نظريه التعلق
 

مش ممكن نتكلم عن العلاقات بدون ما نتعرض لنظرية التعلق.. 🫂
نظرية التعلق بإختصار بتقول إن شكل علاقة الطفل بأبويه أو من حل محلهم لتقديم الرعاية .. بتشكل (غالبا) طبيعة علاقتهم لما يكبروا و يبقوا أزواج و زوجات بشركاء حياتهم .. .
يعني اللي كان تعلقه بوالديه (آمن) و حاجاته كلها و خصوصا النفسية مشبعة .. بيطلع عنده تصور إيجابي عن نفسه و بيقدر يعبر عن مشاعره و يعمل علاقات جيدة و بيحس بالأمان في علاقته بشريك حياته و بيقدر يوازن بين الحميمية والإستقلالية ..
اللي كان والديه لأي ظروف مش متاحين ليه بشكل كافي وغير مستجيبين ليه نفسيا و عاطفيا .. أو مرة يستجيبوا و عشرة لا وعاش طفولة مهملة نفسيا ..
بيطلع عنده تصور عن نفسه سلبي أو أقل إيجابية .. و إنه لا يستحق الحب و الإهتمام .. ولما بيتجوز بيبقى عنده دايما شك إنه هيُهمـل أو هيتساب .. فإما بيبقى شخص قلق جدا و انفعالاته قوية و كثير الشك و الغيرة و عايز يسيطر على شريك حياته خوفا من فقده ودا بيعاني و بيخلي شريك حياته يعاني معاه
أو يحمي نفسه و يبقى شخص تجنبي مستغني .. مابيعبرش عن مشاعره ولا بيقرب من حد ولا بيسمح لحد يقرب منه و شعاره في الدنيا أنا مش محتاج لحد و دا لو اتجوز شريك حياته بيشتكي من الجفاف العاطفي و البُعد و الشعور بالوحدة.
و المشكلة بتبقى أسوأ لو الزوجين واحد فيهم قلق و محتاج للتفاعل العاطفي اللي يطمنه .. و التاني تجنبي بيبعد
الحل ايه؟
بكل أمانة الحل مع المعالج النفسي
لكن اللي يقدر كوتش العلاقات يقولهولك:
- تحاول تعدل انطباعك و صورتك الذهنية عن نفسك .. إن إنت تستحق الحب.. وإن إنت شخص فيك مميزات مرغوبة لازم تقدرها.
- تسامح أهلك لأنهم قدموا اللي قدروا يقدموه في حدود طاقتهم و نفسيتهم وظروفهم ووعيهم ساعتها.
- تكتسب مهارات تخليك شريك حياة أفضل عشان دا هيديك ثقة في نفسك أكبر كشريك حياة
- تحاول تتحكم في القلق و الغيرة لو انت شخص قلق .. مرة هتنجح .. مرة مش هتنجح
- تحاول تدي شريك حياتك حقه من التواصل والعاطفة .. لو شخص تجنبي .. ولو حتى ربع ساعة كواليتي تايم في اليوم
- وأهم حاجة معالجك يفهم شريك حياتك ليه انت كده؟ .. و يوصله ان جزء من علاجك هو التطمين المستمر .. وعلاقة آمنة حقيقية.

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

امتناني وشكري لك على هذا الطرح
محتواه جميل
ونال الاستحسان

وهذا دليل ذائقه راقيه جدا أدت
لظهوره بهذا الشكل

لك كل احترامي وتقديري



اخوك
محمد الحريري

سلمت يمناك
طرح جميل جدا