يا وليف الروح لد الشوف للنجم السماوي
كود نجم الليل لا شافك يرد الصوت عني

واهنيه لأنتحت شمس النهار وجاك ضاوي
كان عينك ترقبه والاعيونه يرقبني

ودي إني في مكانه كان للشوفه حراوي
كان للشوفه حراوي في مكانه ودي إني

كود أوصل كلمة العشاق بالجو الهداوي
وأروي عيونٍ عقب فرقاك ياخلي ضمني

كان ماتدري عن اللي في بحر حبك فداوي
استلذ الموت ببحورك وهن مايرحمني

استمع لي بالكلام و بالقصيد وبالغناوي
إن سمعت الهرج هرجي وإن سمعت الفن فني

يوم أغني كل دارٍ أرجعت وأنا سناوي
عزتي للي سواتي عزتي له يوم أغني

من قصيد الأكلبي و ألا من بيوت العطاوي
كانك بتقرين والا خوذي الاشعار مني

شاعرٍ طبيت ببحورالشعر وأنا هواوي
عاشقٍ طبيت ببحورالهوا من صغر سني

يا وليفي كان ما قلبك على الشوفه شفاوي
رد لي قلبي وخل عنك الظليمه والتجني

وش بلاك ارحم مريضٍ ما يداويه المداوي
عجز عن داه الطبيب ولاجداه الا التمني

والتمني ما يفيد ولو يفيدن المناوي
مر ودي بك و مرٍ ودي أسلا وأرجهني

لِ الشاعر / خالد محمد آلمنصور