المشاعر تعزف تقاسيم
 

السلام عليكم ورحمة الله وبركاته


ياوجــــــــــــــودي كــل مادخلتنا العثيم****وجـــــــــد من ماتت البنت اللي يودّها
وياوجـــــــودي وجد اللي توّه يصبح يتيم****ودنيـــــــــاه بدى قساها وبدى شدّها
كل ما ادخــــــل اتــــــذكـــــر وقتٍ قديم****واتذكر احلــــــــى الليــــــالي واعدّها
اتوجّد وانا وضعـي ماهـــــو في السليم****على اللي فاجئتني من عقـــب صدها
على قمره دايـــــــم يحجبها سواد الغيم****وانا ماشفت وجهها ولا خــــــــــــــدها
ماشفت الا عيــــــــــن نــادرات الصواريم****لكن والله انـــــي اعشقـــــــها واودها
مابه شبه لها واشبـــــــاهـــــــها معاديم****يعني مابه قبـلـــــــــها ولا بعـــــــدها
مدري ليه انقطـــــعـــــت اخبار مع تعاليم****ومدري البنت تمزح ولّا من جـــــــــدها
الفرقا تعذّب طحــــــاطيــــــــح وشغاميم****الفرقا تعذّب الارواح وتكـــــــــــــــــدها
والله اني احــــــــــارب في الظلام العتيم****وترى سيوف المحبه يذبــــــــــح حدها
والليالي سوادها مثــــــــــــــل المجاهيم****والدنيا بخيله وقليلٍ مـــــــــــــــــــدها
وسواتها مايسويها خصيــــــم لخصــــــيـم****وانا كنت ماشي معها مانــــــي ضدها
والعاصفه من جيتها يصيــــــــــــــــر تهديم****لكن ابراج المحبه صــــــعــــــب تهدها
وترى المحبه تخلّي الطــــــــــاره غشيييم****وتطيّر العقول وماعــــــــــــاد تـــــردها
القلب يدق والمشــــــــاعر تعزف تقاسيم****والفرقا على نغمة الحزن تحــــــــــدها
ياقلب العنا اصبر على العـــــــــــنا والضيم****والعين الشقيّـه احـــــــتـــــري مردها
تفاكيري محتاســـــــــــــــه يبي لها تنظيم****والحيـــره داخـــــل الراس تصفق يدها
حيرني السّيـــــــــــن اللي مالقيت له جيم****ويــــــش طـــــــوّل الغيه وطوّل صدها



وسلامتكم

صح لسانك وعلا شانك

ومنور اخوي

صح لسانك ياخوي

يعطيك العافيه لاتحرمنا جديدك

صح لسانك يالذيب

شي جميل منك وراقي

كثرلي من هالروائع
اللي تحكيك كشخص حساس

صح لسانك يالغلا
كلمات رووووعه واصل فنحن ننتظر كل جديد

ينقل للقسم الأنسب

بسومة

تفاكيري محتاســـــــــــــــه يبي لها تنظيم****والحيـــره داخـــــل الراس تصفق يدها
حيرني السّيـــــــــــن اللي مالقيت له جيم****ويــــــش طـــــــوّل الغيه وطوّل صدها


ذيب القـــــوافـــــــي

دائمـــــاَ مواضيـــــــعك متميــــــزة
وتستحق أحلــــــى تقيم
شكراً من أعماق
نحن ننتظر جديدك
تحيـــــــاتي