني وممنانـي يجرحنـي البعـد وفراقـك يلوعنـي والشعر يشرب احاسيسـي ويروانـي ياسيد الجـرح والذكـرى تشجعنـي اجيك وانسى عناي وكبـر حرمانـي لو ان عمري على وصلك ينازعنـي بعت العمر والعمر في غيبتـك فانـي والوقت سيفٍ بحـده جيـت تقطعنـي وجيت ألحق اللي بقى لكـن ممدانـي العمر راح اكثـره والصبـر ودعنـي والريح ثارت علي وهـزت اركانـي طعنتني في جفـاك وجازلـك طعنـي واستسلم القلب لك يا حظرة الجانـي طعنة غيابك لهـا عاميـن توجعنـي وش حيلتي في جفاك ونزف شريانـي ابعدنـي الوقـت والتذكـار رجعنـي لعيونك وجيت اسابق دمعـة اعيانـي والشوق في غيبتك ما عـاد ينفعنـي والصبر عن شوفتـك مـر وتعدانـي لاتمـوت الحلـم بعيونـي وتمنعنـي من ابسط الامنيات واعـذب الحانـي دليتـك العـام تكفـى لاتضيعـنـي وان كان ضيعتني هالحـزن يلقانـي اباتشتـت اليـن الشـوق يجمعنـي وابكتبك شعر ليـن الوقـت يقرانـي مخرج وينك عن أحساسي ووينك عن الجو الجو يشبه ضحكتك وامنياتك أستبشرت كل البشر وامطرت تو جو الشمال اليوم من جد فاتك لارواحكم النقيه |
لله يعطيك العافية
على طرحك للموضوع الاكثر من رائع كل شي فيه مكتمل ومتميز احترامي وتقديري اختك وصوف |
الله يسعدك وصوف ولاهنتي
|
شتتني الشوق لعيونـك .. وجمعنـي
طاريك .. واحيا قصيدي فيك واحياني* ابدااع وربي سلمت أناملك لروعة ذوقك يسعدك ربي |
صح لسانك ولسان شاعرها
ذوق يامحمد فيذ هذ الجلب ودائما لا تاتي الا بكل جميل اشكرك |
على قدر ما يحملُ هذا المداد
من جمال في العزف على اوتار القلوب حروفكَ عذبه وتأخذ قارئها إلى البَعيد جداً تملأ الدنيا رحيقا فالحرفُ منكَ سيدي يتكأ على نبضك وَ يتوسد كنت سعيدة بدخولي مملكتك ومشاهدة لوحتك التي رسمت ب أحساسك انتظر هطولك القادم بشغف تقديري واحترامي اعجابي وتقييييمي ونجومي |
جلب جميل
وأسعدني محتوى الموضوع لأن فيه فائدة أحب اشكرك على هذا الجهد فائق : احترامي وتقديري http://www.imageslove.net/ar/photos/...707609_927.gif اختك جنون ( نبض قصايدليل ) http://www.rjeem.com/uploadcenter/up...1349660565.gif |
شموووووخ منوره الله يسعدك ويرعاك ولاعدمناك
|
هلا وغلا سمي الطيب منور لاعدمناك
|
هلابك اختي روح
منوره بتواجدك العذب الله يرعاك |
| الساعة الآن 03:47 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية