 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - [ . . , يُ بَ ه .. / وَ وَ وَ يْنك ’ :( ~ ]
(http://www.gsaidlil.com/vb/showthread.php?t=26821)
[ . . , يُ بَ ه .. / وَ وَ وَ يْنك ’ :( ~ ]
http://vipxvip.org/up/upfiles/r0355281.jpg
قالولي إني أشبهك / حتى بملامح طيبتك الحمد لله يوم خلا لي خُطا . . تـتبع خطاك رغم إن ما هز الخفوق : إلا طواري غيبتك ببقى على وعد السنين/ اللي رسمها لي غلاك مدّيت كفّي للسما / إشتقت اصافح شيبتك ألمس مصابيح إكتست.. لون البياض اللّي كساك يا ليت للذكرى شفاه / لا سولفت عن هيبتك اقرى ملامحها / مثل ما كان يقراني رضاك كل الدروب ليا مشيت , تحكيلي عن توجيبتك وكيف إنها شالت كثييير وما لقت أحد بِ [ وفاك وكل النوايا اللّي تخاف الله خذت من ريبتك شيٍ تجمّل به عساها بالعطا تاصل عطاك حتى الرياض / اللّي تقول / إنه غدت حبيبتك من يوم رحت:وهي تعزّم تاقف / وتقبل عزاك أثر المسا , ماهو مسا دامه فقد ترحيبتك مدري تغيّر : أو أنا أتغيرت : أو متنا معاك لو هي على حزني بأصبر / بس .. مصيبتك : باللّي عجز يلقى حزن بالكون يستاهل رثاك يا صغر هـ الدنيا بعيني | لا طرت لي غيبتك دام المشاعر لا غفت عن صوتك . . تفز لصداك الموت حق : ولو يخيّر / إستحى .. من طيبتك وإستغفر الله ما تعدّى باقي الخلق .. وخذاك !! .............. ~ { صالح العبد الكريم **
|
[ . . , يُ بَ ه .. أسَفة دمعتي بعيني اليوم كلن قراها = ( ]
http://vipxvip.org/up/upfiles/a3i55281.jpg
دقـات قلبي تزيد بحرة ٍ فيها . . . والدمع من مهجتي بالحزن ذرافي من لوعة يا عسى ربي يجليها . . . حمى غشتني بغم وتنفض أطرافي ليت الليالي تعود بحلو ما ضيها . . . هيهاتي ترجع بما روَّح وما طافي كل ٍ يعزي وأنا روحي أعزيها . . . لرحيل أبوي اللي بالأفضال معطافي آآآهـ من الوقت والدنيـا أثنِّيها . . . دنيا تفرق شمل بالحيل تنعافي بسمتك يا والدي ما ني بناسيها . . . تضحك إذا شفتني بالخير متعافي ليت العمر ساعته تنباع وأشريها . . . بأغلى ثمن يايبه للعمر تنضافي مسجدك مشتاق للآية وتاليها . . . ومنبرك من عقب ما فارقت له طافي غرشة دهن عودك بدرجك أغطِّيها . . . أشم ريحه وكنك مقبل(ن) لافي نظارتك شلتها حزني يبكِّيها . . . حتى المساويك ناحت بين الأرفافي وعصاك مسنودة(ن) جيت أبحاكيها . . . تقول يكفيني ما فيني ترى كافي وبستانك اللي به النخلات تسقيها . . . يبست سواقيه تمره دون خرافي يبه .. يبه .. يا يبه لمن بأطرِّيها . . . هني من له أبو حي(ن) وينشافي فنجال قهوة معاك أوقات نغليها . . . ويضمني بالشتاء في مشلح دافي همزت رجليك أنا أفدى مواطيها . . . أرجي لبرِّك عسى ما تشكي خلافي الارض ضاقت علي باوسع فيافيها . . . ماذقت نوم هني والانس متجافي فضايلك يا يبه عجزان أوَفِّيها . . . لو وصلت بالشعر بيت الألف من قافي يا ربي تجعله للفردوس ناصيها . . . ومن ثمار الجنان الاخضر قطَّافي .............. ~ { سعد الطلحة **
|
طروحاتك دائما في القمه
ومبدعه وربي مايحرمنا منك ولامن توااااااااااجدك ويكفي تلفتي الانتباه من اسم الطرح |
[ . . , يبه . . |طَآلْبْتكِ طَلبْه ، ! . . . وَسعِ لِي آلَقَبْرِ وَ يَآكْ : ( ]
http://vipxvip.org/up/upfiles/wyl55281.jpg
يبه وينك ! تعب صوتي وملّيتك ! وملّيتك ! كذب من قال ملّيتك ! أو نسيتك .. يبه كلّي يبي بيتك ! يبه تدري .. معاد أحس بي / مدري ! أو إنّي من دريت إن الأماني حلم .. ناديتك .. يبه شفني أنا بنتك .. حبيبة قلبك وعمرك .. هذيك الطفلة اللي ياما لعبها أذاك .. ولا تكلمت .. يبه تذكر أغانينا أنا ويّاك .. وسكّة حلمنا مع بعض .. وصوتك لأنخلط مع بحة سكوتي .. يبه حنّيت .. ورب البيت .. ل أيام الشقا حنّيت .. لدروب السهر والحلم .. وذاك الشارع المنفي .. وضحكة أمي الخجلى .. إلى من قلت ياليتك .. يبه ودي أنا أحكي لك .. عن أسراري .. عن اللي صار ب/أخباري .. عن بكاي .. وقهر داري .. عن الضّيق الي ساكني .. ولبّسني معاه سكوت .. وأبي أكثر من أحضانك .. وأبي أكثر من أسوارك .. أبيك تكتف يديني .. وتسجني وسط روحك .. يبه ناظرني بعينك .. وعمّق نظرتك فيني .. ولاحظ كل تفاصيلي .. بتقرأ كل عناويني .. بتقرأ هالتعب وشلون دمرني .. وكيف إن الضحك فيني .. غدى موجع .. نعم موجع .. يبه تكفى تعال شويّ .. وأبي تسمعني بقلبك .. يبه إسمع .. ضجيج .. وزحمة من حولي .. صدى مطعون بهمومي .. وأنا من بينهم أشعر .. بغربة إمتلت كوني .. وأصوّت لك .. وأنا عندك .. وأنا جنبك .. يبه تسمع أحاديثي .. وتسمع كيف أحتاجك .. ابيك تمدّ لي يدّك .. ابشعل فيني سراجك .. يبه برحل .. وبترك لك معاك حروف .. إلى من جيت في بالك .. تذكّرها .. ترى هالبيت من دونك قصر فاضي .. مع إنّه ممتلي بالناس ! ترى هالبيت من دونك قصر فاضي .. مع إنّه ممتلي بالناس ! ترى هالبيت من دونك قصر فاضي .. مع إنّه ممتلي بالناس ! ترى هالبيت من دونك قصر فاضي .. مع إنّه ممتلي بالناس ! .............. ~ { رزان العتيبي **
|
تقيييم وتثبيت للروووووعه
|
اقتباس:
|
صح لسانك ولسان شاعرها
مع العلم انه منقول الا انه نال الاعجاب تسلمين ياطاهره |
اقتباس:
خَجلى وَ الرَبْ مِن عَظيمِ كَرمُّكِّ أنْرتِ صَفحَآتِ يآفرآشه قُبْلَهْ وَ فيضُ إمْتِنَآنْ http://www.u3u2.com/vb/images/smilies/ro.gif |
اقتباس:
آهلاً بِكَّ آآنرت صفحآتِّ *نعم ...وليَّ عوده بالمزيّد :) آمتنآني لك يآنقي http://www.u3u2.com/vb/images/smilies/ro.gif |
يبه وينك ؟
يبه وينك ؟
يبه وينك ؟ يبه وينك ؟ يبه وينك ؟ يبه وينك ؟ http://vipxvip.org/up/upfiles/wyl55281.jpg يبه عيدٍ يمر دونك بلا صوتك بلا عيونك بلا عيدية وبوسه بلا " الله " وْ وش هالزين ! ياقمرة بدنيتي تضوين ! [ يسمّى عيد ]؟! يبه وشلون بس افرح ؟ وحزن الكون يغمرني يبه وينك تعال اشرح تموت لمين تتركني ؟!! يبه محتاجتك الحين يبه أحتاج لك جنبي يبه شايف دموع العين يبه إبعدها عن دربي يبه ألمح بنات الناس تعايد بيّها بإحساس و ألم في داخلي يصرخ أعااااااااااااااايد مين أعااااااااااااااااايد مين !! أعايد ظلي أو همي !! يبه وينك؟ يبه حزني مكسّرني يبه وينك ؟ تعال الحين ..! تعال الحين وعايدني ! عذراً لقلوبكم http://www.shathaaya.com/vb/images/smilies/i.gif |
| الساعة الآن 05:50 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية