 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - لا ....تامن العقرب ولاتامن الداب.....السم واحد لا...رقـا فـي متونـك
(http://www.gsaidlil.com/vb/showthread.php?t=37405)
لا ....تامن العقرب ولاتامن الداب.....السم واحد لا...رقـا فـي متونـك
أن زان لك وقتك تخير بـالأـصحاب .........وان شـان وقتـك كلهـم مايبـونـك أن جيتهم قامـو يحـدّون الأنيـاب .........وان رحت عنهـم بالقفـا يشذبونـك لا..دبّـرت دنيـاك والحـظّ ماطـاب .........الناس لا..مـن طحـت مايرحمونـك أهل السيوف اللي يقصّون الأرقاب ......... أمّـا كفاهـم واقـعـك يظلمـونـك لا..تامن العقـرب ولاتامـن الـداب .........السمّ واحـد لا..رقـا فـي متونـك ياجاهل الدنيـا ودورات الأسبـاب .........أعرف ترى من خان غيرك يخونـك لو كان لك ربع(ن) موالين واحبـاب .........لابدّهـم عقـب الـغـلا ينكـرونـك وقت(ن) يشيّـب بالمخاليـق ماشـاب .........أسأل رجـال(ن) جرّبـو يخبرونـك (واحذر تخاوي كـل هافـي وكـذّاب ......... أهـل الـردى بطبوعهـم يطبعونـك ) أرفع مقامك عن ردييـن الأ نسـاب .........لو شفتهم فـي حضرتـك يمدحونـك فارق ثراهم وارق في راس مرقـاب .........أبعد عن اللـي لونهـم غيـر لونـك خلاّن مـال ومالهـم ربـع واقـراب .........لاقـلّ مالـك عـدّهـم يكرهـونـك أعتاض فيهم من طويليـن الأشنـاب .........اللـي الـى مـال الدهـر ينفعونـك لاصكتـك دنـيـاك وافـتـرّ دولاب .........بانـت مواقفـهـم ولا يرخصـونـك هذا رفيقـك مـن قريبيـن واجنـاب .........ذخرك وهم في واجبـك يذخرونـك عندك قريبين (ن) ولو قلـت غيّـاب .........على صدى صوت النـدى ياصلونـك ياللي سمعـت العلـم لاتفتـح البـاب .........لاتنحشر في شـي ماهـوب شونـك ربعك ألى من شفتهم صارو احـزاب .........وتشـاورو بالـراي والعلـم دونـك لاتبدي برايـك عليهـم ولـو صـاب .........لو صحت باعلى الصوت مايسمعونك ومن لاحسبّلك لاتسـوي لـه حسـاب .........لو كان يسوى وحدة(ن) مـن عيونـك * مما رااااق لي * |
لا..دبّـرت دنيـاك والحـظّ ماطـاب
.........الناس لا..مـن طحـت مايرحمونـك ياسلام عليك ياقلبي وصفتي واقعنا الحين يعني حتى الصاحب لازم نحذر منه صح لسانك ولسان شاعرها لاهنتي http://vb.arabseyes.com/uploaded/248704_1218811722.gif |
لاهنتي والله ولاندمتي على الطله الغاليه جنوووووو
لاعدمنااااك |
يعطيك الف عافيه عالطرح الرائع وربي مايحرمنا من تواجدك وجديدك وننتظر ابداااعك الراااااااقي |
أرفع مقامك عن ردييـن الأ نسـاب
.........لو شفتهم فـي حضرتـك يمدحونـك فارق ثراهم وارق في راس مرقـاب .........أبعد عن اللـي لونهـم غيـر لونـك صح لسانك ولسان شاعرهاا ومن لاحسبّلك لاتسـوي لـه حسـاب .........لو كان يسوى وحدة(ن) مـن عيونـك الله الله عليك ابيات رااائعه جدا جدا ربي يعطيك العافيه |
لاهنتي على الطله وصوفي
|
لاهنتي على الطله تعووووبه
|
| الساعة الآن 12:49 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية