هلا بالشتاء
 

هلا بالشتاء ترحيبة الوصل بالعشاق
أحب الشتاء واحب جوه وسلوانه
أخيل البروق اللي تلاعج وانا توّاق
يميني تسوق الكيف والناس فرحانه

الا وعذاب اللي تهيّض وهو مشتاق
يحـده على بدع الطواريق شيطانه
مثل حر لا منه تنهّض نوى التحلاق
يحط الطيور الطايره تحت جنحانه
بدع من بنات الفكر بـيتٍ من الأعماق
وخذا من بحور الشعر دره ومرجانه

تهيض على البراق ويخايل البراق
على شان خدّ الحسن مدري على شانه
يلامس علوم الغيث من خالد الزعاق
لعلّ المطر في دار ربعه وخلانه
خبير الفلك مافيه مثله على الإطلاق
مثل فكره المليان والحق ميزانه
مجــرد توقــع والله الوالـي الخــلّاق
هو اللي يبّل القاع بالغيث سبحانه
عسى الله يجيب النوّ والمنهل الدفاق
ويسقي ثرى قاعٍ من العام عطشانه
ويعـم البلاد ويفرَح اللي شعوره ضاق
بـ هتاّن مزنٍ يعجب العين هتّانه
وتنبت بها الأعشاب واللي معاه نياق
يشوف السنع في كل ذوده وحيرانه
أبا القور واحامر مثل سيلها المنساق
عسى مثل وبلـه يملي القاع ربّانه
يعابيب مزنٍ ماتخلي لنا مزراق
تخلي جميع الارض بالوبل رويانه
وساع الفجوج اللي لها تكثر الأشواق
يذكر فؤادي زين معدومه اقرانه
جميل الوصايف كلها في صخيف الساق
سهوم الوغى والموت مابين حجّانه
لها وجه مثل النور في مطلع الإشراق
وغمازتين وخشم وعيـون فتانة
من أنوار خدك زان فكري وبالي راق
بدعت القصيد العذب واخترت قيفانه
تقول انت شاعر قلت شاعر على الافاق
أخلي بيوت الشعر بالوصف مليانه
عديمة وصايف غير عن ساير الأذواق
جميع القصايد دونها مالها خـانه

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

*،




آنتقاء مميز .. مَ ننحرم من جديدك

‏جمال الاختيار
خلفه ذآئقة جميله جدا

تعرف ماذا تقدم

‏محتوى الطرح اكثر من راقي

من الاعماق
اقدم لك شكري واحترامي



‏ليل المواجع
محمد الحريري

سلمت يمناك
طرح جميل جدا

سلمت الأناااامل
طرح جميل وممتع
وننتظر القاادم المميز

يعطيك العااافيه