جنــــون 11-20-2011 12:57 PM قصيدة امسح دموعك مال أبو الضيق داعي mp3   كلمات القصيدة امسح دموعك مال أبو الضيق داعي ولا به أحد يستاهل الدمع يا آمير دنياك تقبل بالمكر والخداعي ما وقّرت شايب ولا ترحم صغير الكل فيها عرضة(ن) للضياعي لو طابت الشربه فلا تامن البير يا آمير كان أنك تجيد استماعي اقضي بها قدام ما تنسر الطير سعت لي الدنيا وأنا جيت ساعي وأثاري الدنيا تجنّب عن السير دارت رحاها يوم طاح القناعي وكان الأمل فيها زهور ونواوير أخذت منها يوم كانت تراعي وخليتها يوم القوافل مدابير لاشك هذا من كريم الطباعي الحر ماله بالطمانه مواكير الحر دايم ماكره بالرفاعي يصدع سحاب الصيف وقت المشاهير واللي يحوش الطيب بسن الرضاعي يفرق عن اللي يطلبه بالدنانير ان ما كست طيب المكارم ذراعي قطعتها قدام تفرح بي الغير ياما بذرت الطيب والطيب ضاعي بذرت حبّه للهوا والعصافير بذلت بالمعروف قدر استطاعي وعضيت ابهام الندم والتحاسير الصبخ لا ما يستوي للزراعي وحلو العسل ما يعرفنه الدبابير اقضي بها يا آمير قبل التداعي وعندك خبر سود الليالي المعاسير انشدك ياللي حاضر الفكر واعي عن جوهره في وجهها الشر والخير ما هيب سلعه تنشرى أو تباعي ولا تنعرض بالسوق عند السماسير تعيش في بيت الكريم الشجاعي وتموت في وكر الخنا والمحاقير ريحانة(ن) ما نبّتت بالمراعي يا بعدها يا قربها للقوارير الله خلقها من عظام الضلاعي عوجا ومع هذا لها كل تقدير قبل العرب في دفنها ما تراعي واليوم تدفن لكن بصورة(ن) غير ان جيت ترجع للسبب والدواعي نادي على الرجال وسط الجماهير يجيك من يلعب هجوم ودفاعي كنه سياسي سن كل الدساتير من دور جده مصلح(ن) اجتماعي يعد نفسه في صفوف المناعير تلقاه في كل المساعي يداعي يركض ورا الدنيا يحسب المخاسير والبيت آيل للسقوط امتداعي وكل(ن) على كيفه يريد المسايير كان الغنم تسرح على غير راعي تبشر بذيب(ن) محتري تالي اعصير ما كنت اباكتب صدمتي وارتياعي من واقع(ن) فاسد بكل التعابير إلا أنها عدّت حدود استطاعي وعجزت ألاقي للخطا أي تبرير ويا ناشد(ن) عن موقفي وانطباعي اقول حلمي ضاع من غير تفسير طوّعت لدفوف البنات استماعي وكذاب من هو ما يحب الغنادير ارخيت لرياح المحبه شراعي ظنيت ما بالبحر موج وأعاصير إي والله أني ذقت حب ووداعي وغنى (طلال) لمثل حظي (مقادير) وحب الشرف مالي بغيره مساعي إن وردت الشينه أخذت المصادير ماني من اللي بالحياة اندفاعي أعرف قدر نفسي بكل المعايير من بادي أيامي وهذا اقتناعي الطيب كسب(ن) للوجيه المسافير ما أخص به أهل النفوس الجياعي اللي بجمع المال مثل المناشير اللي خذوا للجود (طلق اصطناعي) مات الجنين وللأسف ما حصل خير حنا على مد الأيادي سراعي نمدّها بالجود من غير تفكير http://www.l5ma.com/vb/images/SmileSsS/e.gif نمدها بالضيق مد الوساعي وبعنا المواتر والذهب والمغاتير لو نحسب اللي فات منا وضاعي إن كان تملا من عطانا قناطير ومن يزرع المعروف لازم يطاعي ذروة سنام المشيخه ذيك يا آمير من رفقة الطيب تطيب المساعي ومن رفقة الخايب تخيب المسايير ياما عرفنا صقورها والأفاعي وما يستوي العطار مع نافخ الكير والشمس تاصل حدها بارتفاعي يحصل لها قبل الكواكب محادير من برجها تشرف على كل قاعي تحكي لنا عن ماضيات الأساطير سبع العجايب والدول والقلاعي وتاريخ يسرد عن رجال(ن) مشاهير عن حاتم الطائي صخي الذراعي وعنتر ابن شداد وكليب والزير انشد وتلقى للجواب امتناعي صوت الهوا يصفر مع القاع تصفير راحت بهم دنياك عقب اجتماعي يا ليتها اخطت حساب المقادير ما يرجع الميت نديب النواعي الموت حق(ن) ما حصل فيه تاخير امسح دموعك مال أبو الضيق داعي ولا به احد يستاهل الدمع يا آمير للتحميل Mp3 امسح دموعك - سلطان الرواد.mp3

المشعـل 02-29-2012 02:54 AM تواجدي هنا هو أعجاب وتقدير للشاعر وكلماته ............ولك شخصياً على النقل بارك الله فيك

جنــــون 03-15-2012 11:54 PM http://center.jeddahbikers.com/uploa...3176693132.gif

الساعة الآن 03:06 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية