منتديات قصايد ليل
صفحة 1 من 2 1 2
عرض 40 مشاركات من هذا الموضوع لكل صفحة

منتديات قصايد ليل (http://www.gsaidlil.com/vb/index.php)
-   …»●[الرويات والقصص المنقوله]●«… (http://www.gsaidlil.com/vb/forumdisplay.php?f=12)
-   -   رواية/ وعندما رأت عيناي عيناك أدركتُ حينها أنك ستشقيني/البارت الثالث (http://www.gsaidlil.com/vb/showthread.php?t=143948)

ضامية الشوق 09-06-2018 01:16 PM
رواية/ وعندما رأت عيناي عيناك أدركتُ حينها أنك ستشقيني/البارت الثالث
 





بِسـم اللّٰه الرحمٰـن الرحِيـم
..لا حول لي ولا قُوة إلا باللّٰه العلِي العظيـم ..


^^ الجـزء الثالــث ^^


وأتيتُ يوماً للمدينة كالغريب
ورنينُ صوت أبي يهز مسامعي

وسط الضباب وفي الزحامِ
يهزني في مضجعي

ومدينتي الحيرى ضبابٌ في ضباب
أحشاؤها حُبلى بطفلٍ
غير معروف الهوية

أحزانها كرمادِ أنثى
ربما كانت ضحية

أنفاسُها كالقيدِ يعصف بالسجين

طرقاتُها .. سوداء كالليل الحزين

أشجارها صفراء والدم في شوارعها .. يسيل

كم من دماء الناس
ينـزف دون جرح .. أو طبيب

لا شيء فيك مدينتي غير الزحام

أحياؤنا .. سكنوا المقابر
قبلَ أن يأتي الرحيل

هربوا إلى الموتى أرادوا الصمت .. في دنيا الكلام

ما أثقل الدنيا ،!
وكل الناس تحيا بالكلام ..

"السـ12مساء ـاعه بالرياض "
نزلـو من الطيـاره، نزعو جكتاتهم من شده حراره الطقس..
طلع من المطار وقف وهو يناظر السماء ياااه يالرياض ارض ميلادي ما عدت اعرفك والله، تخيلي لاني حنيت ولاني مشتاق لك .. تنهد وهو ينزل نظره ويمشي وراه،، وليش اشتاقلك ومالي احد فيها كلهم راحو

كان سلطان متقدم عنه غمض عيونه واستنشق هوا ديرته يبي يعبي صدره من ريحته: جيتك يا الرياض وانا اطلب رضاك، و ابيكِ تعزي شاني جيت لحتى ارجع اللي راح وما ابغى ارجع وانا منهان..
رفع نظره للسماء يناظرها بتعمق وكأنه اول مره يشوفها ابتسم ..
رجع نظره للخلف، شاف حدة نظره وعقده حاجبيه من تحت نظاره السوداء يمشي وهو يناظر رجوله ابتسم بتعب من حاله الظاهر انه بيعاني معه كثير لين يتأقلم مع الوضع ..
اعترض طريقه وهو يقف قدامه، طلع نظارته بتساؤل؟!
سلطان ابتسم وهو يدخل يدينه بجيوب جينزه: رجعها الصحافه منتشره
ناظر يمينه شافهم، كأنهم غبار وهم متوجهين له رجعها وهو يمشي مسرع بس للأسف اعترضوه،! تنهد وهو يناظرهم
سلطان ناظر له وابتسم على جنب: قلت لك غير من شكلك بس ما سمعت لي كاهو الحين صادوق .. واطلق ضحكه قويه وهو يبتعد لحتى ما تظهر صورته بالكاميرا ..

صارو يسألوه اسأله كلها عن حياته وطريقه في الفن و متى ابتدا فيه واكتشف هالموهبه ..
عشان هو فنان عالمي، بكم دقيقه كل الصحافه كانت حوله حتى مزيعي الاخبار اليوميه ..
هذا راكان الجوهري منشد عالمي، سعودي الجنسيه، هاجر الي المانيا بظروف شخصيه في سن مبكر مع والداه ، وكانت هذه السفره سبب في اكتشاف موهبته عندما بلغ الرابعه عشر من عمره، قابل كثير من المشاهير في رحله حياته وشارك معهم في العديد من الاعمال مما زادت بـ شهرته عالمـيا، حيث اشار في لقاء اليوم ان رجوعه ليست سوى زياره ..

كانت واقفه فوق الكرسي وهي تسمع نشره الاخبار اليوميه وصارت تنقز وهي تصارخ: ييييسسس يسس واخيرررااا ..
لين كانت عند ابوها في مكتبه شافت نشره الاخبار وجريت لـ وتين تخبرها
حنان طلعت من المطبخ وهي مفجوعه : وتييين،! وش صاير تصارخين؟!
وتين تناظر امها بفرحه وشعرها متناثر على وجهها وكل جسمها : ماما راكان رجع عالسعوديه، اليوم هو هنا في الرياض
حنان بتعقيده: من راكان
لين جات تركض وهي لا تقل عن وتين من الازعاج: وتين سمعتي منو بالريااااض ،؟!
وتين لامها: يمه راكان الجوهري هذا المنشد اللي دايم نطالعه
حنان تنهدت براحه:استغفرك ياربي بليتني بعيال مهابيل، وهي ترجع المطبح وتهز راسها، ربي يهديكم
وهي تمثل مصدومه: حنوونه وش مخابيل اقولك رااكااان، راكااان المنشد بذات قدره وقيمته بالسعوديه ..
نزل وهي يبتسم عالجنب: وشو يعني وش فرقه من غيره ..
وتين ناظرت فيه برفعه حاجب جلست وهي تتكلم بخفيف وتبتسم بوجع : ايه كل الناس مالهم قيمه بعينك،!
سمع كل كلمه قالتها وتجاهل كلامها وهو يجلس قربها ابتسم ابتسامه مجروحه
شافته وشالت عينها منه سريع حتى لا تتأثر تدري انها تجرحه بكلامها بس هي تبغى تزيل هالغرور منه ـ بس عمره الجرح ما داوه تعلم عليه بزياده ـ
ضياء: ليون جيبيلي مويه الله يرضى عليك
لين وهي تأشر على عيونها: من عيوني يا عيـوني هههههه
ضيق عيونه ناظر لها
قامت تبغى تروح
ضياء بتنهيده وهو يغمض عينه: وتيـــن ..
وقفت وهي عاطيته ظهرها من دون لا ترد تبغاه يكمل
ضياء بإبتسامه هادئه ومن دون لا يقصد : انقلبت الايه ولا شو اذا حضرت الشياطين ذهبت الملائكه
ناظرت فيه وهي تبتسم على غطرسته وافتراءه الزايد: ما في احد ملاك غيرك، استأذنك ابغى اكلم ملاك
ضياء ناظرها وهو يتمالك اعصابه: اجلسي ابغى اتكلم وياك
وتين من دون نفس جلست وهي تتنهد وتحكى بخاطرها " ايه ما انت وقت تبي تتكلم تتكلم وقت ما تبغى تسفهه غيرك ربي يهديك "
ضياء بهدوء وهي يناظر إيديه المتشابكه: امس كنت زهقان وما قصدت اعصب عليك
وتين تغوقرت عيونها بالدموع وبصوت متهدج: ومن متى انت مروق دايم زهقان وتفضى حرتك فيني وـ..
ناظر لها: ومنو؟!
بلغت غصتها: وابوي ..
عض شفته السفليه: وتين لا تلخبطين المواضيع مع بعتها
وقفت وهي تطق رجلها بالارض: لا مااني قاعده الخبط كل شي واضح مثل الشمس
وقف وهو يمسك يديها وبصوت حاني: وتين قلت لك ااااســف ،! لا تكونين مثل غيرك وتفهميني غلط
ناظرت فيه بتعقيده وعدم فهم اشلون مثل غيرك"؟!
رجع شعرها المتناثر ورا اذنها وبصوت اشبه للهمس خلها تبكي بقوه وتطلق لشهقاتها العنان: والله ما كنت اقصد
ارتمت في حضنه وهي تبكي وتتشبث فيه اكثر
ابتسم وهو يمسح على ظهرها رفع وجههاا وباس جبينها ..
كانت واقفه وراه وهي ماسكه كاسه المويه تنهدت : اوف اخيرا تراضيتوو
ناظرو لها الاثنين بفجعه وانصدمو يوم شافو عيونها ممتلئه بالدموع
مسك منها الكاسه حطه عالطاوله وجرها لحضنه وهو يضحك: والله كان مع ابوي حق يوم سماك لين
وتين برفعه حاجب وهي تميل فمها: واناااااا ؟!
ضياء تبادل نظراته مع لين تنهد وهو يناظرها: انتي؟! ما اقول الا ربي يعوض امي وابوي
صارو يضحكو عليها وهي تجدعهم بالمخااد ..

بأول درج من السلم فوق كان واقف ومتابع كل شي من نزلت منه لين ابتسم "اللهم لا ترني فيهم مكروه، ولا تزقني حزن واحدٍ منهن، إني اسألك بأضعاف القهر الذي بقلبي ان تريح صدر اولادي، والله هذا العالم بما فيه لا يعنيني الا " اولادي " لا تزقني فيهن مراره .. "
مسح دمعه طاحت منه وتوجه لغرفته يبي ينـاام


★★★

اخذت شور سريع ما تبي تتأخر عالجامعه لبست الجينز وتنته من تحت، خذت قميص واسع لونه اسود، لبست اسبورت ذهبي وشنطه ذهبيه ناظرت حق نفسها بالمرايا وابتسمت برضا
لمت شعرها وهي تتأفأف منه ما يسيح لها ابد طبيعته مرول وفوق هذا متناقض ما بين اذنها وجيب بنطالها ـ ظفرته وحطت بكله بيضاء على شكل فراشه ..
شالت عباتها وطرحتها ثم الاهم نقابها ..
نزلت وهي متجاهله العيون اللي تخزها كالعاده
ملاك: صباح الخير على وجه الخير
فارس:يا صباح هالطله الله الله على بنت ابوها وش هالزين؟!
بإبتسامه رقيقه: عاد بالزين محد يوصل لقدرك
فارس وهو يقبل جبينها: طيب حبيبتي انا بسافر هاليومين
تنهدت: يبه توك راجع من لبنان بعد بتسافر
فارس: يا عيون ابوك شغل ضروري ومستعجل والله لو كنتي بإجازه كنت خذيتك معي
ملاك: تروح وترد لي سالم يا الغالي
ابتسم وناظر حصه: هاه حصه عاد لا اوصيك على بنيتي
حصه بإبتسامه خبيثه وهي تمسح شعر ملاك من الحسد: وش هالكلام يا فارس،! توصي ام على بنتها ملاك بأشيلها في عيوني تطمن
فارس ابتسم:انتبهو لنفسكم ربي يحفظكم .. يلا ملاك با اوصلك بطريقي للجامعه

ملاك راحت وراه تتنهد اشلون بيخليها ويروح مع هالحصه اللي ما تخاف ربها ولا ترحمها، مجنونه ومن اللي فيها عادي تتوقع بيوم تذبحها ..
نص ساعه وكانو قدام الجامعه ..
فارس بتحذير: اسمعيني زين يبه، ترا دوجه وهياته ما ابي مو يعني سافرت تاخذين راحتك ..مفهووووم
تنهدت وهي تبتسم في وجهه: يبه الله يهداك من متى انا اطلع ترا هالكلام حافظته حفظ من كثر ما تعيده لي كل سفره
ابتسم وهو يقرص خدها: اي هاذي بنتي السنعه، والله كل هذا من خوفي عليك
ملاك: ان شاءالله ما يصير خاطرك الا طيب من الجامعه للبيت ومن البيت للجامعه
فارس: اي ادري عنك بس لا التقيتي بوتين ما بيجيني غير المصايب مثل اللي قبل ..
ملاك وهي تضحك: تطمن يبه مافي طلعات، ولا ارد على مكالمات غريبه ولا اطلب من المطعم ولا اروح لوتين، ناظرت له وهي ترفع حاجب بمزح ـ بس ها امي بروح لها
فارس بنفس النظره: بس هااا اكثر من يوم بياته ما ابغى مفهوم وفي الاسبوع مره وحده او اثنين بالكثير
تنهدت على اوامره وهي تحضنه: حاضر يبه راح اشتاقلك لا تطول
فارس ابتسم لها وهو يحرك: ان شاءالله خلي جوالك مشحون دايم

دخلت وكانت ليلى ووتين ينتظروها بعد دقايق دخلو المحاضره مرت نص ساعه
القاعه كانت هادئه والانوار مطفئه والبورجكتر شغال
ليلي وهي تحط راسها عالطاله: بنات اذا نمت لا تصحوني الا لما تخلص هالوليه هزره امنتكم بالله ملاك ووتين
وتين بهمس: بسك كسل كل محاضره لهالدكتوره وانت نايمه اسحبي عالجامعه ابرك
رفعت راسها: عاد بالله ابا اسألكم، انا وش كنت افكر فيه يوم دخلت هالتخصص، من زوود الفلاحه العلي
ملاك ضحكت من دون نفس: عاد البلا لاحقك وراك وراك انتي وشكلك بهالتخصص، عاد ليش تهورتي ما احد يدري؟!
وتين وهي تزيد عليها فوق كلام ملاك: من التناكه حسبي الله عليك ضيعتي مستقبلك وانت تدرسين رموز وشخابيط ما انزل الله بها من سلطان عاد انا اشوف لو كان ساعدتي امك بالبيت احسن
ليلي: وخزيااااااه يا حليلي ياحليلي انا ادرس هالطلاسيم وما ادري وشهو ،، لا والله ضاعت علوم العرب
ملاك: وش اللي دخل العرب بتخصصك يا الدلخه ههههه
ليلي ترفع راسها: جب انتي ولا كلمه ما تعرفين هلي اذا فكرت مجرد تفكير اغير التخصص ان يصلبوني على باب هالجامعه
وتين: جزاك ما سمعتي نصيحتي اعرفك دخله ومخك ثقيل، قوطي مالك ومال الخرمشه بس فازعه علي غير سنع
ليلي: جب انتي الثانيه نصيحتك متأخره يا بعدي وبعدين لي امال ابي احققها
ملاك: لة الحمد والشكر ياربي انك مزكرها بأمالها الا اليوم كان حننتنا
الكتوره بتعقيده: وتين وملاك وليلي ونسونا معكم خلنا نتسلى من هالمحاضره الفارغه
ليلي بصدمه: دكتوره كنا نتناقش
الدكتوره بإستهزاء: اي تتناقشين وانت مسطحه عالطاوله برا لو سمحتو

جرجرو بعضهم بهدوء وطلعو ..
ملاك: كله منك غوري مننا ما ابي اشوف وجهك
ليلي: ومن حلات وجوهكم اصلا بروح الاستراحه انام حدي تعبانه ـ وراحت وهم يضحكو عليها ..
راحو عالكافي
وتين وهي تناظره: سمعتي ان راكان جا عالرياض امس
ملاك من دون نفس: اي شفت امبارح بالتيفي
وتين لاحظت لها: وشفيك حبيبتي كلش ما حبيت وجهك اليوم
ملاك تحط يدها في خدها: ابوي بيسافر اليوم
وتين بفرحه: صج، وش رايك بمغامره ..
ملاك: اسكتي اسكتي الله يهداك والله نزلي مقال اليوم عشان ما اطلع وفوق هذا كله بجابل حصوه اربعه وعشرين ساعه بالبيت
وتين وهي تميل فمها: عسى حصوه ببطنها ان شاالله اصلا هاذي ما راح تموت
ملاك وتناظر الماره:والله اشك انها قطوه


★★★

دش له المكتب بكوب قهوه وصحيفه الاخبار اليوميه
تناول قهوته بهدوء وهو يقلب اوراق الصحيفه
انصعق وهو يشوف الصوره واللي مكتوب تحتهاا
:الله يحرقك من وين طلعلي هذاا بعد، ناداه، نااايف، بحده اكثر، نااااايف
جاه يركض: نعـ...
وقبل لا يتم قاطعه: نادي لي ابراهيم بسوعه
نايف: حااضـ..
فارس بصراخ: روووح انقلع ...
وفي اقل من دقايق كان ابراهيم عنده: بسم الله اشفيك من الصبح تصارخ؟!
فارس وهو يتصبب عرق وصدره يعلي ويهبط: شفت الصحف اليوم وش فيها
ابراهيم: انا لحقت
فارس مد له: تفضل شوف وش فيه؟!
ابراهيم وهو يناظر عقد حراجبه
فارس ضحك بقهر: هه الفنان مشرفنا بالسعرديه، وقف وهو يروح صوب الشباك ويشوف المباني الشاهقه، التفت له بصدمه، لا يكوون سلطاان جاي معه
ابراهيم تنهد: تريس وانت تعرف كل شي وحتى لو اجو وش بيستفيو
بضحكه مكر: برجعو بخفي حنين زي اللي قبلهم
فارس ناظر له: ابي معلومات عنه كامله تصلني قبل لا اصل المطار
ابواهيم: ما تأكدت من المكتوب
فارس بصوت اشبه للهمس : لا قلبي يقولي في شي،!!!


★★★


إذا كنت قد عشت حلمي ضياعا
وبعثرت كالضوء عمري القليـل
فإني خلقت بحلم كبيـر
وهل بالدموع سنروي الغليـل؟!
وماذا تبقى على مقلتينا
شحوب الليالي وضوء هزيل

ـ أيااك تغلط
ـ يمه انتبه لنفسك
ـ يا ولدي لا تتسرع في قراراتك قبل لا تفكر
ـ حافظ على صلواتك يمه
تكررت الاصوات بأذنه صار يحس بضيييق وهو يقلب وجهه يمين وشمال يبي يبعد هالاصوات بس مو راضيه تبتعد
فز من نومه وجبينه يتصبب عرق ونبضه مو طبيعي، مسح وجهه بإرهاق: اجبروني .. اجبرني والله ومسكني من يدي اللي تعورني
حذف زجاجه الماء بغض تناثر الزجاج بكل ارجاء الغرفه
طلع من غرفته الظلام دامس يعتلي الفيلا، صار ينزل الدرج وهو يسمع اصواتهم هنا وهناك، تلفت مثل المجنون حسبهم جالسين بالبيت وما مات ولا امه راحت وتركته، ..
جلس بنص الدرج وهو يغطي اذونه كطفل صغير، رجع شعره للخلف: انزلي يا دموعي، انزلي ولا تعوريني اكثر، انزلي وريحيني ارجوووك ..ما ابي انعزل عن العالم ..يااارب رحمتتتتك ياااارب رحمتتتتتك ..

اعتصر الما في اول ليله له في الرياض، اول مره له يحس بالوحده هالكثر يريد صدر حنون يحط راسه عليه يشتكي كل الالم اللي يعيشه اللي ما يعرف عنه غيره
يريـد يطلع المكبوت بصدره ...
.
.
.

يتبــع ^^
يوم الثلاثاء بإذن الله






عـــودالليل 09-06-2018 03:17 PM
100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

لا أشبه احد ّ! 09-06-2018 11:53 PM
*،




آنتقاء مميز .. مَ ننحرم من جديدك

نجم الجدي 09-07-2018 12:37 AM
الله على اختيارك للموضوع الروووعه
شكرآ على المجهووود

بالتووفيق ان شاء الله

نجمكم

بوزياد 09-07-2018 12:57 AM
كل الشكر والامتنان على روعهـ بوحـكـ ..
وروعهـ مانــثرت .. وجماليهـ طرحكـ ..
دائما متميز في الانتقاء
سلمت الأيادي الراقية على روعه طرحك
نترقب المزيد من جديدك الرائع
دمت ودام لنا روعه مواضيعك



https://vb.tgareed.org/attachments/408304/

الغنــــــد 09-07-2018 11:47 AM
أسعد الله قلبك بكل ماتتمناه
مثل ما أسعدتني بصفحتك الجميله والرااقيه

يعطيك العااافيه
وشكرا لك مع تقديري

فزولهآ 09-07-2018 04:21 PM
طرح جميل

مجنون قصايد 09-08-2018 07:24 PM
ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

طهر الغيم 09-08-2018 09:46 PM
سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه
مودتي

ملكة الجوري 09-09-2018 02:38 AM
يُعَطِّيگ الْعَافِيَةُ لِرَوْعَةِ الطَّرْحِ،،
تَعَطَّرَتْ زَوَايَا الْمُنْتَدَى بگ
تَقْديرُ يليق بگ وُدِيَ وَعَبِقُ وردَيْ
http://up.kasserkeb2a.net/do.php?img=62


الساعة الآن 10:21 AM
صفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية