 |
منتديات قصايد ليل
(http://www.gsaidlil.com/vb/index.php)
- …»●[الاختلاف في الرأي لايفسدللود قضيه]●«…
(http://www.gsaidlil.com/vb/forumdisplay.php?f=2)
- - نشر الاشاعات
(http://www.gsaidlil.com/vb/showthread.php?t=168021)
نشر الاشاعات
كثير من الناس ما يفكر في نتيجة كلامه، ولا جاء يحكي عن بشر تحس انه بلا ضمير، عادي عنده ممكن يغتاب اي بشر، ممكن يحط فيه اي صفة ولا يراعي وش نتايج كلامه، تغير طبع الرجال اللي كانوا ما يحبون الغيبة ولا السوالف بالشائعات، كان الرجل او حتى البزر يستحي يتكلم بكلام ما هو موثق، كان قليل انتشار وكالة يقولون، وكان الرجل ينزل قدره بين اخوياه لا صار كل سالفة يخمها يسولف فيها بدون ما يردها عن راويها، الحين صار وضع اكثر رجالنا زي حريمنا، كل سوالفهم تهاويل واغتياب وشائعات، ينبسط الواحد اذا مسك المجلس وقام يسولف بشائعة ويحاول يهايط يبي يقنع الناس ان كلامه صحيح، سبحان الله، صار الواحد اللي يحاول يوقف راعي الشائعة عند حده يطلع قدام العالم كنه ثقيل دم، لا قلت لراعي الشائعة: انت وش دراك، وقام يحوص ويراوغ تلاقي واحد ثاني يطنشك ويقول له كمل سالفتك ما عليك، صارت عقولنا صغيرة من كثر انتشار حقين الشائعات وكلام الغيبة، والله ثم والله ان الله ما راح يضيع حق عباده، لا تحسب انك بطل اذا قدرت تنشر شائعة عن انسان مسلم انك راح تنجى من عقاب رب العالمين، الغيبة والكذب ونشر الشائعات لو تبرقون في راعيها تلاقونه ما هو مرتاح في حياته، وهالشي طبيعي لأن راعي الكذب لا يمكن يتوفق، كلنا عندنا نقص، بس الواحد يحاول أن نقصه ما يكون في مضرة الناس، وغيبتهم، ونشر الشائعات عنهم، والله المستعان. اعطونا رايكم في اللي ينشر اشاعات ؟؟ |
الله يعطيك العافيه على الطرح
اللي كله ابداااااااع حضوري شكر وتقدير لك ولاهتمامك في مواضيعك اخوك نجم الجدي |
امتناني وشكري لك على هذا الطرح
محتواه جميل ونال الاستحسان وهذا دليل ذائقه راقيه جدا أدت لظهوره بهذا الشكل لك كل احترامي وتقديري اخوك محمد الحريري |
ما عنده شغل ولا مشغله حاب يعمل نشر اعشاه عن فلان وعلان
|
|
شخص فاضي
طرح جميل قلبي |
يسلمو ع المرور
|
| الساعة الآن 09:43 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية