جاني واحد وقال:ابسال كم سوال؟
 

جاني واحد قال : بسـأل كـم سـؤال
وقبل يسأل قلت : أنا مانـي خبيـر !
قال: جاوب بس , يـا ولـد الحـلال
وكل كلمه حِطَّهَـا .. بشطـرٍ صغيـر
قال نبدي : شنهو تعريف المُحَـال..؟
قلت : خَل هالكلمه فـ البيت الأخير ..!
القهر: إن شفـت دمعـات الرجـال
والوطن : ( إنسان ) .. مِتغيِّر كثيـر
والطفل: لعبه علـى شاطـي الرمـال
والأمل : إحساس في عيـن الضريـر
الوفا : [ قلبين] .. يجمَعهُـم حـلال
والرَجُل : اللـي علـى أهلـه يغيـر
والرجـا : لا قلـت : للواطـي تعـال
والفشل : مـدري .. ولكنـه مريـر
والشعر : في وقتنا .. بـدر وطـلال
زين وأوَّل : حيل يعجبني جريـر..!
والغلا : إحسـاس إلـى حَـد الخيـال
والعِشِق : لا شفت مَعشُوقِـك تطيـر
والجفا : إعكس مفاهيـم / الوصـال
والوَصِل : يعنـي تأكَّـد فيـك خيـر
والعقـل: تِسْفَـه أقاويـل الجـهـال
والجهل : إن قلت عن نفسـك كبيـر
والخطر: لا صار مـا عنـدك مجـال
والبلا : إن صـرت معـدوم الضميـر
والعجب : لا صرت تسأل منهـو قـال
والتعب: إن كنت تِبْحَثْ عن مصيـر
الغنى : بالنفس مـا هـو راس مـال
والفقر : من كان .. بأعمالـه فقيـر
يكفي يكفي .. أسئلـه إنهـي الجـدال
ويالله علمني عَن .. السِّـر الخطيـر
ما أبي تضرب لي في غيـرك مثـال
قول : عنِّك وإعتبر سِـرِّك فـي بيـر
جات طعنـه مِـن جنوبـك و الشمـال
يعني وضعِك بين مِن حُولـك خطيـر
صاحبـي وإن ضاقـت بعينـك ليـال
لك فرشت القلـب مفـروش الحريـر
في [ بلاد الحلـم ].. ممنـوع العقـال
والمصيبه الشعب مـا إختـار الأميـر
وما ألومك .. كـان شدِّيـت الرحـال
دام بيتك جـرح / وفراشـك حصيـر
هـذا تعريفـي إلـى كلمـة : مُحَـال
شيء ودِّك فيه ولا يمكـن يصيـر ..!

مما رآآق لـي..

نَقل جَميل
شكراً

جميله بروووقه

لاهنتو على الطله صبايا

... بالصميم

صح لسانك ولسان كاتبها

جميــل مآنقلتي


كل الشششكر لطرحك

للجمال عنوان ... وانت عنوانه
وإذا كان للحرف طعم
فأنت طعمه..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

يعطيك العافية طرح في قمة الروعه و نال الاستحسان
اخوك
نجم

http://forums.imageslove.net/photos/...707836_638.gif

لاهنتو على المرور جميعاااااااااااااااااااااا