محطات شاعر
 

( الفنان المحبوب/ خالد عبدالرحمن) مخاوي الليل,,

http://www.up2up.com/uploads/images/...e06817fb3d.jpg


الفن خالد والفنون ألوان وخالــد لون غيــر

فنّه أصيــل ومــالقيت إلفنّــه الساحـــر شبـه




يعزف على العود بوتر حسّاس ويهل النظير

مدامعي تكتب على سطــر الورق مــاتكتبــه




تأثــري في خـــالد الفنّـــان شيئن مـــايضيــر

ماهوب أنا اللي بس متأثـر في خــالد يــايبــه





يقولها طفلن سمع تقوى الهجــر حزّة اعصيـر

وقرّر يخاوي الليل دام النــوم صـدّه وإحربــه
,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,








( الشاعر/ طلال الرشيد) الله يرحمه,,

http://www.arabsfr.com/up/uploads/4830bc0c99.jpg

الشعــر يبكـــي دوم مــن كـان نجمــه

أكثر دموعه حبــر وإن خــطّ ممسوح


مــا للقصـيــد إفغيــبـتــه أي لـــزمـــه

لو هو بني بيتن من الجـزل واصروح



طــلال مــات ومــابقــى غيــر إسمــه

إسمن يفـوح بساحة الشعـــر ويـلــوح

,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,








http://sphotos.ak.fbcdn.net/hphotos-..._3165928_n.jpg



أنــا الحلـــــم القــديــــم اللـــي ورى شمّــــاعـــة التطـويـــــر

كبــــــر حـــــلمــــــي ولا عيّــــن حقيقــــــــه كــــــان يبــغيــــها



أنا الصدق الصدوق اللي ورى صدقه غفـى التفسيــر

أنا الكـــذب البريــــئ اللي عجــــــــز صــدقـــــه يمشّيــــها



أنا أحســـن صـديــــــق يقدّر أصحـــــــابــــه بلـى تشفيــــــر

أنا مـــــالـــي صــديـــــق يقــــــدّر أصحـــابـــــــه ويفــــديـــــهــا


أنــــا الحــــظ القليـــــل اللــــي فقيــــر الحــظ والتدبيــــــــر

(أنـــا العـــــز الكثيـــــــر) وقــــوّس الكـــلمـــــــه وعـــدّيــــهــا
,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,






( حــوّى)

http://up.7cc.com/upfiles/GeW04444.jpg




حـــــــــوّى وينبــــــت فــــالثــــــرى عشبــــــــن خضـــــــر

حـوّى ويظهــــر فالسمــــــاء بــــدرن ينـــير


حــــوّى تـرف حــــوى دلــع حــــوى قمـــر

حـــــوّى زهـــر حوى عطــــر حـــوى عبـير


حوّى دوى جرحن على العاشق خطر

حوّى سبب جرحـــه ومـــن خــلّاه أسـير



حــــــــوّى بـــــــــلاد الــــزّيــــــن وبــيــــــــوت الشــــعــــــــــر

حـــوّى سنـــين الحــــب والحــــب الكـــبـــير


حــــــوّى ذهـــــب حــــــــوّى أدب حــــــوّى نظـــــــــــــر

جمــــــــــالهــــــا يســــحــــــــر يثـــــــير ويستثــــــيـــــر


حــــــوّى شفــــق هــــــالشمس وإشـــــــروق الفجـــــــر

حوّى عيــــــــــاد الوصل وأحـزان الهجــــير
,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,




( الإعلامي/ نادر بن جخير)

http://up4.m5zn.com/9bjndthcm6y53q1w.../to2lncnok.jpg



يـــانادر ابن جخيـــر مسيّــت بــــالخيـــــر

رجـــلن ولا هـــانوا جميــــع الرجــــالـــي




راعــــي العلــــوم الخيّــــره والتبــــاشيـر

وعـــرّاب كـــل امـــــدوّريـن الفعــــالــــي




الطـيـــب طيبـــك والقصـــايد طـــوابيــــر

دقّت علــــى نــــادر كــــريم السبــــالـــي




مـــانسنس الغــرـبي ومــــالوّح اعصيــر

ومــــاشجعّت خضـــــر القـلوب الهـلالــي




إلـك التحــــايـــا كلهـــــا دون تـــأخيــــر

وإلك الشكــــر والعفـــو والرد تــــالــــي
,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,







( مديرنا العزيز عود الليل)


http://www.gsaidlil.com/vb/image.php...ine=1287965747



ياعــــــوّد الليل الكـــــريم الرجـــــل محبـــوب الجميـــع

ياللـــــي على عهد الرجــــــال الخـــــالــده من طيبــــها



أحييـــت للشعــــر البديـــــع العــــذب نطّـــاح الصنيـــع

مشاعــــرن يفطــــن لهــــا من كـــان يعـــــرف غيبــها




وأنـــــا ترى شـــاعر وأخـــاوي ذيــب وأكــب القطيــع

وأعـــــرف مقـــامــات الرجــال اللــي تعــز إصحيبــها


يــــامــرحبا بـــك فالمســى فالصبـح فالصــدر الوسيــع

تشيـــلك إعيـــــون الســهـــر قبــــل العيـــون اتصيبـها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,





( المعلق عبدالله مبارك الحربي)

http://u.goal.com/89800/89836_news.jpg



ســـلام يــاللـي مــن التعليـق لـك كل زود

ياللي على الكـايــده تضرب وتقســم بحــر




بنيت لك في سمــاء التعليق مجــد وعهـود

وأصبـحــت الأول وغيـــرك مــاتعدّى شبــر




مــن نافســك مافطــن للمعــركــه والحــدود

أنت إنتصــرت وجميــع اللـي ينافس خســر





ميــولــك الكــل مــاعنــدك ميـــول إمحــدود

تقــول أحـب الهــلال وعشــق قلبــي نصـــر




فيـــك إلتقيــت ولقيتــك مــن كـريــم إلــودود

إلرجـــل واثــق لفـــذّ إلطهــر ينــزف طهـــر




شهادتــي فيــك مجروحــه وجـــرحــي يعــود

لنّــك كسبــت الرّهــان وصــرت مـرجـع فخــر
,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,










( سمو الأمير/فيصل بن تركي) كحيلان

http://www.ashefaa.com/goup/images/5...9358549080.jpg


ياجعلك يابو تركــي للســلامـه

يافيصــل يـامشتّت كل ضيمـي



وقفت الموقف اللــي مـايغــرّك

لزيمـك وأنت لـه دايــم لزيمـي


جلست وماجلســت إلّا لحــالـك

مــابيــن المجــد والعلم الغنيمي


بطـولتنـا تــراها فــي وجــودك

وجودك شي مرغوب وعظيمي


تباشــر وإحتـزم وأنت المحنّـك

وقدنا للنصــر وأنت الـكريمــي


فلا للنصــر من دونك مهــابــه

ولا هالنصر من دونك عظيمي
,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,




( أعضاء شرف نادي النصر)

http://www.alriyadh.com/2010/02/23/img/514260053677.jpg



تكفــى يافيصــل ياحفيـــد المنــاعيـــر

تكفون ياأعضاء الشرف أنتـم الســـاس


النصر ماهو شمس غابت مسـى خيـــر

ولا هـوب صدرن يحتضـن كـل هلاّس




النصـر رقمن صعب ضمن الأسـاطيـر

النصـــر قمّـــة حــب عــزوه ونبـراس




لا تتركــونــه للظــمـــاء والأعــاصيــر

ولا تطعنــونــه فالظهــر زي جسّـــاس




حنّــوا عليــه امــن القســـى والمعاذيــر

عيشوا هواه إحساس وأفكــار وأنفــاس




عـــزّوه بـــأفعــال وطمـــوح ودنــانيــر

نــومــاسكــم يـاللــي تحبّــون نــومــاس



أنتــم جنــود النصــر قــدم الطــوابيــــر

لو لا الأمــل مــاهزّكم طــاري اليــآس


تجــمّــعــو صــوت ومحــبــه وتــأثيــر

مهمــا إخـتـلفتــو خلّــو الحـب مقيــاس
,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,

.................................................. .....................
.................................................. .....................
.................................................. .....................






( الأسطوره / ماجد عبدالله)


http://www.albdoo.info/uploaded2008/...1229952608.jpg



من كل مدح وراس مال وجماهير

مـن كل كــآس وكرنفال وبطولــه


هذي قصيدة مدح لأعتى الأساطير

للــي لــه بكــل البطولات جــولــه



إن قلت غير الكل ماجـد فهو غيـر

وإن قلت ماجد ماحدن صار حوله


تاريخه المجد المبجّل وهو اصغير

بسط له ادروب النصر واهتفو لـه


تسعه ومن يسمع عن التسعه يحير

يحيــر فــي لعبــه وفنّــه وقــولــه


تشهد له الألقــاب وألقابــه اتثيــر

حقـيبــة العـــذّال واللـي نــوو لــه



حبه وحب النصر والشعر والطير

حكــايتن فينــي وأنــا فالطفــولــه
.................................................. ............
.................................................. ............
.................................................. ............








( الكابتن/ سعد الحارثي)


http://www.3shgan.net/vb/imgcache/11166.imgcache




قالــو سعـد يشبـه لراؤول الإسبــان

سعــد سعــد مــايـشــبــه لأي واحـد


طيــرن كفــخ لمعانق الغيم حوران

ثم جاك غــايـر والفريســه تــراعـد


مثل إنطلاقـة رمـح مـن يد فرســان

شقّ الشبك والحــارس الفــذّ قاعــد
................................
................................
................................





(الكابتن/ محمد السهلاوي)


http://u.goal.com/104100/104108_news.jpg




يجرح ويداوي وهو سهلاوي اعزومه

ماتكبــر إلّا لجــل غــالين الأثمــانــي


هـداف يهدي على الحــرّاس مقسومـه

هـداف نــاديــه الأول دون نـكــرانــي


جابه لنا من صدق فـي كلّبـو إعلومــه

فيصل ولد تركي بن ناصـر كحيلانـي
.......................................
.......................................
.......................................









( الكابتن/ عبدالرحمن القحطاني)

http://kll2.com/upfiles/mL593228.png



صفقة الموسم سلــم لي قلب من جـابـه لنـا

أشهد إنه جــاب لاعــب يرتقي قدّ الطمــوح


الجنــاح اللـي إلــى منّــه تعــدّى مــن هنــا

صرت أحس إن الهدف جـاي مـافيها مزوح


غنّ ياجمهور من مثـلك يغنّــي إلمن عنــى

جاب لك قحطاني الدمـام يبنـي لك صـروح
,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,









( الكابتن / ياسر القحطاني)

http://up.arab-x.com/Mar10/9cb97661.jpg


يايـــاسر ابن اسعيـد ربـي يخلّيـك

صمتك على بعض التجنّـي غليبـه


للّي يعيدون الحكي والحكــي فيـك

وللّـي علــى مبــدآ تعــال ونشيبــه


خلّك من أصوات البقر والصعاليك

ولا تنظــر إلّا للجــزاء والحسيبــه


أنته من إرجالن لهم مجــد يآخيــك

قحطان يــاعزّ الصحيب لصحيبــه


وأنتــه لـك اخــلاقـن تميّز معـاليــك

نجمــن تروم الكــايــده والصعيـبــه
,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,




أتمنى إني قدمت شي يحوووز على رضااااااااكم,,

وإعذروني إذا قصّرت,,

رااااائع اخوي

واحلى شي

مديرنا الغالي

روعه ويستاهل كل خيرررررررررررر

ماشاء الله وتبارك الرحمن اخوي سلطان

كل محطه تنافس لاخرى بجمالها

قوافي متميزه وطرح ممتع وهذا ليس بغريب على شاعر فذ مثلك اخي

لاهنت والله وصح لسانك ملايين على هالقصيد الرااائع

صح لسانك ياسلطان الشعر
كفيت ووفيت والنعم بك وبقصيدك

كل صوره واكرمتها بمالدك من ابداع شعري
احساسك جميل وتصويراتك جميله
انت شاعر وداخلك معدن شعري رهيب

الله يحميك من كل شر

واصل فانا من احد معجبيك

الف شكر

نظرة الحب

شاااااااااااكر لكي مرورك العطــــــر

تحيااااااااتي لكي,,

سلطان الحرف

اسح لي بحفظ قصيده ابونايف بدون امر عليك

صح لسانك مليون

وبيض الله وجهك