 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - خطاي اني تماديت بغلآآآك // وماحسبت حساب ~!!
(http://www.gsaidlil.com/vb/showthread.php?t=6037)
خطاي اني تماديت بغلآآآك // وماحسبت حساب ~!!
وصل ركب الرحيل لموطن الغربة ودار اجناب بعد طول الطريق اللي تمادى.. واتعب اركابي ضحك وجه المدينه للمسافر والوجيه أغرااب وانا عابر سبيل وضحكتي ماصـافحت نابي !! وقفت انظر على شط المدينه .. والجروح أسراب ولعنت ( أم الحنين) وسالت الدمعه على اهدابي هنا كنت الغريب .. بلا حبيب..ولاوطن ..واقراب حزين وماقدرت اجمع شتاتي ..واحسب حسابي حداني للسهر جرح(ن) سجني بين ناااب .. وناااب وتركني بين صمت الذكريات بصفحة كتابي حبيبي والغلا جرح(ن) ذكرته وانفتح له باب وانا لو ماذكرتك وانت ناسي .. ويش يبقابي صحى هم الفراق ..اللي فتح للذكريات ابواب وغفيت وماصحيت الا وطيفك يطرق ابوابي ؟ حبيبي ترسم الغيمه ملامح وجهك الجذاب واشوفك وين مالد النظر مع كل هندابي !!! ذكرت اول لقاء فيه اجتمعنا بالغرام احباب الين آخر لقا منه افترقنا .. وآخر اتعابي فداك الجرح ياوجه(ن) تركني للملام وغاب بقاله في حياتي طعنتين .. وجرح ماطابي !! انا اللي كنت اضيع بنظرتك شوق..ووله .. واعجاب واضيق بغيبتك..وتضيق بي دنياي ..وثيابي عطيتك قلب ..واشواق..وحنين ..وفيك ظني خاب احسب انك تمنى رجعتي.. واثرك تسلى بي !! تبعتك مثل ضحضاح السراب ..وجيت لك مرتاب واشوفك مثل الامس المستحيل .. وباكر الغابي؟ حبيبي وانت ماتسوى ملام..ولاانت قد عتاب !! تعداك الملامه .. والعتاب.. وشرهة ذيابي ؟! خطاي اني تماديت بغلاك .. وماحسبت حساب احسب ان الوفاء طبع البشر .. واحبابي ..احبابي وعزاي اني ردعت القلب ! عن باقي غلاك وتـاب!! وصحى في داخلي طفل(ن) غرير .. وشايب اعرابي !! حبيبي للصبر بال(ن) طويل وللجروح اسباب وانا مارحت ادور للجروح .. اعذار.. واسبابي حبيبي يوم شفت ان الزمان برجعتك كذاب تركتك للتجافي .. والغرور .. بزحمة اصحابي رحلت وقلت اسافر عنك ..واجزيك الغياب ..غياب واببعد واستريح من السهر.. واريح اعصابي !! هجرت ارض الجروح ابغى عن تراب الجروح..تراب عساي انساك ..وانسى رجعتك .. والجرح.. وترابي!! يطيب الجرح والا ياعسى جرح الهوى..ماطاب تفضل هاك جرحك..واستريح .. وجرحي اولابي !! طلع صبح الفراق بشاطيء الغربه ودار اجناب ولعنت ام الحنين وسالت الدمعه على اهدابي !! |
يطيب الجرح والا ياعسى جرح الهوى..ماطاب تفضل هاك جرحك..واستريح .. وجرحي اولابي !! الله عليك يالدلوعة قصيدة في غاااااية الجماااااااال والروعة تسلم يد(ن) نقلتها لنا |
يعطيك الف عافيـــه
|
يسلمو على المررور ربي يسعدكم
|
عوافي على الطرح..
|
يعطيك العافية
ننتظر الجديد |
يعطيك الف عاااافية على النقل الرائع
|
خطاي اني تماديت بغلاك .. وماحسبت حساب
احسب ان الوفاء طبع البشر .. واحبابي ..احبابي وعزاي اني ردعت القلب ! عن باقي غلاك وتـاب!! وصحى في داخلي طفل(ن) غرير .. وشايب اعرابي !! * * * * * * ** * * * * * * * * * * * * * * * * إنتقاء موفق تقبلي مروري دمت بود |
صح لسانك ولسان شاعرها
نص جميل و رائع ..! تقديري و شكري |
صح لسانك.. ولسان شاعرها جميل ماقدمت واكتمل هذا الجمال بطرحكـ المتميز لهـ من رقي لآخر ربي يحفظكـ ويحميكـ |
| الساعة الآن 08:47 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية