قصيدة: لصار أعز الناس ما هوب فاكرك



<{ لصار اعز الناس ما هوب فاكرك }>
ياصاح لصار اعز الناس ما هوب فاكرك
أنساه بالمره ولعاد تفكر تجيب اعلومه

إنكان ماله عذر اعتبره مثل عدو ناكرك
للرجل موقف والطيب ما يغير اسلومه

ما أنت بطير له مكسور جناح وحاكرك
الحر يبقى حر وماتهز شعر رأسه بومه

إياك لأجل اللي مايسوى تكسر خاطرك
اطوي هدومك والاخليه يطوي هدومه

وكن حذر من صاحب يجرح مشاعرك
يخليك مثل العومه ماكوله و مذمومه

وناظر نفس كريمة تراها تبي تناظرك
ومن لا يلومك في هوى الترف لاتلومه

خلك وفي ومخلص لصاحب يشاطرك
لاتسمع هرج حاسد وعلى الشر تسومه

ونصيحتي لك يا سامعها اشكر شاكرك
ولا تتبع ناس قيل عنها بالشر مزعومه
الشاعر/ حمد بن فهد المخالده السبيعي
منقول