منتديات قصايد ليل - بقايا عقدي المقطوع

http://www.up-00.com/dafiles/krT57840.jpg

قبل ما حُطّ بكفوفك .. بقايا عقدي المقطوع

أبكتب آخر أشعاري .. عشانك لو تبي تقرى

تراك آخر مواجيعي .. ولا بَعْدك عطش ودموع

لمينْ أظما وأنا بَعْدك .. هجرت النبع والمجرى

تعال إقرا عن البارح .. سَهَرْت إبْلا وطن وشموع

أدورّ وجهك المهموم .. وأدوّر للحزن مسرى

أبحكي عن كتاب فيه .. هواك الجرح والموضوع

وعن إسمك على صدري .. قلاده وسْطها جمرى ؟

عن الشكوى .. عن النجوى .. وعن صوتٍ غدا مسموع

يناجي في عتيم الليل .. نجوم الكون والقمرى

أبشكي لك رسايل شوق .. لها نفح غدا مطبوع

وحبرْ ريحته عطركْ .. يجدّد لوعة الذكرى

أبحكي عن عذاب الأمس .. وجسمٍ ناحلٍ موجوع

وروح خالَطَتْ روحك مشاعر صافية .. عَذْرى

تعال إقرا عن الطعنة .. شعور العاشق المخدوع

أنا جيتك لجًل رْوضك .. لقيت بداخلك صَحْرى

ألا يآخر الأحباب .. أنا بَعْدك نَفَسْ مقطوع

رحيلك موت أيّامي .. ويْا خوفي على بُكْرى

تفضّل مابقى عندي .. سوى عقد وبقايا دموع

وكلمة باقية بالجوفْ .. أحبك حيل .. وإنت أدرى

منقوووول