 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - وصِيَّة مِن قبل مُوتي أبكتِبها بدُون ألقاب !!!
(http://www.gsaidlil.com/vb/showthread.php?t=34766)
وصِيَّة مِن قبل مُوتي أبكتِبها بدُون ألقاب !!!
وصِيَّه مِن قبل مُوتي أبكتِبها بدُون ألقاب ! عشان اللِّي يجي بَعدِي يتذكَّرني ويقراني صَريحَه صَفحِتي هذي وبخلِّيها بدُون احجَاب بَسولِف للمَلا .. واللِّي على قلبي على لساني بَعَلِّم غِيري وش فِيني مِن همُوم وشِقى وعتاب وعلى فِكرَه ترى قلبي(حقيبه) كلَّها أحزاني أبذكِر .. كِل ما أذكِر مَدام إن الزمَن ينعاب أبغرق .. وأشعِل ظنُوني مَدام إن العُمر فاني برسِّي مِن بُقى فيهُم وعَسَاها تِسلَم الأرقاب وأبلفِظ آخر أنفاسِي عشان القاصِي والداني ترى ما كِل مِن قرَّب قِريبٍ .. والغِياب غياب ولا كِل شَخص يِضحَك لِي أعِدِّه مِثل إخواني أهاب المُوت في لحظه ولحظه المُوت مِنِّي يهاب أواسي نفسي بنفسي وأكُون المَجني الجاني أنا ما أكتِب شعوري عَشان ألقى صَدَى وإعجاب أنا أكتِب .. لَجِل أرضِي جُروحي وضِيق كِتماني وإذا قلبي غدا شايب من همومه بَعدني شاب وعُمري توَّه صِغيِّر ... وقُويَه حِيـل أمتاني أبد ما كِنت مِتصَوِّر تِجيني نشوة الأحباب لأني ما عرفت [ الحُب ] .. إلاَّ يُوم ناداني وقبل لا أقول كِلماتي وأودِّيني على المحراب أبدفِن دَفتِري بإيدي .. مَدام الوَقت حدَّاني إذا شمس اللِّقا غابت وتفارقنا بدُون أسباب بتذكرني مَع الأيام ؟ .. وإلاَّ عادي تنساني سؤال يدُور في بالي حبيبي والظنون إقراب أنا إن رِحت عَن دربي يا غالي وين ألقاني ؟ وإذا كان الوصِلْ صَادِق ترى بُعدك عَلي كذاب أفكِّر فِيك وفي حَالي حقيقه الحُب أعْمَاني خذاني مِنْك وسواسٍ فِتَح للأسئِله .. أبواب يخلِّيني أشِك إنِّك تِحِب لِك واحِد(ن) ثاني !! يا خُوفِي الحَظ مَا يَصدِق مَعَاي ونِنتِهي أغراب لأني كِل ما أحْلِم أشوف .. الوَقت صحَّاني حبيبي .. لا تِطمِّني وتِشقِق مِن غلاي ثِياب أبَسكِن دُوم في بالِك و أبيك تِكُون عنواني مَدام إنِّي لَجِل عِينِك زَعَل مِنِّي كِثير أصحاب ترى لازم لَجل عِيني .. تِعَوِّض كِل حرماني نويت أكتِب شِعِر عَنِّك مَدامِك للشِعِر طلاب عسى يعجِبك ما باقي مِن حُروفي وألواني أغمِّض عِيني وأكتِبلِك وأفتحهَا ألاقي كتاب ! شعوري إنصدم منِّي .. وأثاري هذا ديواني م/ن |
يعطيك الف عافيه عالطرح الرائع وربي مايحرمنا منك ولامن طلتك الراقيه والرائعه وننتظر جديدك وابدااااعك |
لاهنتي على الطله وصوفي
|
صح ذوقـــك الع‘ـطروالـــرآإقي أبدعت وأح‘ـسنت الإخ‘ـتيآإر في النقل المميــز لآ عدمنآإج‘ـديدك ولآ ننح‘ـرم منه تقبلي مروري البسيط لك http://vb.qloob.com/upload/post/27.gif |
ترى ما كِل مِن قرَّب قِريبٍ .. والغِياب غياب
ولا كِل شَخص يِضحَك لِي أعِدِّه مِثل إخواني أهاب المُوت في لحظه ولحظه المُوت مِنِّي يهاب أواسي نفسي بنفسي وأكُون المَجني الجاني ابيات خياليه عجزت اقتبس بيتين صح لسانك ولسان شاعرها |
تقييــــــــــــــــــــــــم
|
لاهنتي على طلتك جنونه
|
لاهنتي على المرور اخر احسا س
|
| الساعة الآن 12:48 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية