 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - إن غبت خلوني على راحتي شوي
(http://www.gsaidlil.com/vb/showthread.php?t=29752)
إن غبت خلوني على راحتي شوي
.. إن غبت خلوني على راحتي شوي أحس في بعدي عن الناس خيره البعد حط رحاله وصار لي في من عقب ما خاويت شمس الظهيره القوم تروي واتجمع على المي وأنا تعبي للقوم ضيع غديره يانمر طال الليل ومعاندك لي مثل العشير اللي تقفا عشيره الضيق يطوي خافقي يانمر طي وأنت تعبك ضيع عليك المسيره نام وتلحفني غلا وأخذني زي رجل تماري به جموع غفيره وأنا بمرس للواهيب رجلي وأرقى على متن السما بتعميره ودي أطير وأطلق لها السماء يدي ودي أعيد لماضي الوقت سيره ودي أبرهن للأوادم عن الضي اللي سكن في نفس رجلا كسيره ياابوك شفت الناس هذي على ذي لا طحت دور لك على ناس غيره واليا تسمى واحد بحاتم الطي كذاب ما يكرم سوى من كثيره ماهوب عيب إلا ونعم يا بعد حي لكن حاتم ما تساويه ديره القلب يطري له من أيامه الغي والنفس عيب احساسها تستعيره وان كان ما مرست ضرسك على الني فالقطع ما هو للضروس الصغيره والجرح لو قالوا لك إن آخره كي فاعرف ترى جرح النفوس الحقيره سنين وأنا احبس قهر خافقي بي حتى امتلى وجهي من الأيام حيره لكن مع مر الزمان انثنى لي وجه الرجال اللي تبيع ضميره عامين أطيَح عي و أطيح لي بعي حتى تجرعت الحروف المريره ويوم ارتسم وسمي على جباههم حي أيقنت إني للظروف العسيره وفي أول صفوفي نزل للنخل ري حتى امتلى وادي الصفوف الاخيره يانمر ما باقي على ليلنا شي دام الفرج فجر الليال الغزيره خذ ما تبي مما أبي واترك السي واقنص مادام صدورنا طار طيره وأن غبت أنا ياابوك خلوني شوي أحس في بعدي عن الناس خيره |
صح لسانك ولسان شاعرها
روعه واحيانا الشخص يجد الراحه في البعد لكن الجمعه مافي اجمل منها |
يسلمو عالطرح الرائع وربي مايحرمنا منك ولامن تواجدك وجديدك الراقي |
ههههههههههههههههههههههههه
والله وطلعتي شاعره فالك البيرق<<برااااااااا |
|
.............................................
حسبي الله على العدو والله والله فهمتي غلط مو هذا المقصود اقول لايكثر وامسحيه |
اقول انتي لايكثر ما فهمت عليك ولا شي المهم شلون امسحه وانتي اصلت حطه اقتباس
|
معذبتهم طلعتي مع طريق الملك فهد ورجعتي مدري من وين وقفتك الاشاره>>هع
بالك راح بعييد مو هذا المقصود اقول اهجدي صح لسانك |
فعلاً نحتاج ان نكون وحدنا معظم الوقت
ابيات جميله ولامست احساسي لقلبك السعاده |
|
| الساعة الآن 01:38 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية