صفحة 1 من 2 1 2 > عرض 40 مشاركات من هذا الموضوع لكل صفحة

اليتيمة 06-11-2009 12:39 PM الدمعة   لولا البكا ماينشرح خاطر ولاينزاح ويل خل الكدر يطفي سعير الليلتين اللي خلت . دام العيون الليا اهملت تشفي القليل من الغليل الله يبارك بالعيون اللي ليا ضقت اهملت . دمعة قهر تثبت لي ان اللي يحبوني قليل ولاضحكه بوجيه ناس لي تضايقت انكلت . البارحه يوم الهموم تحط بالصدر وتشيل والشاهد الله ماحبست بمحجري دمع وفلت . الدمعه اللي ماتهز صدور ربعي لاتسيل اكنها مثل الجمر ولايقولون انزلت . اللي وهو مافزلي كنه محملني جميل اجيه برجولي عشان اشكي له الحال ؟ اكملت . ماكل من شافك قوي يفرح ليا جيته ذليل الناس لي من حست بضعف الشجاع استذلت . بعيونهم ببقى مثل ماللهبوب من النخيل على كثر ماضامها صفق اللواهيب اعتلت . وشلون احس ان العذاب اللي على متني ثقيل وانا ادري ان اللي تصبرني على الحزن وصلت . معشوقتي لاضاق صدري من ليالي الحزن ليل ياكثر ماشربت معي من علقم الحزن وكلت . معشوقتي ما للفرح برجوعها يمي سبيل الا مثل ما للربيع من الزهور ليا ذبلت . معشوقتي من عمر جيل ومدرسة مليون جيل معشوقتي ورث السنين اللي تجلت وانجلت . اللي على كثر المصايب كل مافيها جميل الناس لي كبرت تشين وذيك لي كبرت حلت . لامن تثنت للهبوب تميل اللي مايميل وان مالت عقول الخفاف من الرياجيل اثقلت . كن الكلام بثغرها مجرى سبيل للسلسبيل مسترسله لو ماضميت ولو ضميت استرسلت . تقبل على لون المسا لاجات مفتوله جديل غصبن عن عيون النسا مايرمشن اليا قبلت . عشقتها لاني من اللي يعشقون المستحيل صدقتها لانها لي قالت القول : افعلت . الترفه اللي تنطح الفريس وتفك الدخيل ما الرجال اللي تحملني مثل ماستحملت . لو كل خلق الله ملو ماتمل وماتميل لان الرجال بهالزمن قلو هذيك استرجلت . ان كان وقفتهم معي من باب مايخدم بخيل !! هذيك ماهيب وقفت جنبي .. هذيك تبهذلت . خانوا وهي ماهونت عالو وعيت لاتعيل تبدلتت كل الوجوه وذيك ماتبدلت . لانه ليا عز الرجا ما للخليل الا الخليل ماكد قرت في محجري قصة عن الحزن وسلت . كل الذي يجري معي يجري مع الطرف الكحيل اليا رضيت ترضى عشاني وان تزعلت زعلت . تدوي بخفاقي دوي لين احيت الحلم القتيل عشق بدويه لبدوي لاجت على البذل ابذلت . معها عرفت اني قوي حتى وانا مافي حيل واعدها بمية خوي كان الهموم استفحلت . دام الشدايد تكشف بصاحبك معدنه الاصيل ليت السنين اللي حدتني على الضياع استعجلت . الشدخ اللي تثبت ان اللي يحبوني قليل ولا ضحكه بوجيه ناس لي تضايقت وانكلت . بنت ليا منك وقعت تشيلك من القاع شيل ابرك من وجيه الرجال اللي ليا طحت جفلت حامد زيد

البرق النجدي 06-11-2009 02:10 PM صح لسانك يالغاليه ولسان شاعرها وربي يحفظك يالقمر

اليتيمة 06-11-2009 02:13 PM برووووووووووووووووووووق مشكووووووورة غناتي ربي يحفظك

نادر الوجود 06-11-2009 02:38 PM صح لسانك ولسان شاعرها ألف شكر لك على الاختيار المميز وحامد شاعر كبير .. لاخلا ولاعدم

اليتيمة 06-11-2009 03:07 PM نادر مشكووووووووور عالمروووووور

ليتني طفلة 06-11-2009 04:52 PM بنت ليا منك وقعت تشيلك من القاع شيل ابرك من وجيه الرجال اللي ليا طحت جفلت الله عليك يامبدعه ابدعتي في الانتقاء يعطيك الف عافية

اليتيمة 06-11-2009 06:00 PM ليتني طفله مشكوووووورة عالمروووووور

سراب 06-12-2009 02:32 PM يشرفني الاطلاع على الموضوع انسانه مبدعه والموضوع هذا من اجمل المواضيع اللي قرأتها تسلم يمناك على الموضوع الرائع كل الشكر لكـ

تناهيد الشوق 06-12-2009 03:42 PM الف شكر على الطرح المميز من انسانه مميزه..!!

اليتيمة 06-12-2009 06:02 PM سراب مشكوووووووووووور عالمروووور

الساعة الآن 07:15 AM

صفحة 1 من 2 1 2 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية