 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - اوقف.. وأسميكـ الملك .. وشوي أسميكـ ..الامير ؛؛؛ أخاف من سطوة سموك .. وأحترم جلالتك
(http://www.gsaidlil.com/vb/showthread.php?t=4032)
اوقف.. وأسميكـ الملك .. وشوي أسميكـ ..الامير ؛؛؛ أخاف من سطوة سموك .. وأحترم جلالتك
خذني غلا يا أصدق غلا بالوقت الأول والأخير ........................... أبغاك تدرس حالتي أول وأنا أدرس حالتك حنا نفس واحد .. وروح .. وقلب .. وعيون .. وضمير ........................... عدالتي ظلمك .. وظلمي منتهى عدالتك يا بدري الطلــّــة ويا طلــّــتك يا البدر المنير ........................... ترى خسوف القمر .. بشارة وصول إطلالتك وإطلالتك عندي أنا .. تعني لي الشي الكثير .......................... لا صارت .. عيوني على خــدّك سحآآآآب .. وسالتك أوقف .. وأسميــك الملك .. وشوي أسمــّيك .. الأمير ............................. أخاف من سطوة سمــوّك ... وأحترم جلالتك حبــك كبير ... وبالمقابل .. قدرك بقلبي كبير ............................ إحساسي بــ محبتك ... وإحساسي .. بــ زمالتك لا يضيق لك خاطر .. فديتك .. لو يصير اللي يصير ........................... إن كان ما شالتك الأرض .. رموش عيني شالتك يا أترف مشاعر بالبشر ... يا أرق من لمس الحرير .......................... ساعة زمن ... ممشاك من غرفتك .. حتي صالتك دلعك يثقل خطوتك .. وأحيان .. يمنعك المسير ......................... وأحيان أشك إن الدلــع ... سلالته .. سلالتك يومك تعــض .. شفيفتــك .. وإصبعك لــ عيوني .. يشير ......................... وتقول هذي مالتي ؟؟ ... وأقول طبعا مالتك تقولهااا .. وأعيش نشوتها .. وأحس الموووت أخيــر ........................... لا شفت موتي بين عقرب صدرك .. وسلسااالتك تدري ؟؟؟ لا شفت بيالتك .. بأطراف ثغرك .. تستدير ............................أضرب على صدري .. وأقول الحظ .. حظ بيالتك مدام أبوك الناي .. وأمك ضحكة الطفل الغرير .............................. وتصير عمــّــتك الشطانة .. والشقاوة خآآآآلتك ؟؟ لازم عليك آغير من نفسك .. وحتي منك آغير ............................. عشان لو تطاولك كل البشر ... ما طالتك ما طالتك .. يالأسمر الجذآآآآب .. يالملح المثير ............................ ياللي سمـــارك .. جامعِِ .. سكر وملح أصالتك فتنتني .. بعيونك الخدرات .. والزول القصير ............................ وحببتني في طيشك ... وحببتني .. جهالتك ماعاد لي .. سلطة على حالي .. وأنا بــيديك أسير ............................. ولا عاد لي حيــلِِ يساعدني .. على حيالتك يا علــّــني فدوتك من راســك .. إلى إصبعك الصغير .............................. يا كبر بختي .. يوم ناولتك يــدي .. ونآآآآآلتك يا أصدق غلالا .. وأعذب غلالالا .. بالوقت الأول .. والاخير .............................. هذي خلاصة حالتي .. عطني خلاصة حالتك وســـــــــــلامتكم .............. منقول لعيونكم ... |
صح لسانك ولشان شاعرها ....... أشكركـ ......... تقبلي مروري ...... |
يسلموووو لوف بيرد على مرورك وربي يسعدك اخي ولاهنت |
اقتباس:
البروق لاتقدم الا الجديد و الرائع سلمت الانامل على نقلك الرائع وصح لسانك ولسان قايلها .. دمتي بسعاده .. .. .. |
روعه يالبروق
صح لسانكـ ولسان شاعرها واذا اخترتي ابدعتي وامتعتي الله يسعدكـ |
يسلموووو نادر الوجود وصح بدنك خيووووو وربي يسعدك على الطله الكريمه |
يسلموووو اخي عود الليل على المروور العطر ودمت بود اخي |
روووعهـ وربي رووعهـ اهنيكـ يالغلا على هالذووق اشكركـ على طرحكـ الرائع لاعدمناكـ :) |
يعطيك العافيه على الطرح الرائع
|
| الساعة الآن 08:53 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية