صفحة 1 من 2 1 2 > عرض 40 مشاركات من هذا الموضوع لكل صفحة

جنــــون 08-09-2011 06:41 AM ديوان شعر المحاورة - سعيد الحمالي   الـــــســـــلـــــيـــــس تقدم يالحمالى هـاك علـم ولـى وراه علـوم 000 علـومٍ كلهـا نومـاس لا هـاذي ولا ذيــه انا بينك وبينك وقفـةٍ فـي عالـى المزمـوم 000 على عـد الـروى ودى نخليهـا خصوصيـه الـــــحـــــمـــــالــــــي تقدمنا عسى فالامـر خيـره ياسفيـر القـوم 000 وأنا أدري بك علومك طيبه يـا صافـي النيـه مادام انها على وضح النقا ما نلحقـك باللـوم 000 خصوصيه !! خصوصيه.. عموميه !! عموميه الـــــســـــلـــــيـــــس ورى قمة بنى يعـرب تليـم وامرهـا محكـوم 000 لها في غيهـا كـم عـام ميـلادى وهجريـه مدام ان القرار اللى صدر في داخل المرسـوم 000 يجـى مكتـوب ليـه نشـن غـاراتٍ كلاميـه الـــــحـــــمـــــالــــــي تنشّد يا محمـد عـن علـومٍ سرهـا مكتـوم 000 وأنا أخاف إنك تنشبنا معـك ف دروب ملويـه على رغم القرار اللي ذكرته رسمـي ومختـوم 000 سمعت إن نسبة اللي عارضه تسعين في الميه الـــــســـــلـــــيـــــس اثرك تنام ويفوتك حدث في مثل هـاذا اليـوم 000 متابـع للجزيـره مـار ماتفـهـم ولاشـيـه الا ياطير ياطير السعـد شكلـك معـاد تحـوم 000 خرب طبعك بعد حطيت لك صـوره بشخصيـه الـــــحـــــمـــــالــــــي أنام بعين وعينٍ صاحيـه ماغمضـت بالنـوم 000 وفاهـم ميـر أظنـك يالعتيبـي فيـك جنيـه تبا تتجر ولكن ماشريـت ولا فرقـت السـوم 000 وسواليفـك كبـار وهكـذا طبـع الشريطيـه الـــــســـــلـــــيـــــس تقوله وانت منت زهير والا عمر ابن ابي كلثوم 000 ولكنـك نـداوىٍ لبـس لـه بشـت عـاريـه ياليتك يالحمالى تقضي الدنيـا صـلاة وصـوم 000 اخاف انك تجى في يوم بيـن الـداب والحيـه الـــــحـــــمـــــالــــــي أنا مانيب أحد غيري وقسمي وافـي ومعلـوم 000 نداوي عاليٍ صيتـي وكبـد الخصـم مدميـه أبرّك بالعسل والسمن وأنته ماتبـي الا الثـوم 000 أحسبك صاحبي وإثرك تخلط الحسنـه بسيـه الـــــســـــلـــــيـــــس انا ماقـول غيـر ونعـم لاظالـم ولا مظلـوم 000 ولالـى مـن وراك جنيـه والا قـرش ربيـه ترى خافير سولانا يجيه الامـر مـن شالـوم 000 وقـادات العـرب كلـن عيونـه يـم كرسيـه الـــــحـــــمـــــالــــــي تغني يامحمـد وأنـت دارك جدرهـا مهـدوم 000 وعيونـك ترقـب الركبـان لامـروك طرقيـه عسى عمرك وعمر الحاضرين الطيبين يـدوم 000 وعسى عيني تشوفك لابس البشت الحساويـه

جنــــون 08-09-2011 06:41 AM حــمـــد الـسـحـيـمــي يامرحبـا يامكمليـن المواجـيـب 000 اعـداد ماهبـت هبـوب الشمالـي الليلـه الليلـه حقـوق ومطاليـب 000 وين انت يالشاعر سعيـد الحمالـي ســعــيــد الـحـمــالــي دام البقا يامنقـع الجـود والطيـب 000 والله يقديـنـا دروب الـعـدالـي الحق مـا عنـه مصـد ومجانيـب 000 وما للحمـول الا ظهـور الجمالـي حــمـــد الـسـحـيـمــي دامك وردت العد صافي المشاريـب 000 وشربت من جمـه قـراح زلالـي السالفـه ماتقبـل الشـك والريـب 000 لك راس مالك والي انا راس مالـي ســعــيــد الـحـمــالــي الضيف قالوا تحت حكـم المعازيـب 000 والرجل عيب إنه يحقـر الرجالـي الله وحـده يعلـم السـر والغيـب 000 وش حيلتي وأنت الرفيق الموالـي حــمـــد الـسـحـيـمــي الراس شاب ولاح في عارضي شيب 000 والوقـت يارجـال مـر وحـالـي امشي بدربـي مالحقنـي عذاريـب 000 واليا نويت ابدي بـروس الطوالـي ســعــيــد الـحـمــالــي العام ترقى فـوق روس المراقيـب 000 واليوم ساقك صـار مثـل الهلالـي تبغى تعرّش وأنت بأسنان تركيـب 000 ولـىّ الشبـاب وراح يـا هملالـي حــمـــد الـسـحـيـمــي مابيـن تصديـقٍ ومابيـن تكذيـب 000 لاتبهت العربان يـا ابـن الحلالـي والله ما ارمي بالرصاص المكاذيـب 000 خـل الاجابـه دوم قـدر السؤالـي ســعــيــد الـحـمــالــي ماعندنا لك غير خضر المشاعيـب 000 منتب رخيص ولانت بالحيل غالـي انته مؤذن فـوق روس المحاريـب 000 وعلياء ما تبغى الا بوزيد الهلالـي حــمـــد الـسـحـيـمــي كم قيمة الددسن وكم قيمـة الجيـب 000 الفرق واضـح ياعريـب الخوالـي العقرب اللي جالهـا راس وذنيـب 000 لاريشـت ضنـي يجيهـا الزوالـي ســعــيــد الـحـمــالــي العنز لامن شافـت بعينهـا الذيـب 000 ضاقت عليها الأرض شرق وشمالي حط الأشده فوق حـدب الغواريـب 000 وأكرب حزامك كان تنـوي القتالـي

جنــــون 08-09-2011 06:41 AM إبـــــراهـــــيـــــم الــــشــــيــــخــــي: ســلام رده يـاسـعـيــد الـحـمــالــي عــشــر مـــرات 000 يـنـطــق عـشــر مــرات ويـزيــد عـشـر(ن)كــل مــرة تـركـت غـيـرك فـي مـجـالـه وجـيـت لـك انــت بـالــذات 000 ان كــان ابــو نـاصــر عــرف مـطـلــبــي لــلــه دره ------------ ســـــعـــــيـــــد الــــحــــمــــالـــــي: يـا مـرحـبـا عـشـريـن مـره وفـوق الـعـشــر عـشــرات 000 عـشـرٍ فـي عـشـرٍ وأدبــل الـعـشــر كــره بـعــد كــره إن جـيـتـنـا فـأبـشــر بـعــزك وسـعــدك والـكـرامــات 000 واجــب عـلــي الـرجــال لـلــي يــروده فــي مــقــره ------------ إبـــــراهـــــيـــــم الــــشــــيــــخــــي: ابـك الـبـقـا والـعـلـم مـحـفـوظ فــي ذيــك الـمـلـفــات 000 عـلــوم مـاتــشــرح فـــواد الـلـبــيــب ولاتــســره مــرزوق عـلــة نـحــر لاهــو الــذي فـــارق ولامـــات 000 يـقــول لـيــش اقـدامـنــا مـالـهــا فـــالارض جـــره ------------ ســـــعـــــيـــــد الــــحــــمــــالـــــي: الـعـلــم مــا يـخـفــي وحـنــا نـدونــه بـســجــلات 000 ولافـيــه عـلــم الا يـخـالــط مـســرتــه الـمــضــره مـرزوق فـي تـالـي حـيـاتــه وقــع لــه فــي مـطـبــات 000 ولاعــاد لــه فــالأرض يــا صـاحــبــي مـثــقــال ذره ------------- إبـــــراهـــــيـــــم الــــشــــيــــخــــي: سـمـعـت عـلـمـك بـاقـي اسـمـع عـلـومـه بـعـد سـاعـات 000 واجـيــب حـكــم(ن) عــادل(ن) لـلـبـلــد بـحــره وبــره مـافـيــه نــار بـغـيــر دخــان يـاراعــي الـمـهـمــات 000 الـحــقــد قــتــال الـعــزايــم كـفــانــا الله شــــره --------------- ســـــعـــــيـــــد الــــحــــمــــالـــــي: أديــب وشـاعــر وتـبــي تـحـكــم ونـيـتــك نــيــات 000 كـانـك تـبـي شـوري كـفـا الـي حـصــل والـعـلــم صــره زمـانـك لـو صـفـالـك يـاصـاحـبـي جـاء فـيــه صـكــات 000 تـضـيـق إبـك الـوسـيـعـه لا بـار إبــك شـخــصٍ تـبــره

جنــــون 08-09-2011 06:41 AM خــــــــوي الـمـطــالــيــق: ابرسل لك نديبي يالحمالـي بالسـلام شمـام 000 كما يرسل نديب الشيخ زايد صوب ابن مكتوم أوصّيك التريّـث بالرعيّـه والشيـوخ حـلام 000 يدارون الخطا لو كان جاهم من صغير القـوم ------------ ســعـــيـــد الــحــمــالـــي: هلابك يانديب الشاعر اللـي محتـزم بحـزام 000 عدد ما طار في كبد الخضيراء من طيور الحوم ورعيتنا تحت حكم الشريعه في ذرى الإسـلام 000 ولو نبطش بها يا بن الحبابي مالحقنـا لـوم ------------- خــــــــوي الـمـطــالــيــق: غدينا وسط غابه غير خفنا منـك يالضرغـام 000 ينط القرد و تلطم مخلبك بالفيل ابـو خرطـوم علام الخبل يوم يشاهد هلال الشهر ما صـام 000 ليا جا العيد سجّل ضمن بند الخاسر المحـروم ------------- ســعـــيـــد الــحــمــالـــي: تولم ياخوي الجنـب للمغـزا جنـوب وشـام 000 وخل القرد ينقز في نحر جاسـم مـع جسـوم تقوله وأنت قاري تعرف الغنه مـع الإدغـام 000 وكانك ما عرفت العالم الهالـك فصـح النـوم -------------- خــــــــوي الـمـطــالــيــق: قبيلك يا سعيد اللي تشوفه صاحـيٍ مـا نـام 000 يمد الك العسل وانته تعـوّد للبصـل والثـوم تموت وما غزيت وللبعير اللي يهيـج خطـام 000 تبي زادك من اللي يسرق اللقمه من الحلقـوم --------------- ســعـــيـــد الــحــمــالـــي: قبيلي صاحيٍ لكن غدت بـه يقظـة الاحـلام 000 يدس السم في وسط العسل ويقول أنا مظلـوم تركد منت بن شايق ولا سلطان بـن وسـام 000 يقولون العرب ما يطغي الا الشابع المحـروم -------------- خــــــــوي الـمـطــالــيــق: الا يهل النداوي صاحبي من شعب امستـردام 000 يبيله مـن يترجـم كلمـةٍ وسّمتهـا بوسـوم حلاقـه والحلاقـه لا تعلّمهـا بـروس ايتـام 000 تعال السوق وافرق بين تجار القصيد السـوم ------------- ســعـــيـــد الــحــمــالـــي: علي سبع اللغات أعطيك علمي والوعد قـدام 000 وانا خابـرك عامـا تسبـح بغباتهـا وتعـوم وموسي كم حلق من روس قوم حكمها الاعدام 000 وترا التجار صاروا يالحبابي فرسها والـروم

جنــــون 08-09-2011 06:41 AM ســعـــيـــد الــحــمــالــي: سلام لأهـل الوفـا والنـار تصلـى سعـد 000 سعـد ولاهـو سعـد ولا بسعـد السـعـود قالـوا: ولـد ! قلـت: لا والله ماهـو ولـد 000 هذا نسميـه فـي عـرف النشامـا جحـود --------------- ســــعـــــد بـــــــــراك: يامرحبـا بالنشامـا وانـت وسـط اللحـد 000 ماكل موقف يا ابـو مـرّه يصيـر امحمـود مانجحـد الطيـب ياسبّـة دمــار البـلـد 000 لـولاك ماتفـرح الخمّـه وسـود الكـبـود --------------- ســعـــيـــد الــحــمــالــي: دام البقـا للنشامـا وانـت مالـك عـهـد 000 ماعندنا يا سعـد لـك غيـر قـدح الزنـود انته غلام شقي مـن كنـت وسـط المهـد 000 عقيت في أمـك وابـوك تحذفـه بالحيـود -------------- ســــعـــــد بـــــــــراك: ابـن الحمالـى بـلا حجـه ولا لـه سنـد 000 واموت ما صار من بينـي وبينـه عهـود ياسعيد يـا لعبـة أعدانـا عسـاك الجهـد 000 صحيح ماأنته جمل وافـي ولا انتـه قعـود -------------- ســعـــيـــد الــحــمــالــي: ابن الحمالي كمـا ذيـبٍ يحـوف "القهـد" 000 يوم انت وسط القفص ما معك غير القـرود أكبر شنب ياسعد من خـوف نابـي شـرد 000 لولا الحيا مـا يـرد القـوم غيـر الحـدود ------------- ســــعـــــد بـــــــــراك: مدحك لنفسـك مـا زادك يالحمالـي عـدد 000 لاتدعـي وانـت مايوجـد لمثلـك شهـود ياسعيـد مـا كبـرك فالماضـي ألآ حـمـد 000 واليـوم حطيتـه الخصـم العـدو اللـدود؟ ------------- ســعـــيـــد الــحــمــالــي: وشلون ما أفخر وأنا اللي جبت راس الأسد ؟ 000 وشهادتك ما نبيهـا وأنـت رجـل شـرود وش لك بطاري حمد ؟ لا تزعجـه لا رقـد 000 وأنـا كبيـر بربـي والشـرف والـجـدود ------------- ســــعـــــد بـــــــــراك: خيالك الرحـب مثـل البيـت مالـه عمـد 000 جابتـك ليلـة ماهـل اهلالهـا فالـوجـود افـلام كرتـون مافيهـا بـروق ورعــد 000 ياسعيد حاول بعمرك ليـن ترقـى السنـود -------------- ســعـــيـــد الــحــمــالــي: البيت ثابـت علـي العمـدان حتـي صمـد 000 ومزيفيـن الحقـايـق نعتبـرهـم يـهـود وإنكان عزمك برد عزمـي ماعمـره بـرد 000 والله والله مـا أعـود ليـن أهـد السـدود

جنــــون 08-09-2011 06:42 AM الــــشـــــهـــــرانـــــي: الله يبيحـك يالحمالـي مـن قبـل لاتستبيـح 000 ياللي لحيَك تدَرج وايدك علـى عـود الرحـى وش قسمك اليا مااحتما سوق المذمه والمديـح 000 يامقدم سـود المقانـع مخـر سـود اللحـى ---------- الـــــحـــــمـــــالـــــي: أقول ليتك يا شهرانـي تستخيـر وتستريـح 000 لاصار ماعندك حياء ... لا صار ما عندك سحا أخير من بعض الوجيه المتربـه وجـه مليـح 000 وانا مع هل المرجله في ليل ولا فـي ضحـى ----------- الــــشـــــهـــــرانـــــي: اثر الوتر حساس خلا المشرف يقوم ويطيـح 000 وانا احسبه في سكرته هايـم ولاباقـي صحـا ياحيسفي ياتمر بيشه فيـك يالزنـد الجريـح 000 اللي تصيـب اجمالنـا وتخلـي عيـرَة جحـا ------------ الـــــحـــــمـــــالـــــي: حنا لك الله ما نلـد العيـن للكـف الشحيـح 000 وانته بعد حدرت عنـك العـز والحـظ انتحـا تراك منتب لا رسول الله ولا عيسي المسيـح 000 وشلون اداري خاطرك وانته يابن معجب وحاااا ------------- الــــشـــــهـــــرانـــــي: الله يسلم لك عيـال العـود صاخـرة القريـح 000 والانته اتباري الظعن ياغصن مـدري يالحـا لديت عيني للفهـر وعيـال مسـرد يافصيـح 000 ولديت عيني لك وغاب الحلـم عنـي وانمحـا ------------- الـــــحـــــمـــــالـــــي: الذيب يقنب في علو الضلع مـا ينبـح نبيـح 000 وانته من اول ذيب في مغزاك قتلـى وجرحـى ماعاد لك حجه وعذرك يا ولـد عـذر قبيـح 000 دور بدلها واعرف اني حـي والصـدر برحـا ------------- الــــشـــــهـــــرانـــــي: جينـا وبرقناوفرقنـا الهديـل مـن الفحيـح 000 خلاص لا تثني الطواريـق وتعيـد وتشرحـا اسلم وسلم لي على نفسـك يابوصـدر بريـح 000 يامقدم سـود المقانـع مخـر سـود اللحـى ------------- الـــــحـــــمـــــالـــــي: يدي بحنجورك حرام اني ما هدك لـو تصيـح 000 الله يرحم والا انـا تعبـت اسامـح وادمحـا شامان منتب له كفو يا ناقـل لـوح الصفيـح 000 انما وسم في غاربك والا في وجهـك الاكلحـا

جنــــون 08-09-2011 06:42 AM الـــمـــلـــثــــم: وين الحمالي والدروب أوساع 000 بيني وبينـه دقـت الساعـه خابره مابين الحساء وأنطـاع 000 ويطـرح الحشـوان بذراعـه ------------ الــحـــمـــالـــي: جاك الحمالي راعـي الأفـزاع 000 والله مـا يمنـعـك فـراعـه راسك تلفه خوف ولا صداع ؟ 000 أبشر بطـبٍ يشفـي صداعـه ------------ الـــمـــلـــثــــم: الحر حـر لانـوى المطـلاع 000 والبوم صعب حيـل مطلاعـه الكيـل ودك مـد والا صـاع 000 حتـي تجيـك القـوم فزاعـه ------------ الــحـــمـــالـــي: خل الدوادي وإشرح الأوضاع 000 و من يشتري المعروف ماباعه ما ظن أبلقا من وراك أطمـاع 000 مركبك والله لأطوي شراعـه ------------- الـــمـــلـــثــــم: نسمع بقلبك هجرسه وأقـراع 000 حتـى ولـو مافيـه سماعـه ياوين أبلقى الرامـي الفـزاع 000 اللي علي وسق الهدف صاعه ------------ الــحـــمـــالـــي: قلبي علي الشدات مـا يرتـاع 000 يالي تخـش الوجـه بقناعـه إسمع كلامي وأغلق المذيـاع 000 صاحبـك علقنـاه بكـراعـه ----------- الـــمـــلـــثــــم: لاصار مـال السالفـه سمـاع 000 علقتها مـن فـوق شماعـه المجلس اللي له ثلاث أضـلاع 000 ماأبغيه لاأنصافـه ولاأرباعـه ------------ الــحـــمـــالـــي: رأسٍ ما يخطي حذفة الفـراع 000 راعيه أشوفه ضاعت أسناعه والمرجلـه لـو انهـا تنبـاع 000 مالبسـت النسـوان دراعـه ------------- الـــمـــلـــثــــم: راعي الونيت اللي عليه شراع 000 الظاهر أنها أنحاست أوضاعه الزبد يارجـال وشبـه مـاع 000 نسيان وألا القيض قـد لاعـه ------------ الــحـــمـــالـــي: المقطعه مـا عنهـا مهـزاع 000 ياراكبٍ مـن فـوق درداعـه خشوم البنادق صوبكم شـراع 000 وما لك سلاحٍ غير طرطاعـه ----------- الـــمـــلـــثــــم: بنسجلك في ساحـة الاقـلاع 000 ياللي تحـب الخيـر بأنواعـه عندي من البلجيك سبع أنواع 000 ياللـي تحاربـنـا بـولاعـه ------------ الــحـــمـــالـــي: طربـان والا هايـمٍ ملـتـاع 000 كلـن زمانـه قبلكـم لاعــه أكثر حديـدٍ حاشـه الصنـاع 000 لو كانها في الحرب طرقاعـه ----------- الـــمـــلـــثــــم: أنا الطبيـب معالـج ألاوجـاع 000 أن طاب وألا زدت بأوجاعـه اثر الخبر من يمهم قـد فـاع 000 حسبي علي اللي صوبهم فاعه ------------ الــحـــمـــالـــي: عندي نصيحـه يالملثـم راع 000 الـي رعاكـم ياولـد راعـه نبغى نشوفك قاضبن لك قـاع 000 يومن غيـرك قاضبـن قاعـه ------------ الـــمـــلـــثــــم: ياسبع قبلك مهلكيـن أسبـاع 000 مير أنت لاتهلك مـن الراعـه ذيداننا ترعي الخطر وشبـاع 000 وأنته ماغير السمع والطاعـه ------------- الــحـــمـــالـــي: سباعنا مـا عمرهـا تنصـاع 000 جنب ذياب الضلـع وسباعـه هروجـك الـي مالهـا رقـاع 000 أسدرت راسي يا بو قرقاعـه ----------- الـــمـــلـــثــــم: أسباع ضلعك ضيعت ألاسنـاع 000 تبغي تصيد وصارت طماعـه والقلـب ماهـو يمكـم نـزاع 000 أسدل ستاره وأعلـن أقلاعـه ---------- الــحـــمـــالـــي: سرابـك الـي نلمحـه لمـاع 000 مانيب انـا يـا هيـه تباعـه لو كان فعل الطيب عندك ضاع 000 أكيـد عنـد الله مـا ضاعـه -------------- الـــمـــلـــثــــم: صدام يملـك قنبلـة ألاشعـاع 000 لكـن فوقـه عـود أشعاعـه طيبي ورثتـة ورث يالخـداع 000 متوارثينـه كنـز ووداعــه ----------- الــحـــمـــالـــي: بانت عليك وذكرها قـد شـاع 000 والعلـم مـا ينفعـك رقاعـه يالي تقول إنـك طويـل ذراع 000 حنـا ليـد الشـر جبـاعـه ------------ الـــمـــلـــثــــم: ياسعيد شبرك لاتحسبـه بـاع 000 فرق مابين الشبر مـن باعـه واسلم وسلم لي علـي هـزاع 000 لاعاده الله وأمحـق أرباعـه ------------- الــحـــمـــالـــي: شبري طويل وانت له خضـاع 000 يا مروج الكذبات في اشاعـه اشوي لك حتي يطيـح قنـاع 000 والي تخفى نكشـف اطباعـه ------------- الـــمـــلـــثــــم: تبغى الحقيقه مانـي بطمـاع 000 خيري كثير وعنـدي أقناعـه وأن طعت شوري لاتفز بساع 000 ريض معي وأشري لك بضاعه

جنــــون 08-09-2011 06:42 AM عــــــــــــكــــــــــــاشـــــــــــــه: ســلام الله ســلام(ن) مـايـضـيــع ويـجــهــل الـمــقــدار 000 كـمـا (صـرف الـذهــب) (بـســم الله الـرحـمــن بـســم الله) الا يـاسـعـيـد وش عـلـمــك عـلــي مــن بــدة الـشـعــار 000 تـفـتّــل بـالـشـنــب بـســم الله الـرحــمــن بــســم الله --------------- الـــــــــحـــــــــمـــــــــالــــــــــي: هــلا بــك يـالـمـسـلّــم لــو سـلامــك وجــه الأنــظــار 000 وتـبـشـر بـالـشـبــب ( بـســم الله الـرحـمــن بـســم الله) أشـوفـك يـا عـكـاشــه تـنـفــخ لـغـوبــك وتـقــذف نــار 000 يــا لـلــه الـعـجــب (بـســم الله الـرحـمــن بــســم الله) ------------- عــــــــــــكــــــــــــاشـــــــــــــه: يـدوم الـك الـبـقـاء واثــرك تـهـمــك نـظــرة الـحـضــار!! 000 تــراك انــت الـسـبــب بـســم الله الـرحـمــن بــســم الله والا يـافـكـرتـي فـالـبـنــدق الـلــي مـاعـلـيـهــا عـيــار 000 مـضــره لـلــعــرب بــســم الله الـرحــمــن بــســم الله ------------- الـــــــــحـــــــــمـــــــــالــــــــــي: تـوقـع يـاعـمـيــل الـخـيــر وســدك لا يـجــي مـنـهــار 000 وإذا قـصــدك طــرب ( بـســم الله الـرحــمــن بــســم الله) تـرى الـذود إن تـقـربـه الـجــرب لـوهــو بـجـنــب حــوار 000 تـغـشــاه الـجــرب ( بـســم الله الـرحــمــن بــســم الله) -------------- عــــــــــــكــــــــــــاشـــــــــــــه: بـعـد مـا انـهـارت الـقـلـعـه تـبـيـهـا يـالـخـصـيـم اشـوار 000 تـدمـدمـهــا غـضــب بـســم الله الـرحــمــن بــســم الله وهــذي ثـانـيــه والـثـالـثــه مـاظــن فـيـهــا اشــعــار 000 اعـرضــك الــحــدب بــســم الله الـرحــمــن بــســم الله ------------- الـــــــــحـــــــــمـــــــــالــــــــــي: إذا بـراسـك مــرض فـأقــرب وانــا لـلـعـلــه الـبـيـطــار 000 وذيـبــي لا قـنــب ....بـســم الله الـرحــمــن بــســم الله وألا يـا سـيـف يـابـن الـسـيـف : سـيـفـك لا يـجـي مـنـشـار 000 ويـكـســاك الـعـتــب بـســم الله الـرحــمــن بــســم الله -------------- عــــــــــــكــــــــــــاشـــــــــــــه: لـيـا كـبـرت عـلـيـك الـسـالـفـه يـالـشـيـخ ابـو مـخـتــار 000 تــدرق بـالـلــقــب بــســم الله الـرحــمــن بــســم الله مـســوي فـيــك مـعــروف وجـحـدتــه لـيــش يــابــوار 000 تــرى وضـعــك خــرب بـســم الله الـرحـمــن بــســم الله -------------- الـــــــــحـــــــــمـــــــــالــــــــــي: أنـا شـيـخٍ غـصــب والـنــاس تــدري مـنـهــو الـعـيّــار 000 ورمـحــي مـلـتـهــب (بـســم الله الـرحـمــن بــســم الله) ولـحـدن لـه فـضـل يـا سـيـف غـيــر الـخـالــق الـغـفّــار 000 تـوقــع لا تــطــب (بــســم الله الـرحــمــن بــســم الله) ------------ عــــــــــــكــــــــــــاشـــــــــــــه: تــوقــع لاتـقــطــع والله انـــي فــــي نــحـــرك زرار 000 يــاريــس فـــالادب بــســم الله الـرحــمــن بــســم الله تـقـولـه وانـت مـاتــدري وش الـلــي مــن كـلامــك صــار 000 تــرى هـرجــك عـضــب بـســم الله الـرحـمــن بـســم الله ------------- الـــــــــحـــــــــمـــــــــالــــــــــي: رسـايـلـكــم تـجـيـنــا يـاهــل الـمـيــراد والـمــصــدار 000 خـويــك مــا كــذب بــســم الله الـرحــمــن بــســم الله سـوات ( الـلـيـبـي ) الـلـي لـقـبــوه الـحـاكــم الـثـرثــار 000 مـقــالات وخــطــب بــســم الله الـرحــمــن بــســم الله -------------- عــــــــــــكــــــــــــاشـــــــــــــه: تـحـسـب انــي سـواتــك فــوق غــرات الـعــرب سـبــار 000 بـــلا دم وعــصــب بــســم الله الـرحــمــن بــســم الله بـعــد هــذي تــرى مـاعــاد لــك حـشـمــه ولا تـعـبــار 000 يـاصــوام بــرجــب بــســم الله الـرحــمــن بــســم الله ------------- الـــــــــحـــــــــمـــــــــالــــــــــي: لـفـانــا بـالـعـلــوم الـلــي نـظـنــه صـاحــب ســتــار 000 يــا حـمّــال الـكـتــب بـســم الله الـرحـمــن بــســم الله نـهـزتـك واعـتـرفــت وقـلـتـهــا والـلــي تـقــول اقــرار 000 عـلـيــك بـيـنـحـســب بـســم الله الـرحـمــن بـســم الله -------------- عــــــــــــكــــــــــــاشـــــــــــــه: انـا بـارفـع مـقـامـي عـن سـوالـيــف الـخـنــا بـالـجــار 000 يـابــو عـلــك وكـعــب بـســم الله الـرحـمــن بـســم الله دخــل فــي قـلـتــك وســواس قـهــري روح يــم اشـهــار 000 مــع فـرقــة حـســب بـســم الله الـرحــمــن بــســم الله -------------- الـــــــــحـــــــــمـــــــــالــــــــــي: قـرون الـعـنـز طـاحـت دامـهـا تـنـطــح جـبــل سـنـجــار 000 "مـثـل" . يـابـو لـهـب ... بـســم الله الـرحـمــن بـســم الله صـحـيـح الـورع لـو تـضـحـك مـعـه واعـطـيـتـه الـمـزمـار 000 يـلـقّـيــك الـذنــب... بـســم الله الـرحــمــن بــســم الله

جنــــون 08-09-2011 06:42 AM بـــــن حـــمـــري: غزيت لـي شاعـر ورد الـذود 000 واليـوم ادوّر شاعـرٍ غـيـره والّي يعـرف العلـم والمـردود 000 يقبـل لحـربٍ مابهـا جـيـره ------------ الـــحـــمـــالــــي: البارحـه علـم وعليـه شهـود 000 واليـوم مالـك فالامـر خيـره إن قلـت مرهـي ماعلينـا زود 000 إجـزم وخـذ لفـه وتـدويـره ---------- بـــــن حـــمـــري: لاوالله الاّ جـيـت يالمـقـرود 000 ليته خـذا المرحـوم تصفيـره العود لامـن حـك راس العـود 000 يسبـى الجمـل وتـرد تاشيـره ------------ الـــحـــمـــالــــي: تبغي الليالي البيض وإلا السود؟ 000 سبقك قطيـب ولاويـن سيـره وإن كان شب الملـح والبـارود 000 ما في الوغى كسـرة وتجبيـره ----------- بـــــن حـــمـــري: زمّتـك بنـدق مالهـا عبـرود 000 خلّك على (القاتوه ) و ( الشيره ) وانصحك لا ترطن رطين هنـود 000 مغير انـا ويّـاك فـي الديـره ----------- الـــحـــمـــالــــي: إتجـر وخلـك داخـل المحـدود 000 لا تصـرف الـدولار باللـيـره وإن كان هبت بك هبوب النـود 000 سلم علـى الحـرّاب ومشيـره ---------- بـــــن حـــمـــري: وسط الرياض وجيرة ابن سعود 000 ماهيب جيـرة مسكـب البيـره كم قلت لك دون الرصاص حيود 000 يا جاهل النعمـان فـي الحيـره ----------- الـــحـــمـــالــــي: الليل في وضح النقـا المجـرود 000 يـا صاحبـن كثـرت معاذيـره ياشعيل باقـي لـك ثـلاث ردود 000 ويصير لـك رحلـة وتسفيـره ----------- بـــــن حـــمـــري: وضح النقا في الليل ؟ ذي منقود 000 راحت على ( نـوّاز ) كشميـره امّا سوالف خبـش مابـه فـود 000 ولاّ ابن برمـان اخلفـه طيـره ---------- الـــحـــمـــالــــي: العلـم جابـه حـاوي ومـردود 000 وانت إلتمست وصابتـك غيـره ما قدمـك إلا ريعـك المسـدود 000 ومن خلف شبينـا لـك النيـره ---------- بـــــن حـــمـــري: ادبل حمول الغـزو يالمضهـود 000 ما ينفعـك فـي العلـم تزويـره يحميك قولـة ضلعنـا الممـدود 000 تذبـح مناهيـلـه مناصـيـره ------------ الـــحـــمـــالــــي: إن راحت علومك سهود مهـود 000 بانـت عليـك وجالهـا سيـره وإن كانها راحـت لعـاد وهـود 000 الـعـود غالـيـةٍ مكاسـيـره

جنــــون 08-09-2011 06:42 AM بــــــــن حــــمــــري: يا مساء الخير جعل مقابل الربـع خيـر 000 عـادةٍ عـاش مـاردهـا ومصـدارهـا لاتخلونهـا هوشـة حصـان وبعـيـر 000 والعـرب عندنـا نشـرات لأخبـارهـا ----------- الــــحــــمــــالـــــي: مرحبـا يالمسيـر جتـك عبـر الأثيـر 000 وهـات كـل العلـوم وطـوّل قصارهـا إقدح النـار وأسـرع لاتشـاور مشيـر 000 قدمك الفـارس الـي يعسـف أمهارهـا ---------- بــــــــن حــــمــــري: رحمتـك ياآلهـي جـايـر المستجـيـر 000 مــن عـلـومٍ يزعلـنـي تذكـارهـا اعرفك كفو واوسع صدر00 واخطر مدير 000 حارتٍـك لاتزعـل مـنـك مختـارهـا! ----------- الــــحــــمــــالـــــي: إطلب الله يبن حمري وعقـب إستخيـر 000 رازق الطيـر لوهـي داخـل أوكارهـا يالخوي طالت الطرقـه وخـان العشيـر 000 و العـواذل علينـا لــدت أنظـارهـا ----------- بــــــــن حــــمــــري: يضحك ألعود لامن سمـع كلمـة غريـر 000 وجارت البيت نعـرف ويـن مسيارهـا! ان بغيت الجهاد فمعـك سيـفٍ شطيـر 000 وان بغيـت السلامه00عـان معبارهـا ------------- الــــحــــمــــالـــــي: عودكم لو ضحك يبكـي وهـذا يصيـر 000 دامهـا يالحبـابـي ولـعـت نـارهـا انتبه يابـن حمـري للطريـق العسيـر 000 طلعـةٍ فـي طريقـك ماأكثـر أخطارهـا ------------- بــــــــن حــــمــــري: ويش تختار نـوم ألآرض ولا ألسريـر 000 والمدينـه علـى شـارعـك دوارهــا ان عقلناك تملا الارض رغـي وهديـر 000 وان تركنـاك منـت بمـاخـذٍ ثـارهـا -------------- الــــحــــمــــالـــــي: إن ذكرنا الفرزدق غصب نذكـر جريـر 000 والكتـب تحفـظ التاريـخ وأشعـارهـا ما يسـرك دفاعـك لا كشفنـا الظهيـر 000 والطيـور الجـوارح شبـع منقـارهـا ------------- بــــــــن حــــمــــري: امدحوك العـرب 00ماباقـي الا تطيـر 000 لاتجـي بيـن ناشـرهـا ومنشـارهـا انت قلبـك غنـي لاشـك كفـك فقيـر 000 اختـم المسرحيـه واقـفـل استـارهـا ------------- الــــحــــمــــالـــــي: العـرب تفـرق البـرّه وحـب الشعيـر 000 وأنت وسط الحديقـه وأنظـر أزهارهـا أنصحـك لا تضيّـع صيدتـك فالغثيـر 000 يـا خطيـبٍ ولكـن خطبتـه خـارهـا

الساعة الآن 05:51 AM

صفحة 1 من 2 1 2 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية