 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - فتحت الجرح اتطمن برا ولا وقف ذرفه
(http://www.gsaidlil.com/vb/showthread.php?t=50130)
فتحت الجرح اتطمن برا ولا وقف ذرفه
مدخـل:
مدري وش أقول لكن ( جعلها خيره ) ! ................لو إن بعض السوالف .. مالها داعي إن جت لـ/ طاري المعاتب فضّها سيره .................من كف غيرك / ترى ما برّيت أوجاعي لا تكمّل اللي بقى .. وتزوّد الحيره ................بعد غيوم الصبر شحّت على قاعي همّك لحاله ؟ بنى له في الحشاء ديره ...................وانا يالـ.. لله افلّ لـ/ همّي شراعي . . دخيل الله يَا جرحي .. تصَد تشوف لِك صِرفَه أنَا أوجعنِي كِبر حَجمِك , وَ أنته بَالحشَا باقِيّ !! دخِيل الله كَمْ تملِك مِن أسبَاب الوَجَع غِرفَه وَ أنَا رويَانْ مَافينِي .. وَ كفِك بَالعطَا سَاقِيّ تطِل أشيَائي مِنْ وَجهِك , وَ أفتَح بالهَلا شُرفَه ترَانِي كَارهن هَالحَال , وَلكِن وشّ أنَا لاقِي !! أقولْ اليُوم تتعَدَل .. يقُوم الحَظ مِن طرفَه وَ يلبَسّ لَه قناعِن صَلب , لأوجَاع الزَمنْ وَاقِيّ يطِير الحِلم مِن عِيني , لنَاظِر مَامَلك ظَرفَه طَلقتَه للسمَا حِرن حرَامْ يعِيشّ بأحدَاقِيّ !! أمَانِي كَامِنَه فِيني , أوْ إنهَا بسّ كذا ( حِرفَه ) تمُوتْ اليُوم وَ أدفنهَا .. وَ أغيبهَا بمشرَاقِيّ فتَحتْ الجَرح أتطَمَنْ / برَا وَ لا وَقفْ ذَرفَه لقِيتَه حَيّ بأسبَابِنْ ,, توسِع كِل مَا ضَاقِيّ ! عليكْ الله يَا جرحِيّ .. تصِد تشُوف لَك صِرفَه أنَا وَ الله مَا فِيني , أرِد أصَاحِبْ أورَاقِيّ ! مخــرج: [justify]ضايق .. وثوبي عليّ أفك أزاريره .....................وكل الحسايف .. معي جملة وقطّاعي خطاً .. ما يستاهل اندوّر معاذيره ! ................لا أقنعك فيه وبلاش تحاول اقناعي ان كانك لـ..غيبتك , قصيت تأشيره ..................الالتفاته وراء .. ما هي من أطباعي لك مني آحفظ لـ/ ذاك الوقت تقديره ..................وأسامحك من دهر عمري لـ.. مرباعي لو تعرف : الود , والتقدير , والغيره ....................ما رحت ترقد وغيرك ساهر ٍ واعي ! |
|
|
لاهنتو على المرور جميعااااااااااااااااا
|
|
|
لاهنتي انجووله على الطله
|
لاهنت عود الليل على المرور
|
|
| الساعة الآن 01:23 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية