.. البارت الخامس عشر ..
.
.
حرر هواك فالحب بات معلناً .
ما كل ما أخفته العين محزناً
من قال فؤادي ظالماً ،
كن في غرامي هائماً .
خذ من يدي خواتماً ,
واجعل رحيقي مسكناً .
.
.
روان تفتح عيناها بصدمة .
هند تنفجر ضاحكة : يمة يمة اههه بطني مستحيل اللي اشوفة .
اريان تدخل وتتبعها هاجر وب استغراب من منظر نجلاء وهي تخرج من المسبح وضحك هند الصاخب : وششش صاير ؟! الجوهرة تقترب لوالدتها بخوف : ماصار شي .
نجلاء بعد ان خرجت تُشير بيدها المُبلله: امسكوها لي عشان اعلمها انه ماصار شي .
الجوهرة تبتعد بذُعر : يمة والله ماقصدت .
هند بخبث تغمز لاريان .
الجوهرة تبتعد بعد ان فهمت قصد هند : لا تقربون .
اريان تُشير بعيناها مُتسائلة : طيب وش انتي مسوية ؟! .
اسيل تقفز مُمسكة نجود : مسكتها .
نجود بخوف : فكيني تكفين انا مالي دخل .
الجوهرة بتهديد تبتعد : احد يقرب ويشوف .
نجلاء بغضب : قومي والله خيبتي ولا لو اني اعنست ولا اعرست .
هاجر بضحكة بعد ان فهمت مايجري : اخذيها ب ايجابيه غيرتي جو بذا الحر .
اريان بهمس ساخر : وليش يوم تسبحتي الظهر ماخذيتيها ب ايجابية .
هاجر تلتفت بعينان مُغتاضة وتبتعد للسجاد المفروش يمين المسبح .
اريان تبتسم ابتسامة قصيرة .
تختفي ابتسامتها على صوت هند : امسكيها بتنحاش .
هند بتهديد مُقتربه من الباب : احسن لكم تبعدون عني .
هُناك خلف نجود تقف اسيل وببتسامة : سمي وابدي .
نجود بقهر وهي تعض شفاهها السُفلية : اسيل فكيني .
نجلاء تقترب ساحبة ذراع نجود وبغضب تهُزها : كم عمرك علميني كم عمرك .
نجود بصوت باكي : يمة مو قصدي .
نجلاء بمُقاطعه : قاطعيني مره ثانية وانا اتكلم عشان تشوفين .
نجود تُنزل راسها .
نجلاء تشدها بقسوة وبفحيح نطقت : عمرك 13 ولا فيه عقل فضحتوني وفشلتوني ، اختك امس وانتي اليوم ماتستحون انتم ، ماعليه الكل عارف الجوهرة وعقلها بس انتي يالعاقلة تسوين كذا .
الجوهرة من بعيد تقترب وبصوت غاضب : وش فيه عقلي ، كل ماتكلمتو قلتو الجوهره وعقلها .
نجلاء بصُراخ وهي ترمي ذراع نجود بقوة : قولي وش اللي مافي عقلك .
الجوهرة بصوت مُهتز حاولت ان يكون طبيعي : تكلمي طيب .
نجلاء : تبيني اعلمك بسالفتك مع ولد ام سامي ولا مراددك على عمتك وجدتك .
الجوهره تُقاطع حديث والدتها وهي تهمس لها بجملة قصيره ابكمتها عن الحديث .
ترفع نظرها لوالدتها وتبتعد بخطوات واسعه مُهتزه بعد صمتها .
هند تقطع الهدوء : اذكروا الله وقت مغرب والشيطان بينا .
نجلاء بصوت شاحب من جُملة الجوهرة : بروح اغير ملابسي وارجع .
اريان بعينان مُتسائلة لنجود : وش قالت الجوهرة لامك ؟! .
نجود تبعد نظرها عن قفا والدتها الخارج : مدري عنهم .
اريان تلتفت على روان الصامته : وانتي ليه مارحتي ورا الجوهرة مو من عوايدك .
روان تتجه للسجاد بخطوات بطيئة وبهدوء : ماتبي تشوف احد اكيد .
اسيل بضحكة مُحاولة تغيير الجو : اقول خلونا نتقهوى ونوسع خُطرنا والجوهرة ذي قلت لكم صايرة حساسة لو انها رجمت الشيطان مثل نجود وسكتت .
نجود بملامح غاضبة : ليتك تسكتين .
هند بضحكة : يارب ديم علي الضحك والله من اليوم وانا اضحك .
هاجر بسُخرية : يقولون من ضحك كثيراً عاش حزيناً .
اريان بصدمة تلتفت : وقولي العكس صحيح .
هند تجلس وببتسامة : وانتي مصدقتها ؟! ً باين جايبتها من كيسها .
اريان ب استغراب : هاجر صدق .
هاجر ببتسامة تجلس : ايه فديتك ويني وين الحكم .
اريان : اجل اسكتي لاعاد تتكلمين .
هاجر تلتقط الفنجان من كف هند وبسخرية : طيب فيه اوامر ثانية .
اريان تبتعد مُتجه لريما التي عادت تجلس امام اللعابها بملل واضح : لا بس تسممي .
..
ماجد يُجيب على رنين الهاتف : هلا والله وارُحب تراحيب المطر .
ابو ماجد : الله يحيك .
ماجد يُدخل سيارتة داخل سور المنزل : وش علومك !؟ .
ابو ماجد بسُخرية : دامك مهتم ليه ماتكلم .
ماجد ينزل من السيارة بعد ان ركنها في موقفها المُعتاد : هذا انا اكلمك .
ابو ماجد : شكلك شايل بخاطرك .
ماجد بهدوء فهم مغزى حديثه : ماعاش من يشيل عليك .
ابو ماجد : اكيد ؟! .
ماجد ببتسامة وهو يتكي على مقدمة السيارة : اكيد ، وش اخبارك انت واللي عندك ؟! .
ابو ماجد : بخير و عمك الحمدلله حالته مُستقره , يبي له كم يوم وان شاء الله بننزل قريب .
ماجد : ترجعون بالسلامة ان شاء الله .
ابو ماجد : الله يسلمك ، اخبار امك ونورة وسعود .
ماجد : الكل بخير لا تشيل هم .
ابو ماجد : هذا العشم فيك ، الا اخبار ولد عمك ؟!
ماجد ب استغراب : اي ولد عم ؟! .
ابو ماجد : كم عندك ولد عم ؟! .
ماجد : واحد .
ابو ماجد : وش اسمه ؟! .
ماجد بضحكة : الله يطول عمرك وش فيك ؟!
ابو ماجد : انت اللي وش فيك اقول اخبار ولد عمك وتقول اي ولد عم .
ماجد ب استغراب : يبة انس عندك ليش تسالني عنه .
ابو ماجد بقلق : انس سافر امس واكيد انه قد وصل ، هو ماجاك ؟! .
ماجد بصدمة : لا اصلاً مادريت انه رجع .
ابو ماجد يهز راسه : اسمع دقيت عليه وجواله مقفل شوف وينه ليكون ماوصل .
ماجد بهدوء : لا ان شاء الله وصل ، واكيد عند احمد دامه ماجاني .
ابو ماجد : قول له اني ابيه ضروري .
ماجد : ابشر .
ابو ماجد : هاه يالله لا اوصيك ب اهلك وانتبه عليهم .
ماجد يعود صاعداً سيارتة بعد اغلاقة الهاتف من والده وبهمس : غريبه وش مرجعه ذا .
..
يقف بعد انهاءة صلاته : استغفرالله وش ذا النوم .
يلتفت باحثاً بعيناه عن هاتف ، ويقترب له بعد ان سقط نظره عليه : الوو ، وعليكم السلام .
ماجد بعجلة : وين انس ؟! .
احمد يضرب جبينه : كيف نسيته .
ماجد ب استغراب : منهو اللي نسيت .
احمد ينزل بخطوات سريعه : انس شكلة للحين نايم .
ماجد : افتح الباب انا برا .
احمد يهز راسه : طيب جايك .
..
ماجد يتبع احمد بعد دخولة : متى وصل ؟! .
احمد : الظهر .
ماجد بهدوء : وشكلكم ماكان ودكم تقولون لي ؟! .
احمد يلتفت بملامح مُستغربة : عاد اسال ولد عمك ليش ماقال لك .
ماجد يتخطاه فاتحاً باب المجلس الكبير : وش مرجعه ؟!
احمد يضغط زر تشغيل الانارة ليعم النور : اساله .
ماجد يقترب بسُخرية ناظراً النائم ارضاً وبهمس : وتتوقع بيقول لي .
احمد يتبعه : جرب .
ماجد بهدوء ينطق : نومة الادمي ذا غريب .
احمد بضحكة وهو يتامل انس : ايه ملاحظ .
ماجد يركل ساق انس وبصُراخ : الساعه 6 ونص وللحين نايم .
انس يفتح عيناه بسرعه وينهض جالساً وهو يبدا يستوعب مايحدُث.
احمد ينفجر ضاحكاً من شكلة المفجوع : بسم الله عليك .
ماجد يجلس على الكنب ببتسامة : والله كنت اعرف نومك خفيف بس مو لدرجه هذي ولا كان صحيناك ب اسلوب ازين .
انس يمسح بكفة على وجهه ويلتفت لماجد ساخراً : ي زينها من معرفة .
احمد يُصفق : يالله دامك صحيت وانت جيت اخذ ولد عمك ويالله .
انس يقف مُتجهاً للخارج قاصداً الحمامات : كمل جميلك مب تطرد .
احمد ينظر لقفاه الخارج : والله لو ندلعك خيمت .
ماجد يضع ساق على ساق : وينك بتروح .
احمد ببتسامة : ماشاء الله ي الفاهم .
ماجد : وش رايك بالله م اعجبك ؟! .
احمد : تعجبني ونص ي دكتور .
ماجد بغرور يتكي خلفاً : اي هذا الكلام .
احمد : عائلة مغروره .
ماجد يهتف بعد ضحكة قصيرة : مايبي لها كلام مو من حقاً نغتر ؟! .
احمد يرفع عينة بتفكير : اشوف اننا نفس المستوى .
انس يدخل بمُقاطعه رافعاً شعره المُبلل : اقول جيب لي سجادة ابي اصلي .
احمد : اعوذبالله وانت توك تصلي .
ماجد ينظر لعينان احمد : يالله من الصدق اللي اشوفه .
انس يُكبر بغضب .
ماجد يقفز ضاحكاً وهو ينزع الشماغ ويفرشه امامة .
احمد بهمس : زين ماسويت والله فيني كسل اطلع فوق .
ماجد مُتسائلاً بهمس : الا ماقلت وين بتروح ؟!
احمد بضجر يلوي شفاهه : الاهل معزومين وبوديهم .
ماجد بملامح مصدومة : لا تقول ام ابراهيم .
احمد ينظر لعيناه بصدمة : وانت وش عرفك ؟! .
ماجد بصوت ساخر : يعني وش عرفني ، اكيد الاهل بعد معزومين وقالو لي .
احمد : وان شاء الله بتوديهم ؟! .
ماجد يهز راسه برفض : السواق .
احمد ببتسامة : الله م اعطاني حبهم .
ماجد : غريب دايم . .
ينطق احمد وهو يهم خارجاً : هذا صوت سيارة ناصر .
يخرج ماجد من تفكيره على اصتطدام شماغه بـِ وجهه .
ماجد بغضب : وش تحس فيه انت ؟! .
انس ببتسامة اظهرت غمازته يقترب وهو يُقبل انفه : ماكانك تبي تسلم .
ماجد بسُخرية قد بانت عتب من صوته : لو انك تبي سلامي علمتني انك بتجي .
انس ينحني وهو يحمل هاتفه ومحفظته : كنت بجيك بس اصر علي احمد ورحت معه والحين شوفني بروح معك .
ماجد ببتسامة خبيثه : قول يوم طردك .
انس يتقدمة : اقول امش بس .
..
في الخارج .
احمد : وش اخبارك ي خاله .
ام ناصر : عيال اختي ذولا قاطعين من بناتها لين عيالها .
احمد بخجل : والله انك في البال بس اشغال الدنيا .
ام ناصر تهز راسها بضيق : الله يهديكم بس .
احمد يُقبل راسها : كل شي ولا ضيقتك .
ناصر بملل : اشوف الدراما خلصت ، طس ناد امك .
ام ناصر تضرب صدره بضيق : انت وش تقول ؟! .
احمد ببتسامة : لا تستعجل خل الوالده تتكشخ .
ناصر بسُخرية : المشكله تتكشخ وبكره تلقى الشياب صافين ع بابك .
احمد ينفجر ضاحكاً : الله يرجك تخيل بس .
ام ناصر بهمس : بسم الله وش ذولا اللي طلعو من بيتكم .
احمد يرفع ذراعه مودعاً لهم : عيال العايد .
ام ناصر بتدقيق بملامحهم : ابو بنطلون ولد عايد ؟! .
احمد يلتفت بصدمة : وش دراك ؟! .
ام ناصر تفتح الباب وهي تدخل : يشبه ابوه .
احمد بعينان زادت صدمة من معرفة خالته بوالد انس ، ليـُعيد نظره على انس الذي يقف واصبح امامه ناصر .
..
يرفع الهاتف وبهدوء يتحول لاهتمام وهو ينظر لعدد الاتصالات التي لم يُرد عليها .
يُجيب بهمس : الو ، وش صاير ؟! .
بضحكة عميقة : ماصار الا الطيب انا جايك .
بذُعر : وش يجيبك ؟! .
بهدوء : عشان اعطيك اللي معي .
جابر بنفس عميق : جبت كل اللي ابي ؟! .
الطرف الاخر : كل اللي تبي .
جابر ببتسامة : اوك لا تطول وانتبه لا يشوفك عمي .
الطرف الاخر : اوك ، خمس دقائق .
يخرج من غرفته بهدوء وينزل من السلالم بنفس الهدوء و يلتفت بتركيز .
..
ينزل من سيارته ببتسامة خبيثه و يُنزل النظارات قليلاً لتُلامس انفه .
جابر يقترب ب ارتباك : اوك جيب اللي عندك .
الطرف الاخر : مافيه سلام ولا علوم ؟! .
جابر يدفعه للخلف : من شفت النظارات اللي لابسها بذا الوقت ، وانا عارف ماوراك شي .
الطرف الاخر : بالعكس لبستها عشان تعرف ان وراي شي مُهم .
جابر بفحيح هامس : اخلص اللي عندك اعطني لا يشوفنا عمي .
الطرف الاخر يعود ادراجه لسيارته ويخرج بعد ثواني وهو يحمل ظرف اصفر : كم تعطيني ؟! .
جابر ببتسامة وعيناه ع الملف : مع ان مابينا شي ، بس امر لعيون اللي في الملف ادفع .
الطرف الاخر يُمد الظرف وبغمزة خبيثة : تعرف مابي شي بس اللي بقوله لا تفكر فيها والله صعبه .
جابر بضيق يسحب الظرف : النار ماتختار حزمتها .
الطرف الاخر يعود صاعداً السيارة : انتبه من عمك .
جابر يهز راسه وعيناه ع الملف .
..
يعود ادراجه بهدوء ليتصطدم ب الخادمة التي صرخت فجاه .
جابر وهو يُغلق ثغرها : الله ياخذك اسكتي هذا انا .
الخادمة كارما تمسك قلبها وبذُعر : سيدي لماذا لم تقُل شيئاً .
جابر يتعداها : اُصمتي ، اين عمي ؟! .
الخادمة بربكة : في المجلس ولديه رجل مُهم .
جابر يصعد هازاً راسه ب استغراب .
يُغلق الخزانه بعد ان وضع الظرف تحت كومة من الملابس لتخبيته .
..
يلتفت بخوف للباب هامساً : من ذا ؟! .
ينظر بتركيز لما امامة : هذا ولدي جابر .
يقف مُبتسماً : هلا والله .
جابر يسحب يده وبنظرات مُستغربة لهذا الوجه الجديد له .
عمة بهدوء مُرضي فضولة : هذا نسيب ماجد العايد .
جابر يصُدر شهقه مصدومة : ايشششش ؟! .
منيف ببتسامة يهز راسه .
جابر بصوت مازال مصدوم : وش يسوي عندنا .
عمه ببتسامة عريضة : اجلس عشان تفهم .
جابر يجلس بملامح مُستغربة .
عمه وهو ينظر لوجه منيف وببتسامة : انا اللي خططت لين زوجت بنته ولد العايد .
جابر يقف بصدمة : عم انت وش تقول .
عمة بصوت عاتب : مو قلت لك لا تقول الا ابوي .
جابر بهدوء غير مُبالي بما قال : الحين خلني افهم السالفه .
عمة يُشير بيَده : منيف قول القصة خلني اضحك .
منيف ببتسامة خبيثة : ي طويل العمر ، كنت غارق بديني وماصحيت الا ابوك حمد فوق راسي وعطاني فلوس قد الدين واكثر ، لكن بشرط ان بنتي ازوجها ولد العايد .
جابر بعينان ساخره : وكيف زوجت بنتك ولد العايد ، رميتها مثلاً ؟! .
عمة حمد بضحكة طويلة : هذا اللي صار وانا ابوك رماها .
جابر بقرف يقف : هذي بنت ليش تدخلها بين سوالفك ، وانت بنتك ذي كيف تسوي لها كذا ؟! .
منيف بملامح ضيق يقف بعد ان لامس قلبه كلامه : يالله توصي شي ي طويل العمر .
حمد يلتفت بعينان نارية : شغلك بعدين ، اربض في ارضك .
جابر يجلس بغضب .
حمد بهدوء : منيف لازم تقابل بنتك وتشوفها وكانه ماصار شي وان شاء الله بعد ست شهور بتكون معك وتلعب بالفلوس .
منيف يهز راسه ببتسامة : ماتقصر .
جابر يلتفت ع صوت عمة الغاضب بعد ان خرج المدعو منيف : والله ماراح يستفيد غيرنا ولا هو وبنته ماهموني بحريقة .
جابر بصوت ثقيل : هذي بنت .
حمد بعينان ساخره تضيق : مين اللي حاط حرس ورا بنت عايد العايد .
جابر يُخفي ربكتة : هذي اوامرك اني اعرف تحركاتهم وهي وحده من العائلة .
حمد بدون اهتمام : الا قول وش صار معك .
جابر يتكي خلفاً ويضع ذراعيه خلف عُنقة وببتسامة : وش بتعطيني ؟! .
حمد يقترب شاداً ذقنه بين ابهامه وسبابته : تكلم .
جابر يُبعد وجهه عنه وبصوت ثابت : قتلنا هادي وطيحناه في تهمه مايطلع منها وسكرناً الملف .
حمد ببتسامة يجلس : ايه نقطع ذيل الكلب قبل ينبح .
جابر بسُخرية : قول وفعل .
حمد يضع ساق فوق ساق : كمل ، انت تعرف وش ابي .
جابر يُكمل وهو يتذكر : جبنا دم حقيقي وارسلناه له مع رساله انه هادي انقتل ، وبعدها شفته تحرك راجع لسعودية ورجعت معه .
حمد بفضول خبيث : قابلته ؟! .
جابر يقف : تبادلنا الارقام بعد .
حمد يلوي ذراعه : انت تتكلم صدق .
جابر يغُلق عينه مُحاولاً ان لا يثور : فك يدي .
حمد بغضب : انا اكلمك مابي استهبال انت خذيت رقم الكلب اللي زيك ؟! .
جابر نطق ب انين : ايه بس قلت اسمي كايد الكايد .
حمد يرمي ذراعه وهو يصفعه بقسوه : مادريت اني اربي حمار , بكره يدور اسمك وبيعرف انك تلعب وراه .
جابر والذي لم يتحرك وجهه من اثر الصفعه : ماتوقع صعب عليك التزوير طلع لي نفس الاسم وانحل الموضوع , ولا تخاف الحمار راح يجيب حقك .
حمد يسحب ذراعه وهو يُمرر اناملة على الوشم الذي يتوسط ذراعه : ماوشمته لك هنا الا عارف انك بتنفث سمك فيه قبل تذبحه .
جابر يسحب ذراعه : تبي شي يبه ؟!
حمد : وين بتروح ؟! .
جابر يهم خارجاً : بروح للعيال .
حمد يُطلق ضحكة صاخبة :اه بس موتك قريب ي ولد العايد .
جابر يضع كفيه في جيبيه , ويلتفت لضحكة التي صدرت خلفه : شكلك بتقضي على عائلتهم .
حمد بهمس : هذا المطلوب .
..
بهدوء : ايه كلمني احمد وقال خلاص بيوديهن .
ام احمد : البنات كثير وسيارتك ماراح تكفيهن .
ام مساعد : اي والله .
ناصر بصوت حاول ان يكون مُتزن : ومن فكرته ان البنات كثير والسياره ماراح تكفيهن ؟! .
ام مساعد : والله مدري .
ناصر يلتفت لنافذة وبتمتمه : من غيرها لُجين .
ام ناصر : وش تقول وانا امك ؟! .
ناصر : اقول كنت بجيب سياره اكبر بس براحتهن .
ام مساعد : اي والله براحتهن .
..
تُنزل جهاز الفرد : وكذا طلعتي مُزه .
نوره تلتفت للمراءة وهي تُحرك اصابعها بشعرها الناعم نزولاً : قليل اشوف شعري جميل كذا .
ابرار تدفعها : كم مره اقول لك والله شعرك يجنن .
نوره تقف مُتجولة بنظرها في الغرفه : وين جزمتي الثانية .
ابرار تبتعد : بروح اللبس فُستاني .
نوره تهز راسها : روحي روحي بس لاتتاخرين .
..
في الاسفل تجلس وهي تهُز قدمها بغضب .
يدخل ببتسامة : السلام عليكم .
ام ماجد ببتسامة : مابغيت .
ماجد يُقبل راسها : جيت من وقت بس كلمني الوالد اروح اتطمن على انس .
ام ماجد ب استغراب : لا وش فيه انس .
ماجد ببتسامة : الوالد طلع له نص يوم بالسعودية وانا مادري .
ام ماجد مُتسائلة : وين كان ؟! .
ماجد ينظر لوالدته ب اعجاب : كان عند احمد ، الا وش ذي الكشخه .
ام ماجد بغضب وهي تتذكر الموضوع الذي انتظرته من اجله : ابرار تبي تروح معنا .
ماجد ب استفهام : خليها تروح .
ام ماجد بغضب : لا مابيها تروح بتفشلنا ، وفوقها نوف بتجي .
ماجد بعدم مُبالاه : طيب ، يالله بطلع اغير ملابسي .
ام ماجد ببتسامة : بروح اقول للخادمة تسوي القهوه .
ماجد بتعب : زين ماسويتي .
..
تنظر لشكلها ب اعجاب بعد ان ربطت شعرها على شكل ذيل حصان .
تُحرك ملامح وجهها امام المراءة ب ابتسامة مُرسلة لها قـُبلة : فديتني .
ماجد يدخل ب استغراب : الحمدلله والشكر .
ابرار بضيق : ياخي انت ماتعرف تدق الباب ؟! .
ماجد ينزع ثوبة بعجلة : انا زوجك مو اخوك اولاً ، وبعدين وش تحسين فيه وانتي تكلمين نفسك ، هو فيه احد غيرك هنا وانا مدري ؟!
ابرار بخجل تبتعد : اقول بعد خلني اطلع .
ماجد يرمي فانيلتة الداخليه عليها : اقول انزلي سوي العشاء .
ابرار بصدمة وهي تمسك فانيلتة : اي عشاء .
ماجد ببتسامة يقترب : كيف اي عشاء ؟! .
ابرار تتجنب شكل صدره العاري امامها : انا بروح مع امك ونوره .
ماجد ببطء : تقولين خالتي ولا امي او اي شي ثاني مو امك ، وبعدين اللي فهمته امي ماتبيك تروحين معها ليش رازه نفسك ؟! .
ابرار بعبرة لم تظهرها : لا والله نوره قالت لي انها تبيني اروح .
ماجد ببتسامة من ملامحها الغاضبة : وانتي مصدقه نوره الخبله ؟! .
نورة تدخل بمُقاطعه : خير ي انت وش خبلة .
تبتر جُملها وهي تُغلق عيناها : ليش ماتسكرون الغرفه طيب .
ابرار تلتفت بخجل غاضب : لا تعالي مافيه شي عشان نسكر الغرفه .