 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - الغلا قصة عجيبة تبتدي بضحكة عيون
(http://www.gsaidlil.com/vb/showthread.php?t=4516)
الغلا قصة عجيبة تبتدي بضحكة عيون
http://farm4.static.flickr.com/3008/...84a517b2_o.gif
الغلا قصة عجيبة تبتدي بضحكة عيون قصة فارسها مشاعر نابضة بأغلى غرام نصها كلمة ( أحبك ) يا حبيبي للجنون تنطلق من قلب عامر بالمحبه والسلام هذي قصة غرامي يوم جيتك يا حنون مابقي شي بكياني غير حبك بإحترام جيت لك تضحك شفاهي بإبتسامات الجفون جيت لك والقلب غارق في عبارات الكلام ما تصنعت المشاعر لأجل أبرهن من أكون كان همي إني آصل ساحلك ياأغلى الغرام أبتسم ساعة أشوفك وأنسى أيام الشجون وأتخذ لأجلك مساحه في مواعيد الزحام لا تلاقينا وشفتك قاسي الغربه يهون والفرح يسري بدمي ويخترق صلب العظام وإن تفارقنا دقيقه مالت أوراق الغصون... والدقيقه في عيوني شفتها الفين عام... الغياب ياهو غيابك صبلي كأس المنون... أشربه ظلم وتجيني وأرتويبه بإنصدام... الغلا ماهو حكايه تعتبر ضمن الفنون... الغلا عشته بقلبك ياقمر وسط الظلام... لو درا بـ صادق غرامي الغدر حرم يخون... ولو يعيشه كل مذنب إلتزم بعد الحرام... والبلابل لو تحسه زادت أنغام اللحون... وبه تغنت وأهتفتبه وغارت أسراب الحمام... والبحر لو قاس حبي صارت أمواجه سكون... وقال أنا قطره وجف وأبهر أحلام الأنام... حتى قيس اللي تصدر قائمة أهل الجنون... واللي أهل العشق أخذوا من أساطيره وسام... ما وصل عشقه بـ ليلى مرحلة ضم الحضون... ولا تحدى في غلاها لذة أنفاس المنام... وعنتر وعبله غلاهم باهت ماله أي لون... بعد ما شخصت قلبي حبهم فيه إنفصام... كل حب غير حبي مثل همال المزون... يستمر وقت السحاب وينتهي بعد الغمام... وكل شعر غير شعري ما يفي بـ اللي يبون... تكتب حروفه أحبك ونيته بالإنتقام... أتحدى وأتحدى وأتحدى من يكون... إن قلب غير قلبي حبه صادق بـ التمام... وإن كلامي ما عجبهم يفعلون ما يشتهون... يمكن لا شافوا ولائي عندهم ينشئ إهتمام... الغلا قصة وصارت بيني وبينك جنون... حكيتها بشعور قلبي قبل ما يبدأ الكلام... الغلا واقع أعيشه معك ما يرضى الظنون... واقع أجمل من خيال واقع نبراس الوئام... بطلبك قبل أنتهي كانك الإحساسي تصون... إن لحظات التواصل نغتنمها إغتنام... ما نبي الأيام تمشي والمشاعر يتعبون... والخطاوي الهاويه في سراديب الخصام... والأمانه في النهايه ياحكي حب العيون... لا فهمت حروف شعري ضمها بعد الختام...[/FONT][/SIZE] |
وإن كلامي ما عجبهم يفعلون ما يشتهون...
يمكن لا شافوا ولائي عندهم ينشئ إهتمام... صحـ لسانكـ اميرهـ يعطيكـ العافيهـ يسلمـوو~ |
تسلم اخوي على المرور الذي اثلج صدري
|
صح لسانك ولسان شاعرها
روعه الله يعطيك العافيه |
اقتباس:
شكري و تقديري ولاغرابه عليك الابداع ..!! |
صح لسانك ولسان شاعرها
ننتظر الجديد المميز منك |
تسلمون على المرور
|
| الساعة الآن 11:55 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية