إجـتـمــع من وقـت بـاكـر بـه طــرب
فـرحــة اللّقيـــاء يـردّدهـــا ويقـــول


يــاهلابـك بإسـم جمهــور وشعـب
يــاهلابـك جـعــل حبّــك مــايــزول


فالمطار اللّـي جمعـهـم عـن كثـب
للمـطــــوّع يـــاحلــو دقّ الطّـبــول


نجـم مــاغيـره نجــم نجــمٍ صعـب
نجـم مـاغيـره نجـم نجــم الزّحــول


ويش أبحكــي عن فنونه وش يهبّ
لاطـريتـه غيــر ريــح الشّـوق قـول


زاويــة تسعيـن تشكـي يـالذّهـب
والفِرق من حضـرتـك فيهـا ذهـول


إقهـــر العــذّال وأشـبعـهـم تعـب
ألجـــم الفـوّاه جعـلــه مــايـقــول


الجـزيـــره عنـدنــا فيـهــا شـغـب
رتّـب الطـلّاب وإشـــرح للفصــول


يــامـعـلّمـهــم منــاهـيــج الأدب
ويــامعلّمـهــم مـواعيـــد القبـول


جــابــك المولى ثم اللّي مـاكتب
غير تـاريــخ النصـــر عقب النّزول


الأمير اللّي على العليــاء ركـب
فـــارسٍ تبغــاه للبـيـــدا خيــول


شكــرًا كحيـلان شكرًا يــاشنب
يـاأميــر القـوم يـارجـل الحمـول


شكرًا كحيـلان شكـرًا يـاعصـب
ناشبٍ في حلق عـذّال وخبـول


يالأمير إبن النّسب وإبن الحسب
معك نصـــر المملكـه ماله حلول