ادركت وش معنى اللقــــا دووون * ضــمـــه *
 

لا قلت : ابنسى [ شوفته والطواريق ]
يحدني شوقي على الدرب يمه ..!




غيبوبة الاشواق لا قلت : بـ / افيق
يردني عطرٍ بـ / كفي اشمـه





شربت حلو الشاي من دون اباريق !
وادركت وش معنى اللقا دون ضمه !




وايقنت بـ / اني غير كل الغرانيق
واكبر دليل ان شافني ضاع علمه !




غلاه فيني معتلي لـ / الشواهيق
وغيره خساره حتى فيه المذمه !




وللي يبي مني عن الوصف تعليق ..؟
وصفه بقوله ، واعترف ما اتمه !




حبيبي شاعر من رجالٍ مطاليق
حتى الكرم موسوم مبطي بـ / وسمه




من كثر ماهو طوَق الطيب تطويق ..؟
كثار والله ودهم بس بـ / اسمه ..!




( ثقل ، عقل ، رزه ، وهيبه ، وذويق )
ابختصر وصفي وبـ / اقول : قمه !




كم لي وانا احبه و احبه ولا اطيق
فرقاه لو قلبي يجي يوم خصمه




طيفه يحاصرني ماغيره لي يليق !
حتى لو اغمض بـ / الاجفان رسمه !




كثر الطيور المعلنه اليوم تحليق ..؟
ترررركد لا بان بـ / وسط الافلاك نجمه




ملكني بـ / طبعه بليا [ مواثيق ] !
واصبحت ازاحم في الشرايين دمه !




في شوفته [ هيبة جماهير ، تصفيق ]
وفي غيبته ابكي زماني وظلمه




ياكم ضقت بفكرتي وكوني يضيق
لامن ذكرت ان ممكن نعيش صدمه :




اضحك ؟ ضروري ! مجامله لـ / المطافيق
والا خفوقي بالفكر فار دمه !




ما اعتدت ابيَن هم لج المعاليق
همٍ سطا بالقلب لابد كتمه




لا مانويت البعد لكن ابا اويق
واشوف حال الحب لا حان حسمه




خوفي من ايامٍ تعوق التوافيق
واغرَق اهدابي من اسباب [ قسمه ] !




ادري من الضيقه يجي شاكي الضيق
فـ / بعادنا تحرم على الكون بسمه !




واللي بـ / يهون همنَا بعد تفريق ؟
نرحل ولكن نبقى بالحب بصمه




يا الله يا المعبود نرجاك توفيق
والا الهدايه والهوى ننوي .. رجمه !


راقت لي،،،

صح لسانك ولسان شاعرها http://img.tgareed.com/imgcache/373634.gif

ما اجمل الفكر عندما يكون بهذه الجوده في انتقاء المفيد
من ماده تُقدم للمتلقي

ذائقة على اعلى مستوى في
هذا الطرح

كل شي أنيق ومكتمل وجذاب

استهواني ما قمت بالمرور عليه من ابداع

لك مني كل تقدير واحترام

اخوك
محمد الحريري

يعطيك العافية طرح في قمة الروعه و نال الاستحسان
اخوك
نجم

لاهنتو على المرور