 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - يمه بقولك شي بس لآ تعصبين
(http://www.gsaidlil.com/vb/showthread.php?t=38863)
يمه بقولك شي بس لآ تعصبين
يمه بقول لك شي بس لا تعصبين..// يمه كتابي بالمدرسه نسيته..! ونسيت الالوان ودفتر التلوين..// و دفتر الأملاء بالغلط شقيته ..! و المريول يالغاليه لا تنسين ..// بالالوان و المزيل وسخته..! وانا مع صاحباتي المزايين..// يمه صبعي بالمقص جرحيته ..! بس صدقيني ترى مايعورالحين ..// لاني في المدرسه بالماي غسلته..! و نشفته وحطيت صبغة الايدين ..// وبلزقه الجروح و الكلينكس لفيته..! اكلت العلكة وجبنه لوزين ..// و العصيرما عجبني طعمة ورميته ..! ايه يمهابله العربي الي تعرفين ..// يمه الجوال منها سرقته ..! قريت الرسايلا لمرسله و الجايين ..// وفيها كلامن كثير ما فهمته ..! بس والله يايمه تصدقين..// بسرعه وبدون ما تحس رجعته ..! يمه وبقول لك شي بس ابوي لا تخبرين ..// شعري امس بالمكوى حرقته ..! و روجك الوردي الي تحبين..// يمه خذته معي و في الباص ضيعته..! تكفين يا يمه لاتزعلين ..// لاني روجة الباربي و العطرلك شريته ..! يمه اسناني تعورني من الصبح للحين..// وضرسي الي يتخلخل بالغصب قبعيته ..! و غسلت فمي و بالماي وللحين..// القطن بفمي من الصبح ما شلته ..! يمه حصة القران تدرين..// والرياضيات والعلوم ما حظرته ..! جلست العب في الساحه مع صابرين..// وضيعت شرابي وللحين ما شفته ..! ورحت مع احمد للمدرسه تصدقين..// وكل الي نسيته من هناكجبته ..! ردفني بالسيكل وسرعنا مثل المجانين..// و شرابي الوردي وربي لقيته ..! وفي طريقنا واحنا ع المحل مارين ..// وقفته و من يده للمحل نزلته ..! وهذا الكتكات و السنكرس لا تزعلين ..// و االببسي والبونتي لك شريته ..! وترى نص الكتكات لي لا تفرحين ..// و البونتي والسنكرز لك مابغيته ..! وهذي هي اللصقه و غرشة الايدين..// وترى من غرفة الارشاد سرقته ..! يمه تعبت من الحكي وبنام هالحين ..// وبكره اكمل لك الي سويته ..! اووه صحيح الحليب الي شريتين ..// تراه انكب بالمطبخ ما غسلته ..! و صج الكريم و علبه الفازلين..// و المشط و الشرايط بالكبت خشيته ..! واخوي الصغير يبكي من جيت للحين..// مو راضي يسكت بالعصا طقيته..! يمه تكفين بالزعل لا تعاقبين ..// لان ابوي توي من شوي راضيته ..! هذا يايمه الي صار لا تكفين..// لا تزعلي ترى الزعل عمري ما قويته ..! ودخلت الطفله في عالم الحالمين ..// والدموع الي بعينها ما نسيته..! نامت الطفله و هي تتمتم الى الحين..// يمه السمك ترى للقطو حطيته ..! يمه المريول اغسليه لا تنسين ..// و علي واجب لبكره ما حليته ..! اخذت يمه نجمتين بالدين ..// واختفى صوتها والباقي ماسمعته..! مسحت دمعتهاو قبلت الجبين ..// و شعرها المنثور بيديني جمعته ..! طفلتي جننت من البشر ستين..// و الميه الحين اتوقع وصلته ..! ● ● ● كل ذا ولاتبي امها تزعل http://www.marya-m.com/vb/images/smilies/s7.gifhttp://www.marya-m.com/vb/images/smilies/s7.gif -- راقت لي فنقلتها |
ردفني بالسيكل وسرعنا مثل المجانين..// و شرابي الوردي وربي لقيته ..! هههه ماشاءالله عليهااا مرررة رووعه يعطيك العاافيه |
قصيده خطيره صراااحه
تسلم اخوي وماراق لك راق لنا اخي صح لسانك ولسان شاعرها |
هاهاهاهاهاهاهاهاهااي
قصيده حلوه مره تسلم اخوي |
يسلمو عالطرح الرائع كروعة تواجدك وننتظر ابداعك وجديدك الراااقي وربي مايحرمنااااا منك |
مسحت دمعتهاو قبلت الجبين ..//
و شعرها المنثور بيديني جمعته ..! ابدعت خيو |
يعطيك الف عافيه
طرح رائع لاعدمناك .. |
الله يسلمكم على المرور
اشكركم جميعااا |
صح ذوقـــك الع‘ـطروالـــرآإقي أبدعت وأح‘ـسنت الإخ‘ـتيآإر لآ عدمنآإج‘ـديدك ولآ ننح‘ـرم منه تقبل مروري البسيط لك |
الله يسلمك على المرور العطر
اشكرك |
| الساعة الآن 05:22 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية