 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - الريـح والنّـاي ...........
(http://www.gsaidlil.com/vb/showthread.php?t=17075)
الريـح والنّـاي ...........
جديد الشاعر فهد المســــآعد ليلة فراق و بـرد و بـروق و ريـاح وصوت المطر يفصل اخطاها عن خطاي نقرب .. وتنبت فـالوطى بيننا رمـاح حتـى تلاقينا..لقـا الريـح والـنـاي آخر لقا يغـزل مـن الغيمـة وشـاح وأول لقا يمضي .. بلا موعـد جـاي مسحت عن وجناتهـا صبـر وجـراح وأنا جراحي كانت أكبـر مـن بكـاي قلـت أذكرينـي ماهمـا بـارق ولاح وأيّاك تبكينـي تـرى الدمـع نسّـاي إذا سألوك الناس .. قولي لهـم : راح بالك يجي طـاري وداعـي وفرقـاي ترى الفراق الموحش .. فراق الأرواح أما الجسد لـو غبـت تحييـه ذكـراي صدّت .. و في وجناتها الدمـع ذبـاح وأنا أعتـذر لعيونهـا عـن سوايـاي تبكي وأنا أمسح دمعهـا كـل ماطـاح كنت أحسب كفوفي بتمسـح خطايـاي لو اجرحتني وقتهـا .. يمكـن أرتـاح لكنهـا.. وبـدون كلـمـة ولا راي .. أقفت توّدع عمرهـا اللـي معـي راح وأقبلت أودّع عقبهـا عمـري الجـاي |
............................
|
|
روووووعه يالبرق دامها من المساعد جنان شعره
|
لاهنت على المرور خيو عود الليل
|
شاكره تواجدك مهاوي
|
| الساعة الآن 03:47 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية