أنا من كثر ماأحبك أشوفك في عيوني غير
تضيق النفس من غيرك ولآمن شفتك أرتاحت

أحبك كثر ماتطري في بالي وتشغل التفكير
كثر ماأشيلك بعيني وناسً منها طاحت

احبك كثر ماأمسح خطاك إن خانك التعبير
كثر ماخانت الرفقه بكتم اسرارها وباحت

احبك كثر صقارٍ تولع في محب الطير
كثر مادلة الطيب بريحة هيلها فاحت

احبك كثر ماأحس بشعور أني عليك أغير
كثر ماأزيح هالغيره عن أفكاري ولآ إنزاحت

أحبك كثر مالك داخلي حب وغلا وتقدير
كثر ماغبت عن عيني ودموع مفارقك ساحت

تصدق من عرفتك صرت أحبك وأكره التغيير
وأن إللي كنت أعشق كل نجمه بالسمآ لآحت

تأكد كل ماتسأل عن أحوالي أكون بخير
مدامك سائلٍ عني أكيد إن ضيقتي راحت

أحبك كثر ماالدنيا تجور وفرقت خلآن
أحبك كثر ماالقمرا يحن ويلحق اسرابه

احبك كثر مامالت على متون الهوا أغصان
احبك كثر ماطفلٍ بمنامه داعب اهدابه

احبك كثر ماأخطيتي وأقول أسف أنا الغلطان
وأدورلـكـــــ عــذر يوفي قبل تبدينه ابــدابه

احبك كثر ماغبتي كثر مابالحشى نيران
كثر ماالهم في صدري يهيم ونوخ ركابه

انا صحرا بلا حبك يموت بهاالشجر عطشان
انا لوما قصيدي فيك أقوله ناري اولآبه

إذا كلمة حبيبي لك تهز لهيبتي اركان
اقول اليوم ياعونك وعزي كامل أنصابه

احبك حب ماحبه على مر الزمن أنسان
احبك لو على موتي هلا بالموت وأسبابه

غرامك صار عنواني وانا قبلك بلا عنوان
مثل من ضيع أوطانه وضاع وضيع أحبابه

الا ياحبي الأول كفانا مامضى هجران
تعالي وأرحمي قلب(ن) لغيرك مافتح بابه

احبك كثر ماتكذب كثر ماتحب دمعاتي
كثر ماهلت عيوني دموع الشوق بغيابك

احبك كثرماتجرح الا يافرحة أهاتي
أموت بعينها الدنيا وأعيش وأموت وأحيابك

احبك كثر ماتخطي كثر عذري وغلطاتي
كثر بحر الهموم بخافقي وأكثر من عتابك

أحبك كثر ماتشكي كثر لومك ووناتي
كثر ماأذوب بأحساسك وأموت ببارد أعصابك

احبك كثر ماتضحك وأحس الفرح بشفاتي
كثر ماعاندك حظي كثر ماردني وجابك

احبك كثر ماأحبك كثر شكك وأهاتي
كثر فرحي بك وخوفك علي وحسرة أصحابك



مما راق لي ونقلته لكم