 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - تــذكـريـن اول لـقـاء ,,
(http://www.gsaidlil.com/vb/showthread.php?t=28293)
تــذكـريـن اول لـقـاء ,,
تذكرين أول لقاء ما تذكرين أول لقاء وحنا على شاطئ البحر ما تذكرين يوم نزل المطر وبل الشعر تذكري برد الشتاء وذيك الشفايف ترتجف تذكري يمكن في لحظة تذكرين لا تجاوبين إلا بعد ما تفكرين تذكري يوم عيوني جت بعيونك ويوم بكت دمعتي ودموعك تذكري شوقي وخوفي اللي في أوله برد وضباب وليل وفي أخره لهفة وميعاد يا خطوة في صحاري الخوف تذكرين وعد يجي أو مايجي تذكرين شوقي يقول اقعد معي وصوت يصيح بكره السفر أذكرك احنا التقينا صدفة تجمعنا ما توعدنا بوعد أذكرك كنتي تجين وتركضين يخوفك صوت الرعد اليمن مسكتك تضحكين وحنا بعدنا صغيرين طفلة وطفل ما نحسب حساب السنين الين مسكتك تفرحين وتكتبين للهوى أحلى قصيده أذكرك إحنا التقينا لهفة وحرمان التقينا ساعة الميعاد وكانت بداية رحلة الأحزان ولا ضاعت منا ثوانيها يا ليلها لون الستاير لا غشاها النور يا فجرها الدافي لا تباهت بالظهور ما تذكرين يوم صرختي لي تعال العب معي فوق الرمال نركض سوى ونقطع الزمن ونجر لحظاته ونبحر في دمعاته ويمر علينا سحاب الشوق ويتعدانا ونترك الليل يرمي أحزانه نركض سوى والشعر يطير بلهفة هوى هاتي يديك هاتي وامسحي بها دمعاتي من فرحي خليني لو لحظة يا عيوني يا طريقي يا شوقي الحقيقي ودي افهم وش ورى نظرة عيونك ودي ادري أنتي رفيقي وحبيبي وإلا أنتي في الهوى صديقي تذكرين يوم صرختي لي تعال العب معي فوق الرمال تذكرين نركض سوى مابين النجمة والنجمة العب معك وارمي عليك الرمل وثيابي غرقانه بالمطر وأنتي وقفتي تضحكين وأنا على ثوبي حزين وأناظرك واسرح في ضحكتك وأخاف أنتي تزعلين وأنتي تلعبين تذكرين عطر الأثير يوم رشنا عطر وندى غيم وضباب ورش السحاب وبحة صوتك تقول ليت الوقت يطول تذكرين وإحنا جالسين على كومة رمل ونسجل تاريخ الهوى في رملتي لو كلمتين لو همستين ونرسم صورة ونكتب محبه لونها رملي لون النجوم الطالعة اللي حمل في طلعته صوت حبيب صوت يقول ليت الوقت يطول وصوت يقول خلك معي وصوت يقول بكرة السفر تذكرين يمكن في لحظة تذكرين لا تجاوبين إلا بعد ما تفكرين تذكرين رحلتي وياك وإحنا على شط البحر تذكرين يوم أحاكيك عن اللي ضاع مني تذكرين يوم اشتكي على شط البحر وإحنا فوق الرمل تذكرين أنا وأنتي مراكب بلا عنوان تذكرين يوم تقولين تقدر تصارع الموج وأقول للموجه يا موجه أنا جالس على الشاطئ مع حبيبي ولا اقدر أنزل البحر أخاف اغرق وأسمعك تضحكين وتقولين توك صغير وتمسكين رأسي وتقولين هذا آخر المشوار حب يجرح الخاطر ولون يسرق الناظر وحقيقة تقتل الإحساس وفي ذيك اللحظة حسيت بإحساس ما ادري بلا ميعاد خيم الليل تذكرين وإلا أذكرك أني احب الليل لان الليل لو تدرين صديق الضايع الحزين صديق الوجد والوجدان تذكرين في الليل مشيت خطوة ودمعي على خدي يسيل مشيت خطوة ورا خطوة وأنتي تنادين وأنا اركض تقولين خذني أقول وينك وتعبت خطواتي ويلاه أنا أهواك وهذا اللي يتعبني وين ألقاك وكيف ألقاك وإذا لقيتك تذكرين أنا ما عرفتك ولا اعرف اشباهك قبل ما اشوفك واعرف حتى لونك أقول أنا عمر العذاب اللي مضى وصل النهاية وقضى ماكنت اصدق إحساسي في عز التعب يصبح لهب يصرخ يثور يناقش معي كل الأمور وأصارعه واخذ قلم اخضر واكتب وأوقع على صك اعترافي وأبدى أقول ليتني معك ليت الوقت ياحبيبي يطول وصوت يقول خلك معي وصوت يقول بكرة السفر http://up99.com/upfiles/gif_files/XT350028.gif مما راق لي |
|
يسلمو عالطرح الرائع وننتظر جديدك وربي مايحرمنا منك |
|
|
صح لسانك يالغلا
يعطيك العافيه تقبلي مروري اختك صمتي غرور |
صح لسانك ولسان شاعرها
|
صح لسانك وسلم بوحك و أعتلا شانك ,, لاهنتي على هذه القصيده الرائعه والجميله ودي لكـ ... |
الله يعطيك العافيه اختيار راائع وموفق ماننحرم من جديدك المميز http://up.7cc.com/upfiles/KON92568.gif |
|
| الساعة الآن 09:56 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية