السلام عليكم ورحمة الله وبركاته
صباحكم / مسائكم شعر وجزالة
وحضور جميل مع اشراقة صباح هذا اليوم الماطر ..
فاتنه لشاعر اقل مايقال عنه انه مبدع بلاحدود
توقفت عندها كثيرا هذا الصباح
فاحببت نقلها لكم




تعب كل مافيني .. ولا غمضت لي عين ...
................... أجاري ( ظروف الوقت ) .. لو الزمن قاسي


على كل هـ التفكير .. وش حيلتي بعدين ؟؟ ...
................... ما دام الهموم القاسية .. حطمت راسي


متى يالقدر تصدق .. مع ( قلبي المسكين ) .. !!
................... ياطول إنتظاري ... صبري اليوم .. نبراسي



اشوفه بجوف العين ... لاكن نصيبي وين ..؟؟
................... عسى مانع الفرقى .. غصن .. يحتمل فاسي


مايدري عن الي .. في ضميري .. من التخمين ..
................... اشوفه بعيد ... ومره اشوفه أحساسي


( أنا ) .. غير كل الناس مهما حصل تدرين ؟؟ ..
................... زرعت المحبة .. قبل ما يعرفك باسي


عطيتك وفاء من داخلي .. ياسع لـ ( شخصين ) ..
................... هدية من أقصى خافقي لـ حبك الراسي


على حسب ( شرع الحب ) .. مازاد عن قلبين ..
................... بيني وبينك .. لوك أقرب من أنفاسي


إذا جيتني مشتاق .. بـ ( عيونك الثنتين ) ..
................... شف الموت بعيوني ... يداريه هوجاسي


تصيح المشاعر لا لمحت جيتك .. تمشين ..
................... تباشر من الفرحه ... آلا يابعد ناسي


تصدق حياتي كلها لك بـعسر ... ولين ..
................... ( وبعدك هلاك ) .. يقرع الظلم بجراسي


.
.


للشاعر المتألق: عبد العزيز المطلق



لكم خالص الود ومعها باقات من الورد