لهفة شوق..
 

.
.
.
يالهفة الشوق اللي بروحي لوفها
وين الطريق اللي يوصلني واوصلك

هذي حياتي لو انكتب لي حتوفها
فدوه تري روحي وحالي ومامتلك

غنيت حرفك والمحاني عزوفها
عساها تاجي على ذوقك وتوصلك

يالهفة الشوق اللي مرادي شوفها
ودي على ديره بها ربعك وفيها هلك

ومنك السموحه لو تردت حروفها
لوكان حرفي ردي والقول ماجاز لك

قصيدتي روحك وقلبي جوفها
يالهفة الشوق حالي من الود انهلك

اموت فيها واهواها وما توبها
كني لها شعب وهي هيبة ملك

اهديتلك روحي و شماغي و ثوبها
جاتك ضلوعي على صدرك تقبلك

ياسيدي ياسيد عيني وشوفها
يا غاية الدنيا لقلبي وما ملك.

صح لسانك
عجبتني صراحه
في كلماتها لطف

الله


ياسيدي ياسيد عيني وشوفها
يا غاية الدنيا لقلبي وما ملك.




صح لسانك

منت سهل يارامز ماشاء الله عليك
مااحب الشعربس فيه قصايد
تخلي الواحد يقول ابداع

قصيدتي روحك وقلبي جوفها
يانظرة الحب حالي من الود انهلك

اموت فيها واهواها وما توبها
كني لها شعب وهي هيبة ملك

صح بوحك يارامز
نص جميل جالس اشوف ابداع
وفيه قيمة عالية في النضج

مبدع بيض الله وجهك

صح بووووحك
هلك الحب ياصاااحبي ومن فيناا مااسلم منه
يااخي قصيدة فن وابدااااع
مخمخت فيهاا
بالله كثر لي من ذا اللووووون

صح لنا الفمر
الشخص اللي يكتب عن فكرة
قبل لايشرع بالكتابه
راح يطلع معه شي جميل
وانت تكتب بفكر

النص متألق

متصفحك يشع بالنور الوضاء
الذى يضئ كــــــــ المصباح فى ليلة ظلماء
دائما يشرق بكل ما هو جديد
ويلبس حله من الاناقه والتجديد

الله يعطيك العافيه على هذا الطرح
وسلمت اناملك المتألقه لروعة طرحها
تقديري لك

اهلا وسهلا..
حرف بهي اضاف للمحتوى كل جميل..
لاحرمت هذه الاطلالة..