 |
منتديات قصايد ليل
(http://www.gsaidlil.com/vb/index.php)
- …»●[الاختلاف في الرأي لايفسدللود قضيه]●«…
(http://www.gsaidlil.com/vb/forumdisplay.php?f=2)
- - الابتزاز ... صديقتي محتاجه رايكم
(http://www.gsaidlil.com/vb/showthread.php?t=17874)
الابتزاز ... صديقتي محتاجه رايكم
بسم الله الرحمن الرحيم
السلام عليكم ورحمة الله وبركاته اخواني واخواتي الاعضاء قصه مرت فيها احد اعز صديقاتي والحمدلله ربي فرج كربتها بعد ان تعرفت على شاب في الثلاثينات من عمره وبعد ان اخذ صورها واتبزها بابشع صور الابتزاز والحمدلله بعد ان تابت الى الله سبحانه عز وجل بقدرته الكريم العظيم تم القبض على الشاب وهو الان في السجن ولكنه اتصل عليها من داخل السجن وكان يبكي طبعا وترجاها تتنازل عنه وسكرت الخط بوجهه واليوم الثاني دقت علهيا اخته تبكي وتطلبها عشان تتنازل عنه وهي قالت لاخته على الاشياء الي هو سواها فيها والي تفاجاءة منه صديقتي انه طلع متزوج وعنده بنت ولد بعدها قالت لها اخته ان امه تعبانه وارتفع عندها الظغط والسكر وصارة رايحه جايه للمستشفى المهم صديقتي قعدت تبكي من رحمة امه واخته لان هو ابوه متوفي وهو ايل يعولهم بس شوفو كيف قلبه حجر مافكر باهله قبل مايطيح بالمشكله ؟ الحين هي تبي رايكم هل تتنازل عنه ولالا ؟ وهي خايفه اذا تنازلت عنه يرجع ينتقم منها لانها طيحت وخلته ينسجن ! وبنفس الوقت ودها تفرج كربه دها تعتق رقبة لوجه الله بس خوفها يمنعها وماتدري وش بيكون ردة فعل الهيئه تخاف يقولون نتعب ونمسكه ونوقف معك وبالاخير تضيعين تعبنا وتتنازلين عنه ! ابي ارائكم وتوقعاتكم وشوركم لها تتنازل ولا لا؟ اختكم ارقاء المشاعر |
"ارقاء المشاعر "اولا الحمدلله على كل حال.... من وجهه نظري تاخذ الاجر وتتنآزل والمسامح كريم...وان يتعهد الشخص..بعدم التعرض لها مره آخرى... والله ولي ولكم التوفيق... |
انا مع كلااام مشعل
|
خذيها من اخوك
ومرت علي امور مثل هذي حسب تخصصي دام انسجن وسحبوا اللي نده أمانه توصلي لها الكلام خليها تتنازل رحمه لامه ماهو له الحقير خلاص خليها تتنازلبعد اخذ التعهد عليه لازم ياخذون التعهد عليه لو يطلع صوره او تنتشر صوره بيوم هو المسؤل وينسحب على وجهه ويوقع على كذا طبقي اللي قلته وخليها تتوب لوجه الله وتبطل حركات مالهاداعي |
ابشر اخوي عود وهي على فكره تابت لله من قلب النت اعرفها والله تابت وعرفت ان الله هو الحق بس مسكينه هو الي لعب فيها وفي مشاعرها
|
للأسف صارت قضايا الابتزاز منتشره بكثره
لكن الحمدلله هيئة الأمر بالمعروف والنهي عن المنكر قائمه بدورها على أكمل وجه ولله الحمد في الحقيقه أنا أرى أنها تعفو وتصفح عنه لكن تدعه قليلاً في السجن لكي لايفعلها ويكررها مع فتاه اخرى وتغدو ضحية لذئاب مفترسه للأسف وضع مزري في أغلب الشباب إنا لله وانا اليه لراجعون يعطيك الف عافيه وفقك الله اختي |
التسامح او العفو هي من أنبل الصفات على وجه الأرض
لكن لو انه ماانسجن ماكان رحمها وكمان ابتزها رجال مالهم امان |
انا من رايي ان لاتتنااااازل حتى ياخذ درس
ولاعاد يكررها مع غيرهااااااااااااااا وش ذنبها يسوي كذا مو هي بمثابة اخته وامه الله يعينها ويصبرها يسلمووووووو عالطرح |
لاحول ولا قوه الا بالله
من جد قصه صعبه جداً وقاسيه حتى في اتخاذ القرار اعتقد افضل قرار هو أن تتنازل عنه وأعتقد أنه فهم الدرس والله يهدي البنات ما كان ويتعلمو الدرس هذه القصه تتكرر بشكل دائم ,لكن مافيه اللي يتعلم ,الله يسر على بنات المسلمين |
وعليكم السلام ورحمة الله وبركاته
انا من راائي انها تتنازل افضل عشاان امه ولاهو مايستاهل واجرها ماراح يضيع عند ربي لانها راح تفرج كررربه فهمتيني ياغاليه بس طبعاًلااازم يكتب تعهد .. والله يثبتها يارب .. |
| الساعة الآن 09:14 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية