صفحة 1 من 5 1 2 3 4 5 > عرض 40 مشاركات من هذا الموضوع لكل صفحة

نظرة الحب 01-01-2011 01:08 AM ديوان الشاعر علي القحطاني   علي ذكرى الايام القديمه وعهدن فات = اقوم اتصفح ماطوت صفحه الماضي واكرر عباره الندم وانثر العبرات = همومن على قلبي طويلات وعراضي وياونتي ونت تعادل عشر ونات = ويادمعي ياللي من علي وجنتي فاضي على واحدن لاهو بحي ولاهو مات = ادوره في كل المواطن والاراضي ولاراحت الدنيا مثله ولاكد جات = ابموت ياابن حسين زعلن ومغتاظ علي واحدن ماقد جيته بقوله هات = كريم بخيل عنه ماني معتاضي

نظرة الحب 01-01-2011 01:09 AM انا عقبكم لآني ميت ولآني حي = حياتي عقبكم ضايعه مالهاخانه وفي كل يوم الحال ينقص شوي شوي = ولكن شفا روحي علي الله سبحانه وانا اللي ربش حالي غزالن بذاك الحي = سيوف المنايا واقفه بين حجانه غزالن يذكرني زمان الهوى والغي = نطحني مع الشارع بعينين فتانه ظلمني وعذبني وحالي طواها طي = دخيل الله المعبود والبيت واركانه دخيلك تعلم كيف ظلم البشر يخي = واعرف طريق الحب واحكم بميزانه

نظرة الحب 01-01-2011 01:10 AM الغدير اللي نوى يصبح بحر = لين جف الما منك ياغدير ان قصر جهده تحسف وانتحر = وايش جاب القطن يمك يالحرير طالت المده وانا اكلم حجر = متعب نفسي مع جاه الحقير الطريق اطول من ايام السفر = والمسافه مايقربها المسير بس راعي الحقد عمره مانتصر = لا تحاول والكذب عمره قصير كم مسافه مصر عنك ياقطر = كانها لحظه ذاامر يسير ياهجرلازلتي انتي ياهجر = من بغا طيرة يوقع او يطير

نظرة الحب 01-01-2011 01:10 AM ياللي مع السوق التجاري نطحني=عقب العصر والسوق مليان جمهور قالوا لي انك قلت حبك ذبحني =وصدقت من قال انك انسان مغرور غيرك نصب لي بالهوى ماطرحنب= اللي جبينه مثل نور" على نور هذاك فعلا" لو بعينه شبحني= اما انت يالمسكين ماغير مقهور هذاك حبه بين ربعي فضحني= لوشاوروني فيه ماطاوع الشور دكتور لندن يوم جيته نصحني=قال ابتعد واقسمت ماهوب دكتور جيته اداوي الجرح لكن جرحني= معقول ابسمع فيه لوكنت مخطور

نظرة الحب 01-01-2011 01:10 AM ياونتي من سمعها قال ياحول=منها نحل جسمي وهدت عظامي بي علة"بالجسم والقلب معلول=ياونتي من علتي ياسقامي ياداله" عني وانا منك مشغول=انتا سبب هذا السهر والهيامي ارسلت لك من فوق عشرين مرسول=واهملتها ماشفت منك اهتمامي كانك نويت الصد عني على طول=موتي دنا يالله بحسن الختامي راعي الهوى يموت مقتول مجهول=وانا قتيلك ياظبي العدامي قتلتني واقول منتا بمسؤل= وياكثر قتلا رادعات الوشامي

نظرة الحب 01-01-2011 01:11 AM بعتنا بالمال والدنيا بخير= ياضعيف النفس حنا في غنا نيتك شينه وانا ناوي بخير= مادريت ان الوسخ ماهمنا من غلاتك قلت اباحطك خشير=لين بانت غايتك ياعمنا بعتنا وصدقت فينا هرج غير= روح عنا لاتقرب يمنا كيف اصادق شخص ماعنده ضمير= روح لادمك يفسد دمنا يوم هذي نيتك مافيك خير= واعسى لاعاد يوما" لمنا

نظرة الحب 01-01-2011 01:11 AM ياقرب واشنطن ولندن وباريس=حذفة عصا للي رصيده ملايين وياعز حالي للرجال المفاليس=اللي تضايقهم وجوه الديايين واللي قضى عمره وهو خالي الكيس= ماشاف من دنيا الورى الا عمى العين يسير في عين البشر كنه ابليس= ياكثر زلاته وهو ماعمل شين يارب ياساتر على اهل النواميس=يامسهل ارزاق الضعاف المساكين تفرج لمن ضيع جميع المقاييس=ياظيقتي والناس ماهم بدارين

نظرة الحب 01-01-2011 01:12 AM هبت رياح الصيف وتغير الجو=وانا وليفي مايداني سمومه هو يحسب ان شمس الضحا سيدي ضو=ريان عوده زايدا" بالنعومه فقلت انا والله ياسيدي لو= تسكن بروجا" شيدوها برومه يمكن تغير طابع الجو بالجو=لكن فؤادي من يغير همومه ياشمس طلي واختفي من ورا نو=لاتشرقي ياشمس كوني رحومه

نظرة الحب 01-01-2011 01:12 AM ياالله عسى صاروخ يقذف مساميره = علي منطقه مابين حدين خابرها يشكل سحب فالجو من قو تفجيره = يهز المدينه والمنازل يدمرها ويسلم من الصاروخ بفعله وتدميره = اخشوفن من الغزلان ماني بذاكرها سبب علتي واسباب مابي من الحيره = نهار الثلاثا يوم مريت زايرها بها الجادل اللي ذبحني محاجيره = تصرف بروحي وبيديه يعصرها بامر الله الوالي وحسنه وتيسيره = عسى عيني اللي تنتظرها تناظرها ( ) رسول النصر وتبدي مباشيره = يجيها رسول الخير عني يبشرها الا وعذابي قطعت قلبي الحيره = حروف القوافي قطعت قلب شاعرها

نظرة الحب 01-01-2011 01:13 AM رسالة حب اكتبها من دموعي على المنديل= الى حضرة جناب اللي اوده سيدي الغالي و بعد ازكى تحياتي اليك الشرح و التفصيل =و هذا الخط يا المجمول يشرح لك عن احوالي انا من يوم فارقتك عيوني ما تنام الليل=ولا ادري ولا اعلم متى الايام تصفى لي ولا يخفى عليك اليوم انا مشتاق لك بالحيل=ولا تنسى عنا حالي اذا ما جاك مرسالي ولو تسكن خميس مشيط وانا اسكن ضفاف النيل= ترى غيرك حشى لله ما يطري على بالي اهوجس يا لطيف الروح و اسهر في ظلام الليل = انا اللي شفت في دنيا الاحبه كل الاهوالي

الساعة الآن 02:12 AM

صفحة 1 من 5 1 2 3 4 5 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية