(أحبك ) قلتها بقلبي
 

(أحبك ) قلتها بقلبي .. وباحساسي وبلساني
كثير قلوب ترجيها .. ولكن لا يهمّونك



(أحبك) ما أبي غيرك .. ولو غيرك ترجّاني
أنا شاريك ما بيعك إذا غيري يسومونك



أموت اشتاق لك كلي .. أبيك تزور أعياني
خفوقي يا غلا ينزف وله واشواق من دونك





أطير من الفرح لا من لفى صوتك وحيّاني
أحس اني أهم الناس لا من قلت : شلونك ؟





ألوم النفس لا قلت : بكيت وما أحد جاني
أنا وش عاد يضحكني اذا العالم يبكّونك ؟





إلى منّك تضايقت .. أنا المسؤول والجاني
أنا المفروض ما أرضى أخلّيهم يزعلونك



(أحبك) زود عن روحي عن اعمامي عن اخواني
وباقي الناس يا عمري .. ترى والله يفدونك




عليم الله لا قلت : ( أحبك ) .. زالت احزاني
واذا قلت : ( أحبك موت ) صحت وقلت : مجنونك



غدير الحب في قلبك .. حنان ولهفة ارواني
أذوب بهمسة عذرا .. وأثبت إني مفتونك





أنا في دنيتي تايه .. ولا ادري وين عنواني
ويوم اني عرفتك صار عنواني هو : عيونك





أغار من امك وعمك .. وهذا وذاك .. والثاني
أغار من اصغر اخوانك ولا ودّي يشوفونك




منى عيني أضمّك لي وامسّح ذيك الاوجاني
عيوني لو طلبتها .. لقيت الكل .. هنّاني

مشكوووورين

عـ ردودكم ماننحرم منكم

مشكوووره حبيبتي

ع مرورك

الله يسسسسسسلمك قلبوووو

مشكوووووره ع مرورك

ماننحرم منك

شرف لي.........

الممر على متصفحك

موضوع في كامل الرقي

من الاعماق اشكركـ

احترامي.....





لاننسى كلمة منقول....