من روائع الشاعر محمد بن راشد ال مكتوم
احبها حيل هالقصيدة واللي زاد في حلاها
غناها أبو عبدالله ^_^




عـليهم صـابر والصبر طول
عـسى أنال في صبري شفاعه

سـبب خـلٍ عليه القلب يهمل
هـميل الـعين ما كف اندفاعه

عـليه الـقلب مـن وكره تملل
يـشوف الصيد في عالي رفاعه

حـسين الـلون باوصافه تكمل
تـينع مـثل ورد فـي زراعه

عـليه من الدجى كالليل يجهل
اذا هــدّت مـياديله اربـاعه

وعـينه مثل عين الحر الأكحل
وخـد يـاضي الـبارج شعاعه

وميهوف الحشا والخصر لأعزل
عـلى جـسم تـحليه لـقطاعه

عـليه انـوح دام الدوب واسأل
وقـلبي م الـعنا زاد الـتياعه

وحـبه فـي الحشا باطن تخلل
تـسلل فـي شـراييني جماعه

غـزاني حـبكم والـحب يقتل
وقـلبي في هواه أو في ضياعه

احـبك دون كل الناس..وأسال
واطيع الامر واصغي لاستماعه

الا يـا صـاح من مثلي تغربل
غـزاه الـعشق قـوه واندفاعه

طـويل الـهم في المهجة ترفل
صـدير اورودها فرد أو فياعه