جنــــون 09-13-2011 10:11 PM ديوان الشاعر عطالله فرحان   تواعدنا على نفس الحديقه اشيل من الوله كل الأماني قبل ذاك الوعد جيت بدقيقه اخاف اني نسيته لو ثواني يشب القلب في جوفي حريقه على ذكر الوعد يضحك زماني نطرته والصدر مافيه ضيقه ابيه يعرف شوقي مع حناني ترقبته وهو جاي بطريقه يسابق خطوة اقدامه عشاني وفجأه بانت بعيني حقيقه تمنيت بحضوره مالقاني سألته والحزن وشلون اطيقه عسى قلبك حبيبي مانساني نسيت العمر والورد ورحيقه نسيت اني على فرقاك اعاني؟ ابي تسمع كلامي لو دقيقه حسافه مادريت انك اناني

جنــــون 09-13-2011 10:11 PM بلاش تعـيد وتـزيد الـسوالف وانـت ما يـمديـك طريقك صعب واحلامك بعيده والغرور اعماك تعاتب وانت ما تـدري خفوقي وش كثر معطيك على كـثر لعـطا حديت قلبي للفراق وجاك اجـي لـك من هـنا وتصد عني واعـذرك واجيـك واجي لك من اهناك ونفس ماجيتك هنا وهناك صحيح اني سمعت بطاري الموت ولمحـته فيك ولكن قلت ابسري واغـنـي لك على ليـلاك وجيك حـب عن كل القـلوب العاشقـه يغـنـيك اصيح القـلب ما يغـلى عليك وماتبي يفـداك عقب ما انهـد حيلك والهوى جـابـك على مغليـك بدا المـشوار واللي باقي من عمري بـدا ويـاك لقيتك ضامي احساس وقصايد قلت اجي واسقيك ابكسب فيك اجـر و الا القصايـد فيك وبلـياك تصـور من كثر ما اردد اسمك لا طـراى طاريـك اصوت لك على الطـاري بلا وعـي وبـلا ادرك مشينا بالغلا لا خـوف ياخـــذنا ولا تـشـكـيـك وفجاة من ردى عقـلك طـغيت وغرتك دنـياك قسى قـلـك وبعـد ما تـدري ويـن الـله مـوديـك تبعـتك لا خـر الدرب الطويل و ماقصرت اخـطاك احاول فيك اهـدي فـيك وادري ما لـله ابهـديـك مع اني صرت احاول ليـن ماجبت اولـك واتلايـك نصحـتـك واكـتـشـفـت ان الوفا بالذات ما يعـنيك اجل ذنبك على جـنبك على ما تفـعله يمـناك اعرف انك بديت الحرب من نفسك واعترف انهيـك واعرف سلاحك الفتـنه الـيا وصـلت اقــصـاك تلمح بالجفا مـدري وش الـلي بالجفا يغريـك عسى الله ما يحدك للجـفا يـمي ولا يـبلاك تـولـم لـلفـراق ولا تـفـكر تـرجـع لماضـيك وحرام اني ماجعلتك تصفق اليمنى على يـسراك انا ما قـول كلـمه وارجـع اسحبـها عـشان ارضيـك مدام رضاك في كسرة كلامي لا بلاش رضـاك ترى ماني صبي اهلك عشان اخضع وابوس ايديك عسى تنهيني الدنيا لو اخضع واضعف لشرواك

جنــــون 09-13-2011 10:12 PM الوضع يبـغالـه دراسـه وتـــرتـيــب مـليــت من رتـم الحــياه المــملــــه قم يـاقـصيدي وانت شـيخ المـناديـب رح قلـهم والـلي على الـدرب قلـــه سويتـهم وســـط قلـبي مــعـازيــــــب لانــهم ربــع ورفــــــاقـه وشـلـــه عاملــتهم بالـطيب لــكن وش الطـيـب الـطيب بعـض احــيان كـنه مـذلـــه حـتى التـجني له طرــيقه واسالـيـب لـكـن هـذولا زادو الــــطين بــلــــه اهــل الـردى والمـصلـحـه والاكاذيـب تجـمـعـوا من كل مـذهب ومــلــــه اطيــبهــم الـلـي مـايــودي ولا يجـيــب يــسـبـنــي والا يــسـب الــمجــــلـه واعــقلـهـم اللـي لـو يخـط المــكاتـيـب ماهو مـنـافـس غـير شـكـله وظـلـه ان جـتهـم طـلعـت في روسـهـم شـيـب وان طـولـوها قـلت سـيفـي واسـلــه ماني بـقايـل يمـكن تصـيـب وتخـيـب الـحبل اعـقـده وارجـع شـوي احـلـه اغــيـب وارجـع كني السـيـل واغـيـب وابـقـا عـطـالـلـه والعـطـايـا من اللـه يعني على قول المثل وش على الذيب بنـشـوف مـنهـو يـاكـل الجـو كـلــه قـصـيدتـي تـلـقـا حـفـاوة وتـرحــيـب والـشـعر يـكتـب لي شـكر في سجله انا عـــدو الـكـذب والـحـقــد والـعـيـب مـا اصافـح الـطـيب عـشـان استـغلـه الـلي يـفـتـش عن عـيـوب وعـذاريــب ان مـــا ســكـــت ولا يـجـيـب الادلــــه والـلي يـبـيـهـا بالـشـعر والمـواجـيب اقـلـب عــلـيـه الـطـاولــه في مـــحـلـه

جنــــون 09-13-2011 10:12 PM ثمن كلامك وفهم اللي تقوله لا تشغل النيران وطيح فيها ياهيه ياللي ماانت حول الرجوله اترك طبع ((.............)) اللي تيجيها نفسي عن هروج النمايم جفوله وايام صبري تنتهي .. وبتديها اللي تفكربه حشا ماتطول كم حاجة أكبر من اللي تبيها شفت المنصه ذيك عقب البطوله بشوف انا ولنت من يعتليها ماهزني وقت يجامل خبوله واللي مثل شرواي يقسا عليها كم واحد مش مافعل صفقوله طايح علا ناس تلاعب ايديها العلم كابد مايجي بالسهوله حسبي على الله زلتي يحتريها عن لفتي بالكون عرضه وطوله يامن عرض لي راحتي واشتريها والانت اعرفك ما انت حول الرجوله مثلك مثل اللي تجيها

جنــــون 09-13-2011 10:12 PM باين عليك الوله يا عشقي الضامـي باين من ايديك شفها تحضن ايدينـي الشوق حامي وكلك جيتنـي حامـي واشعلت نار المحبـة بينـك وبينـي حتى بهروبك تجـي واطيـح قدامـي عرفتلـك زيـن مـا تقـدر تخلينـي انفيك من واقعي تطلع مـع احلامـي يا تقتنع بالزمـن يـا تقتنـع فينـي يعني وهم عاد انا تعجبنـي اوهامـي مرات اشوفك قبل ما تلمحـك عينـي يا عل عمرك طويل اطول من ايامـي خايف من الشوق في غيابك يعزينـي وشلون ما اكتب شعر وعيونك الهامي اصلا انا كل ما اكتب فيـك تغرينـي ياضامي العشق واللي يعشقك ضامي تحمد الله يومك طحـت فـي ايدينـي

جنــــون 09-13-2011 10:12 PM اتعبني الحلم لين الواقـع انكرنـي كني مسكت الفرج بيـدي وهديتـه مافي داعي على فرقـاك تجبرنـي حتى الجفا منـك ولعنـي وحبيتـه الجـرح عـدا زمانـه لاتذكرنـي هـذاك وقـت تعذرتـه وجافيـتـه لوشفت دمع القصايد كان تعذرنـي تصور ان الشعر يضحـك وبكيتـه ماغيرونـي ياكـود الله يغيـرنـي كم واحد عنـك يبعدنـي ورديتـه وفيـت وادري وفايـا مايصغرنـي صوبت يم الهدف لاكنـي اخطيتـه من طار سرب الغلا والشوق طيرني شف ماعلى الارض واحد ماتعديته خذني على صدرك الدافي وسيرنـي بعض الولع ياخذ الرجال من بيتـه ابنشغـل فـي عيونـك لاتدورنـي ودي بشي اشوفـه مابعـد جيتـه خليت قلبي معـك والله يصبرنـي,, مبطي وانا اقول قلبي ويـن خليتـه اشتقت لك مابقيتك عـاد تشكرنـي تغيب والشوق ماعمـري تباطيتـه ماخذ على خاطري والبعد قاهرنـي مدري شسوي وانا كل شي سويته العام يوم الوعد تسبـق وتنطرنـي مستغرب شلون هالموعد تناسيتـه وين انت رايح ولا كنـك معبرنـي ماكني الي علـى العالـم تمنيتـه لاصار هذه علومك راح تخسرنـي ماعمر احد راح من كيفه وناديتـه عند الكرامه ابيعك وانت خابرنـي الله وكيلك ترى كـل شـي مريتـه وكانه هجر بالسلامه روح واهجرني اخـوي لاصـد عنـي ماترجيتـه

جنــــون 09-13-2011 10:12 PM سو الي براسك ولاتذكرأسباب لاصرت بايعني توكل على الله مابيني وبينك مشاريه وعتاب شف دربك الي جيت منه تدله ماراح تغلبني لوالحب غلاب من حضرتك عشان قلبي تذله في ذمتي لاجعلك عبره للاحباب لين الخلي يتوب عن جرح خله زلاتك الي مانفع فيها أحساب لاجيت أعددهن ثمانين زله أحرجتني بين القرايب والاحباب كن الجفا سيف بوجهي تسله ماكنت أقصر فيك من كثر الأعجاب يومك تساوي عندي الكون كله كنت القريب وكلهم كانو أغراب حتى القمر لاغاب شفتك محله خلاص لاترجع ترا خاطري طاب ابي طرا اللي كنت عايش بظله رح وأعتبرني واحد أذنب وتاب ماني بثوب تلبسه ثم تمله مايجتمع بالحب صادق وكذاب رزقي على الله وأنت رزقك على الله

الساعة الآن 11:02 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية