منتديات قصايد ليل - ما تخيلتك حبيبي الجزء التاسع عشر

صفحة 1 من 2

عرض 40 مشاركات من هذا الموضوع لكل صفحة

منتديات قصايد ليل (http://www.gsaidlil.com/vb/index.php)

- …»●[الرويات والقصص المنقوله]●«… (http://www.gsaidlil.com/vb/forumdisplay.php?f=12)

- - ما تخيلتك حبيبي الجزء التاسع عشر (http://www.gsaidlil.com/vb/showthread.php?t=143286)

ضامية الشوق

08-19-2018 12:51 AM

ما تخيلتك حبيبي الجزء التاسع عشر

( الجزء التاسع عشر)

طلال يتجاهلها و يتجنب الكلام مع شهد بخصوص ألي صار بموضوع الحبوب وقسى في التعامل معها
شهد تحاول تتفاهم معه وهو ما يعطيها فرصه وما هي قادرة تشتكي لأحد
بدر خطب سارة والملكة قريب
بوطلال وأم طلال حاسين أنه في مشكله بينهم وساكتين

*******************

سعود دخل هدى المستشفى غصب عنها ليوم واحد
هدى : ارتحت الحين
سعود يضحك: هههههههه بصراحة أيه
هدى : الساعة كم راح أطلع من هنا
سعود متردد: بتجلسين ثلاثة أيام
هدى : ولا يوم زيادة سمعت
سعود : إذا الدكتور قال أطلعي تطلعين
هدى بغضب : سعود لاتعصبني
سعود : أهدي شوي
هدى : راح اطلع اليوم
سعود : بكلم الدكتور ... وراح يكلمه

***************

طلال يرجع البيت آخر الليل على الساعة ثلاثة أو أربع
شهد ملت من طريقة طلال في التعامل معها وقررت تتناقش معه وظلت تنتظره ورجع وشافها ومشى عنها
شهد وقفت في وجهه : طلال لازم نتكلم مع بعض
طلال وهو يشد على أسنانه: لا تكلميني فاهمه
شهد برجاء : طلال الله بخيلك اسمعني أنت
طلال يقاطعها : ولاكلمة زيادة منك ما بي أسمع
شهد بحده : من حقي تسمعني
طلال رفع صوت : عن أي حق تتكلمين وحقي وين لما آخذتي الحبوب بدون ما ادري؟؟ وتركها وهو معصب ودخل الحمام يتروش
شهد بكت ماهي عارفه كيف تتصرف معه وعارفة نفسها أنها غلطانة

****************

أم طلال تتصل في أختها تراضيها وأخذت وعد منها انه ما تتدخل بين طلال وشهد ...
ومتجمعين مع بعض
وطلال جلس يتكلم مع نوال ومتجاهل شهد
الكل مستغرب ماعدا أم نوال كانت مبسوطة وشهد بتموت من القهر ..
وبدر عرف أنه صاير بينهم شئ ويبي يقهره وعارف انه طلال يغير عليها
وجلس جنبها بدر بهمس : أشوفك ساكتة على ألي يصير
شهد تبتسم : لا أن لم تستحي فافعل ما تشتهي
بدر حب يغير مزاجها : شلون العروس
شهد تذكرت وش صارفي النظرة الشرعية بدر وهو يشوف سارة وضحكت بقوة
دخلت شهد مع سارة وهي شايله العصير وبخجل
: السلام عليكم
بدر ما رفع رأسه : وعليكم السلام
سارة قربت منه علشان تقدم العصير بدر وقف فجئه وسارة ارتبكت ومن الخوف اهتز العصير وانسكب عليه وشهد شهقت وسارة طلعت تركض خجلانه من ألي صار..
بدر بعده متفاجئ من البارد ألي جاءه
شهد تكتم الضحكة: بدر شفت سارة
بدر بغضب : أنا شفت شئ غير العصير البارد
وشهد بعدها تضحك .. حتى طلال التفت عليها
بدر بخجل :ههههههههه خلاص فشلتيني
شهد دمعت عينها من الضحك : ههههههه يوم لاينسى
بدر يبتسم : بعد ما املك عليها بنتقم منها بطريقتي ويغمز لشهد
شهد :ههههههه والله حرام عليك هي ماتتحمل إجرامك
بدر يبتسم : إجرامي رومنسي
طلال بغضب وبغيره : على وشو تضحكون
شهد بنظرات تحدي : شئ ما يخصك
طلال انقهر من ردها : قومي روحي غرفتك بسرعة
شهد سندت ظهرها : لا
نوال بغرور: اسمعي كلام زوجك
شهد رفعت حاجبها : لا تتدخلين بين زوج وزوجته
بوطلال : طلال وش فيك
طلال بغيره: جالسه تضحك ولا ما عبره وجودي
شهد وبغضب: جالسه محتشمه ما هو مثل ناس الطرحة على الكتف
أم نوال بغضب : تكلمي عن نفسك
شهد ناظراته بقرف وطلعت لغرفتها
طلال بيطلع وراها لكن امسكه أبوه وطلع معه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مازن وهو جالس جنب أبوه
مازن يبتسم : يبه من زمان ما شفت شهد
بوماجد حس وش يبي : روح بيت عمك وتشوفها
مازن بمكر: لا ما فهمت أنا وهي نطلع مع بعض
بوماجد يبتسم : كلم زوجها
مازن بإحباط :اجل انسى
بوماجد يضحك :هههههههه ليه
مازن : طلبت منه اكثر من مره ومارضى
بوماجد: اجل أنا ما اقدر اجبره
مازن : يبه علشان خاطري اطلب منه
بوماجد وبصرامة : هي الحين مسئوله من زوجها وما اقدر اكسر كلامه قدامها فهمت
مازن بحزن : ايه فهمت

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نوال تبكي وبمكر : أنا تقول عني كذا
وأم طلال حن قلبها على بنت أختها
أم نوال بخبث: ننهان في بيتك وأنتي ساكتة
بدر بأسف : محد هانك لكن بنتك ألي تسويه غلط
نوال بغرور :ما سوينا غلط جالسين نتكلم
أم نوال تأيد بنتها : صحيح
بدر بسخرية: اجل ليه عصب لما تكلمت معها
نوال : لانها زوجته وما تضحك مع غيره
بدر بحده : وهو زوجها المفروض ما يتكلم مع غيرها
وطلع عنهم
أم نوال تدافع عن بنتها : وهم من صغار مع بعض
أم طلال :هذا أنتي قلتي من هما صغار لكن الوضع تغير هم كبروا وهو تزوج وزوجته تغار عليه وهو بعد ....
والتفت على نوال اذا جلستي مع واحد من أولادي يكون حجابك على رأسك أو ادخلي مجلس الحريم
نوال تضايقت من كلام خالتها

؛؛؛؛؛؛؛؛؛؛؛؛؛؛؛؛؛؛؛؛؛؛

بوطلال بغضب : أنت ما تستحي
طلال : يبه هي تعرف أني أغار و
وقاطعه بوطلال :هي ماتغار ما تحس لما تتكلم مع غيرها
وأنت ما هو رضي تقول عن المشكلة ألي بينكم
طلال : مشكلة عاديه
بو طلال وبنظرة شك: متأكد
طلال ترك أبوه ودخل على شهد وهي واقفه تطالع الحديقة من شباك غرفتها وسرحانه
طلال بصرخه : عاجبك ألي صار
شهد انفزعت وبسخرية : ليه خربت عليك الجو
طلال بقهر : شلون تضحكين مع بدر كذا
شهد وبثقة :أنا لما اضحك مع بدر اضحك مع اخوي لكن أنت لما تضحك مع نوال وش نيتك منها
طلال عصب من كلامها ورفع أيده بيضربها وهي مسكت يده وبتحدي : ماراح اسمح لك تمد ايدك علي اكثر
طلال بغضب : ألي مثلك ما يتكلم بعد ألي سوتها
شهد : لا تغلط وأنا حاولت اشرح لك وأنت ما تبي تسمع وأنت كيفك وأنا ماراح أتكلم في موضوع الحبوب أو اشرح لك شئ بعد كذا
وتركت يده ودخلت الحمام

؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سعود يحاول يخلص أورق الدورة بسرعة باقي شهرين وتبدا ويخلص أورق هدى للمستشفى

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلال وشهد من بعد الهوشه صاروا ما يكلمون بعض
فصارت هي تتجاهله
تطالع التلفزيون وتأكل فشار ومندمجه مع الفيلم
دخل طلال من غير ما يتكلم معها وطالعها وهي لابسه بجامه ورديه ورافعه شعرها ومعطي شكلها جنان وراح يتروش..
ورجع يجلس يطالع معها ومد يده بي اخذ الريموت
و خذتها بسرعة
و يأخذ فشار شالتها وحطته في حضنها
طلال مشتاق لها والكلام معها ويتفاهم ليه أخذت الحبوب : وبقهر : ولاخر معك
شهد وعينها على التلفزيون : الي يبي شئ يسوي لنفسه
طلال : قومي جهزي لي العشاء
شهد : قول للخدامه تحط لك
طلال بتريقه : من زوجتي أنتي ولا الخادمة
شهد : أنا ما تزوجتك علشان أكون خادمه لك
طلال سكت عنها مايبغى يتخانق معها لانه تعب من الخناق وقرب منها في خصله من شعرها طايحه مسكها ورجعها وراء أذنها
طلال بهمس: لازم نتكلم مع بعض و نتفاهم بهدوء وبدون صراخ
شهد ترتجف من قرب طلال لها
:شهد ماعد يهم ما فيه شي نتفاهم عليه وقامت
طلال مسكها رجعها تجلس : لا لازم نتفاهم ولا عجبتك حياتنا أنتي في مكان وآنا في مكان
شهد بعدته عنها شوي : لا تتكلم
طلال : ما أبى أعيد ألي فات .. لكن من حقي يكون لي طفل
شهد : أنا ما قول لا لكن بعد سنه على الأقل
طلال مسك نفسه : وليه التأجيل
شهد : أنا ما هو مستعدة أكون أم الحين
طلال بغضب : وأنا ابي أولاد الحين وما عندي استعداد اجل سنه علشان حضرتك
شهد بصراخ : وانا مابي الحين واعلى مافي خيلك اركبه وراحت الغرفة
طلال انصدم من كلامها : طيب يا شهود أنا اوريك هذا جزاتي أني كلمتك

؛؛؛؛؛؛؛؛؛؛؛؛؛؛؛؛؛؛؛؛

بدر يحن على راس أمه علشان الملكة
: يمه متى بتحددو الملكة
أم طلال: وش فيك انهبلت
أم نوال بقهر : مستعجل ليه
بدر يبتسم : وليه ماستعجل .. ويلف على أمها ابي الملكة بعد أسبوع
أم طلال : لا ما يمدي البنت تتجهز
بدر : طيب بعد أسبوعين ولا رح أزيد
أم طلال : كلم أبوك يتفاهم مع الرجال
بدر: جلس اكلمك كان قلت من الصباح و اترجئ فيك واخر كلم أبوي
أم طلال انقهرت منه وتدور شئ تضرب فيه بدر

؛؛؛؛؛؛؛؛؛؛؛؛؛؛؛؛؛؛؛؛؛

طلال رجع يأخذ أورق العمل ودخل مكتبه وهو طلع
لحظه هدوء ونزل عند أمه يسال عن شهد
وشاف الخدامه : ماما و مدام شهد وين
الخدامه : ماما هو في بيت جيران مدام شهد ما في يعرف
وشهد داخله مع مازن وهي تضحك
طلال بغضب : وين رحتي
شهد تفاجاءت بطلال قدامها : رحت عند أمي
طلال بغضب اكثر : بإذن من تروحين
مازن : راحت معي ما هوب مع غريب
طلال وهو يأشر في يده يسكت : مازن لا تتدخل في شئ ما يخصك
و بصراخ على شهد : بأمر من تطلعين من البيت
شهد بخوف : أمي تعبانه ورحت اشوفها واتصلت على جوالك كم مره وأنت ما ترد وكتبت لك مسج
طلال : لا والله ما أرد وخذتي بعضك وطلعتي صح
شهد : أظن ماله داعي تصرخ وطلعت ما فيها شئ
طلال وصرخ اكثر : فيها انك في بيتي تطلعين ودخلين بأمري فهمتي ولا أفهمك بطريقتي
مازن واقف يطالع طلال وهو يصرخ على أخته ما هو عارف يتصرف
شهد بغضب : لا افهمك ولا تفهمني أنا راجعه مكان ماجيت مازن يللا ومشت
طلال مسك يدها : أنا ما هو رجال قدامك تتصرفين لحالك
شهد بنرفزه: فك أيدي
وبقرب مازن وطلال شافه : إذا قربت مارح يحصلك طيب
شهد بحده : لا تهدد اخوي وفك أيدي
طلال بنظره حاده لشهد : أنتي اسكتي ومازن روح بيتكم لو سمحت
مازن : مستحيل اطلع وتركها معك وأنت بحالتك هذي
طلال عارف شهد وحبها لمازن مستحيل تعرضه لاذى
بتهديد لشهد بحده: خليه يروح ولا أنتي تتحملي الي يجيه
شهد متاكده انه ما راح ياذي مازن لكن من الغضب يسوي أي شئ وبخوف على مازن: رح أنت وبعدين أكلمك
مازن بنظرة حقد وبتهديد: والله اذ صار فيها شئ ما رح أحد يفكك من أيدي
وطلع وهو يشوف طلال بعده ماسكها ...
ومن طلع مازن شهد فكت يدها من طلال وبغضب:
: أنا رايحه بيت خالي مستحيل أعيش معك أنت ما تبي تفهم او تقتنع ومن الأفضل ننفصل وبتركب الدرج
ومسكها وبغضب : أنا متى ما بغيت اطلق بطلق وروحه بيت خالك ما فيه و بشوف كيف تطلعين من البيت بدون أمري وسحبها معه قسمهم
شهد تحاول تفك يدها منه دخل غرفتهم ورماها على الكنب وقطع سلك التلفون وخذ وجوالها معه وبغضب وخذ المفتاح
طلال من عند الباب : وريني شلون تروحين بيت خالك وقفل الباب

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

هدى بتعب : سعود ما اتصلت فيك شهد
سعود : لا واتصلت على جوالها مقفل
هدى : كح كح كح من جات أخر مرة مع مازن لا اتصلت ولا جاءت
سعود : أنتي اهدي وبكلم طلال
وهدى زاد عليها المرض ومشتاقه لشهد
سعود اتصل على طلال لكن طلال ما يرد وكرر الاتصال ولا رد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

واليوم ملكت بدر وسارة
طلال وشهد الكلام شبه منقطع بينهم
طلال ما خلاها تروح الصالون خلاها تجيها البيت
وبدر كل شوي اتصل يستعجلها لما طفش قفل جواله
و تروش وطلع من الحمام وهو لابس فوطه لافها ع خصره
شهد تجهز ملابس الحفله وما انتبهت لطلال
طلال : وين ملابسي
شهد رفعت رأسها ومره استحت نزلت عينها ع الارض على طول برغم مرور فتره على زواجهم ألا انها ما تتجرئ وتناظره وهو كذا
طلال عارف ان شهد تخجل منه علشان كذا طلع لها ويحب يشوفها تحمر من الخجل ولا تتجريئ عليه
شهد بغضب وعينها على الأرض: ما تعرف تكمل لبسك في الحمام وتطلع
طلال يبتسم : لا ورحي طلعي لي ملابسي بسرعة
كانت بتعاند بس شافته كذا ... عطته ملابسها
ولبس وتعطر وهو طلع تذكر ورجع
طلال : أنا برجعك بعد الحفله
شهد بعناد : برجع مع ماجد أو مازن
طلال عصب : قلت لك بترجعين معي ولا تكثرين كلام
طلع وترك شهد تشتم وتدعي عليه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سارة عصبت على شهد لانها ماجات معها الصالون
: ما فيكم خير أنتي ولا ألي مسافره شهر عسل
توقفون جنبي
شهد حاسه بشعور سارة بالخوف والخجل
شهد : اسفه اني ماجيت معك وأنتي عارفه الوحش ألي عندي متحكم
سارة تبتسم : عارف لايكون أخوه نفس الطبع
شهد تضحك :ههههههه لا أطيب هادي و حنون وساعات عنيد
سارة بغيره : وش رأيك تتغزلين فيه قدامي
شهد :ههههههههه معي القمر وش لي في النجوم
سارة بسخرية : من شوي وحش والحين قمر شهود وش السالفه
وقبل ما ترد شهد دخلت أم شهد وهي تعبانه أصرت تحضر الخطوبه بحكم ان أم سارة متوفيه
أم شهد وهي تضم سارة وتبارك لها : الف مبروك وعقبال العرس
سارة بكت كانت تتمنى تكون أمها و أخوه موجدين
شهد : يمه خربت مكياجها الحين بدر بيهرب
أم شهد ضربت شهد على كتفها : كان هرب طلال وأنتي نافخه له وجهك
سارة فطست من الضحك على شكل شهد وهي تطالع أمها :ههههههههه حلوه بنت عمتي
شهد منقهرة : اعجبتك كثير وبنت خالك ناسيه اني بنتها
سارة وهدى :ههههههههههههه
شهد بمكر : اضحكي بدر متحلف فيك على العصير تذكرين
سارة بخوف : اجل ماني طالعه له
شهد بسخرية : هو بكيفك ما طلعي له بيجي غرفتك
سارة بخوف : ما يقدر
شهد رفع حاجبها : في العند ما في احسن من عائلتنا
أم شهد : وأنتي اكبر مثال .. وجع يا شهود خوفتي البنت
شهد :ههههههه يللا نزلي علشان بدر يدخل
سارة بخوف: لالا خلاص مابي
شهد مستغربه: وش ما تبين
سارة : مابي انزل
شهد : بلا دلع بنات
ونزلتها شهد سارة وهي ترتجف وكانت كثير أنيقة فستانها أنيق ودخل بدر وانبهر في شكلها
بعد لبس الدبل وقطع الكيك المصوره تصورهم
وهي تشربه العصير بدر : لا تسكبينه علي انتبهي
سارة عصبت عليه وتكلم شهد : هذا الخجول أنتي تضحكين علي
شهد استغربت من سارة وبعدين فهمت و اضحكت

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شهد وراجعت مع طلال
وهي تفك اكسسوارات شعرها دخل طلال ويطالع فيها بإعجاب
شهد : عينك لا تطيح من مكانها
طلال عصب من كلامها في خاطره :اوكي يا شهود أنا بوريك
قرب منها وهالشي اربكها لمس خدودها بكل حنان
وشهد بعدت عنه بسرعة لكن هو مسكها وبهمس:حنا متخانقين صح ما هو معناتها اني متنازل عن حقوقي كزوج و باس رقبتها وباس جبهتها
شهد ارتبكت وبعدت عنه تفكر كيف تبعده عنها لو رفضت بيجبرها بتردد : أنا محرمه اليوم عليك يعني اذ فهمت
طلال فهم عليها وهو شك : لو تكذبي ياويلك مني ورح غرفتها
شهد تدعي في قلبها انه ما يكشفها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بعد الحفلة
أم طلال تبارك له وتدعي
مبروك وعقبال العرس
بدر يضحك : ان شاء الله قريب
أم طلال : ان شاء الله مستأنس
بدر وهو يحضن أمه : مستأنس لا بطير من الفرحه
أم طلال : الله يوفقكم أن شاء الله
الكل رح ينام بعد تعب اليوم

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلال كشف شهد وهي تصلي الفجر ومن الغضب
منعها تطلع من البيت
شهد تضايقت من الحبسه وطلبت تروح تزور أمها وهو رفض
طلال جالس على الكنب يقرا كتب شهد جلست جنبه طلال طالعها من طرف عينه عارف تبغى شئ
شهد تبتسم : طلال حبيبي
طلال كتم الضحكه وعينه على الكتب : هممممم
شهد : طلال حبيبي أنا اكلمك طالعني
طلال يسكر الكاتب ويلتفت عليها : نعم
شهد وهي تلعب بياقة ثوبه وتبتسم : طلال ما خلص العقاب
طلال يفتح الكتاب وبحده : ولا راح يخلص
شهد تحاول ترضيه : حياتي طلال راح اسمع كلامك ولا اعاند معك والي تبيه اسويه لك بس خلني اشوف أمي
طلال بسخرية : ممم الحين الي ابيه تقومين عن وجهي .. وأمك شفتيها في خطوبة بدر اظن
شهد توقف : والله حرام عليك شفتها أمي لكن تعبانه ابي اشوفها اطمن عليها
طلال بتسلط : لا
شهد بترجي : خمس دقايق اطمن بس
طلال معاند : لا وزيادة لا
شهد بيأس : طيب خلني اتكلم بتلفون بس اطمن عليها
طلال وهو يهز راسه : ولا حتى بتلفون
شهد بكت من القهر : والله يا طلالوه ان صار في أمي شئ وأنا ما شفتها لخليك تندم
طلال وقف بحده : أنتي لك وجهه تتكلمين بعد الكذب المفروض ما تكلمين او تهديدين
شهد بغضب : هذني حلفت يا طلال ان صار في أمي شئ لخليك تندم
__________________

طلال بغضب : لا تهددين
شهد بقهر : والله اعلم عمي على ألي تسويه فيني
طلال عصب عليها مسكها من شعرها: والله ياشهد لو أحد يدري ألي يصير بينا لايكون آخر يوم في عمرك
شهد خافت من تهديد طلال و ماردت عليه
طلال وهو ماسك شعرها : سمعتي ولا ازيد
شهد تألم وتبكي : طلال والله حرام عليك
طلال حن عليها شوي لكن ما غير قراره

؛؛؛؛؛؛؛؛؛؛؛؛؛؛؛؛؛؛؛؛؛؛

بعد مرور أيام على خطوبه بدر
شهد تطالع بدر و تبتسم .. وبدر ما هو عارف على ايش تبتسم
بدر رفع حاجب : ليه تطالعيني
شهد تبتسم : وش سويت في سارة
بدر وهو يشرب العصير : ما سويت شئ
شهد نرفع حاجب : متأكد ما سويت شئ وهي متصل لي ماتبي تشوف وجهك إلى يوم العرس
بدر يضحك وبحرج : ههههه ما هو بكيفها
شهد : هي قالت لي بصراحه متوقع منك
طلال : أنتي وش فيك تحققين معه ومن وين كلمتك
شهد وهي تطالع بدر : من عند أمك و أنت ماتعرف وش مسوي في سارة
بدر بسرعة وهو يأشر بيده: طلال وهو نصحني بكذا
شهد شهقت : أنت ألي يقول لك أخوك الخبل تنفذ على طول ... وهي تقلد صوت بدر : هو نصحني بكذا
بدر واحمر وجهه من الخجل
طلال بحده : خبل في عينك يا دبه .. أيه نصحته عندك مانع
شهد : بسم الله علي ألي اضعف منك يالاهبل .. ونصحيتك مثل وجهك بايخه
طلال بتريقه : مصدقه نفسك يالبطه .. و انتي لا تدخليني في اخوي
شهد : أحلا منك يالضفدع .. بتدخل هو ولد عمي واخوي
بو طلال بحده: أنت وهي ما تستحون متى بتعقلون لولا تبون العقال
شهد جالس عند عمها وبدلع : عمي اهون عليك
طلال بغيره : ايه تهونين عليه.. وأنا ألي تدلعين علي ما هو على أبوي
بوطلال وبدر :هههههههههههههههههه
بدر: هههههههه يلعن أبو الغيره حتى من أبوي
شهد : أنت ماتعرف تدلع ... وقامت بسرعة وجلست جنبه ومسكت يده طلال شكله تفاجيء من حركتها
طلال استغرب : وش فيك
شهد تبتسم بمكر: ادلع عليك
طلال من طرف عينه :ههههههه هاتي من الأخر ويحاول يبتعد وهي ماسكه فيه
شهد بدلع : اشوف مامي
طلال بقهر : وأنا أقول ادلع ما يطلع الا في مصلحه لا لا وقام عنها
شهد تتأفف: خلني أروح ليه أنت غثيث
طلال واقف : أنا غثيث كنت بخليك الحين لا وخلي كلمتك تنفعك وراح عنها
شهد تلف على عمها وبصوت عالي : موت اولدك على يدي
طلال وهو يركب الدرج : إذا قدرتي سويها
شهد تتأفف : والله سخيف ودمه ثقيل
بوطلال وبدر:هههههههههههههههه

؛؛؛؛؛؛؛؛؛؛؛؛؛؛؛؛؛؛؛؛؛؛؛

هدى زاد عليها المرض وشالها سعود المستشفى
ودخلها العنايه المركزة
وسعود واقف بخوف على أخته وهو يشوف دكتور طالع ودكتور داخل
بعد ساعتين طلع الدكتور
سعود من الدكتور حس بألم في قلبه بس تمسك
الدكتور بحزن: عظم الله أجرك
سعود من الحزن جلس على كرسي وهو يقول والدموع تنزل : ان لله وان اليه راجعون وكررها عدة مرات
وحس بعدها انه ضايع ماهو عارف يتصرف فاتصل في بوماجد علشان يوقف معه ويعلم شهد

؛؛؛؛؛؛؛؛؛؛؛؛؛؛؛؛؛؛؛؛؛

شهد : يمه ليه تبعدين عني وهي تحاول تمسكها ولا بقادره وهدى تبعد اكثر عنها لما اختفت
شهد تصرخ : لا يمه وين رحتي يمه
طلال قام مفزوع من صراخ شهد وهي تنادي امها ويحاول يصحيها من النوم : شهد اصحي شهد
وفتحت عينها وهي تصرخ : آبي امي ابي اروح الحين طلال يحاول يهديها : شهد تعوذي من الشيطان كان حلم
شهد تبكي : لا ماهو حلم انا حاسه أن امي فيها شئ قوم خلنا نروح لها
طلال يحاول يهديها : أنتي قومي صلي الفجر لا رجعت من المسجد اوديك
طلال دخل الحمام يتوضا وشهد جلست تدعي انه امها بخير

؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بوماجد جاء مع ماجد ومازن المستشفى
روح عند سعود وهو شبه منهار
بوماجد : شلون أم شهد
سعود وقف وضم بوماجد ويبكي : راحت يوسف راحت هدى عطتك عمرها
بوماجد مسك نفسه لاينهار قدام سعود و اولاده
بوماجد : سعود لازم تكون اقوى من كذا
سعود يبكي : شلون اكون قوي وأختي الوحيده راحت
مازن بحزن : شهد درت
سعود : هي ماتعرف بمرض أمها وشلون أقول لها
بوماجد بحزن: قوم الحين نصلي وبعدين نخلص أجرات الدفن ونعلم شهد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلال بعد مارجع من المسجد شاف شهد جالسه على السجاده وتقرا قران بخشوع
نام شويه الي الساعة سبع قام يتروش وشاف شهد بعدها على جلست الفجر وتروش ولبس وبطلع وشهد طالعه وراء وشايله عباءته في ايدها
طلال باستغراب : على وين
شهد بحده: نزلني في طريقك بيت خالي
طلال : ما هو الحين العصر
شهد بغضب : طلال أنت قلت بتوديني وغصب عنك بروح
طلال وهو ماسك اعصابه : شهد قلت لك العصر وأنا الحين متأخر على العمل
شهد تركت طلال واقف مكانه ونزلت تدور عمها يوصلها : السلام عليكم وحبت راس أم طلال .. وين عمي
أم طلال : تعبان شوي وما هو رايح الشغل اليوم
شهد بسرعه : وبدر
بدر : طلع من نص ساعة
شهد تضايقت أن اليوم كل شئ ضدها وزداتها الضيقه في قلبها وبكت بحرقه وأم طلال اتحيرت معها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلال طلع شاف سعود وعمه بو ماجد
استغرب وجودهم الصباح وخصوصا وجود سعود مع عمه وحب راس عمه وسلم على سعود ..
طلال متوتر : خير صاير شئ
بوماجد بامر : روح ناد ابوك وشهد
طلال دخل البيت شهد بعدها تبكي في حضن امه وطوالي راح عند أبوه وقال له..
بوطلال نزل بسرعة وراء طلال وشهد من شافتهم نازلين خافت اكثر
طلال رجع حزين ويطالع شهد : عمي وسعود في المجلس يبونك
شهد ما هي قادرة توقف وبخوف : صاير شئ
طلال : تعالي المجلس و بتعرفين
تحس رجلها ماتقدر تشيلها و طلال جاء يساعدها ودفت يده هذي الحركه حزت في قلبه..
وقفت وتمشي ببطئ ماودها توصل وتمنئ يكون ابعد من كذا ...
ودخلت وشافت الكل ساكت وبترجع لكن طلال مسكها ودخلها وهي تشوف سعود وعيونه بالارض وجلست جنب سعود وهي تسال وخوف : صاير شئ
بوماجد وقف وجلس جنبها : شهد تعرفين اذ جاء قضاء الله لايرد
شهد ترفع عينها في أبوها : من
بوماجد بحزن : شهد أنتي
شهد تقاطعه وبحده : من
بوماجد سكت ماقدر يقول والدمعه نزلت غصب عنه
بوطلال بتردد : أمك
شهد ما هي فاهمه : من
سعود خاف عليها :شهد أنتي معي
شهد والدموع متحجره في عينها : سعود سمعت وش قال يكذب صح يكذب
سعود يبكي : شهد هذا قضاء الله
شهد تطالع في سعود وكأنها ما فهمت شئ من ألي يقول
طلال قرب منها وهو يهزها :شهد أنتي سمعتي وش قال سعود
شهد من شفت طلال حست بغضب وبعدت يده وتصرخ: أنت بذات لا تلمسني أنت السبب في موت أمي
الكل يطالع ومستغرب كلام شهد .. طلال يحاول يقرب منها : شهد اتـــــــ
شهد تبكي تصرخ : أنت حرمتني اشوفها اكرهك وفقدت اعصابها تضرب على صدره و تشمخ في وجهه وهو يحاول يمسك يدها لكن شهد جاتهاء قوة غريبه حتى بوطلال و بوماجد وسعود ماقدروا يبعدونها عن طلال كانت ماسكه فيه بكل قوتها وبعدوها بعد ما طلع الدم من وجهه ورقبته
شهد وهي تشهق من شدة البكاء:سعود خذني من هنا
سعود يهديها : روحي جيبي عباءتك
شهد طلعت ورجعت بسرعة :سعود يللا .. وهي تطالع وبغضب والدموع في عينيها وانت ورقة طلاقي توصل لي اليوم قبل الظهر وطلعت
بوماجد بيتكلم مسك يده بوطلال يمنعه يتكلم
طلال وقف ومستغرب كلامها ونظرات الكره في عينها
ومرت أيام العزاء بطيئة

؛؛؛؛؛؛؛؛؛؛؛؛؛؛؛؛؛؛

الكل حزين وشهد منهارة تماما
سارة تحاول توقف معها وهي ترفض
شهد من بعد موت امها رافضه تشوف حد

؛؛؛؛؛؛؛؛؛؛؛؛؛؛؛؛؛؛؛؛

عمر قطع شهر العسل ورجع لما عرف بوفاة هدى
وعزء سعود وحاول يشوف شهد ورفضت تقابله
عمر بحزن : سعود لازم تطلع شهد من الحالة ألي فيها
سعود : ومن قال ماحاولت هي عنيده
عمر برجاء : حاول مره ثانيه
سعود يتنهد : أن شاء الله

؛؛؛؛؛؛؛؛؛؛؛؛؛؛؛؛؛؛؛

أصر طلال يشوف شهد
طلال متضايق : سعود لازم أشوفها
سعود بحزن : شلون وهي رافضه تقابل أحد
طلال بقهر : ما هو بكيفها وأنا أبيها ترجع معي البيت
سعود: بروح اشوفها اذا ترضى تقابلك
وطلع سعود ينادي شهد وهي قافلة الباب وضرب الباب : شهد افتحي أنا سعود
شهد فتحت الباب وتمسح دموعها : خير
سعود : طلال يبي يكلمك
شهد بصرخ : وانا ما ابي اشوف وجهه وخليه يطلقني وسكرت الباب
سعود : استغفرا الله العظيم
سعود رح لطلال .. وطلال من شاف شكل سعود عرف ان شهد رافضه تقابله
سعود بخجل : طلال اســـ
طلال قاطعه : رفضت وطلع وهو مقهور منها

؛؛؛؛؛؛؛؛؛؛؛؛؛؛؛؛؛؛

سعود يقنع شهد ترجع لطلال وهي مصره على الطلاق
سعود: هذا طلاق ما هو لعب ومن الأفضل ترجعين له
شهد بغضب: ومن قال العب
سعود : بس طلال رفض الطلاق
شهد بحده : ما هو بكيفه
سعود : لا تخسرين طلال
شهد : طلال أنا من الأول مابيه وانتوا اصريتوا عليه
سعود : أنتي تعبانه الحين وبعدين قرري
شهد بإصرار : مارح اغير رائي وبكره راح اجيب أغراضي
سعود بغضب : أنتي ليه عنيده وتبين تخربين بيتك
شهد تلف عنه وجهها علشان مايشوف دموعها : أنت ما تعرف شئ وما ابي أتكلم
طلع سعود وهو حيران منها

؛؛؛؛؛؛؛؛؛؛؛؛؛؛؛؛؛؛؛

عمر وطلال على البحر في المكان ألي يحبون يجلسون فيه دايم
وبعد طول صمت
عمر : في شئ صاير بينكم
طلال يتنهد : صارت أشياء
عمر يحضن طلال : اتكلم أنا قبل ما كون عمك أكون صديقك
طلال بخزن : تبي أقول لك من أول يوم زواجنا أو من الأخير
عمر انصدم من طلال وكلامه وابتسم : اتكلم طلال وقول ألي في قلبك
طلال بألم : في يوم زواجنا تهاوشنا مع بعض وحتى في اليوم الثاني وهي نادتك لأنها خايفه مني وعلشان في غرفة واحده شهرين أو اكثر كأن أخوان
عمر ما توقع كلام طلال
طلال يكمل : لما اعتدلت الحياة بينا شويه اكتشفت تأخذ موانع من غير مادري
عمر : وش هذىانجنت ولا وشو
طلال بألم : وأشياء كثيره صارت
عمر: اتركها لما تهدا وارجع كلمها
طلال : وهذا انا صابر عليها وبشوف الأخر معها
عمر حب يغير مزج طلال : ليه تهاوشتوا ليلة العرس
طلال طالع عمر بأجرام وهو يقرب منه : تركت كل شئ وتسال عن ليلة العرس بس
عمر يرجع على وراه وطلال يقرب منه : طلال اهدا وهذا سوال عبيط طلع مني.. ويركض عمر على سيارته ويقفل الباب
طلال يضرب الشباك : افتح يالجبان افتح
عمر بضحك : هههههههه بايع عمري أنا علشان افتح لك
طلال بسخرية : اذ انت ما هو قد السؤال ليه تسال
عمر : انا خابر لليلة العرس رومانسيه ما هو هواش مع العروس
طلال تنرفز ويعرف عمر ما يحب أحد يغلط على شهد
: والله يوم تكون العروس عاقله وناعمه ما هي وحش اللهم يا كافي الشر
عمر عصب على طلال نزل من السيارة : أنت كفوا تغلط عليها
طلال مسك عمر من رقبته : كفوا ونص وش اسوي فيك الحين
عمر يبعد يد طلال : ههههههههه امزح معك واحترمني أنا عمك
طلال يكن هذي أول ضحكه من فتره : هههههههه هذي المصبية انك عمي وعم الساحرة
عمر :هههههههه الله يعيني عليك وعليها طلال أنت تحب شهد
طلال تفاجاء من سؤال عمر وطلال سكت ما رد

نجم الجدي

08-19-2018 12:52 AM

الله على اختيارك للموضوع الروووعه
شكرآ على المجهووود

بالتووفيق ان شاء الله

نجمكم

إرتواء نبض

08-19-2018 12:53 AM

سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه
مودتي

لا أشبه احد ّ!

08-19-2018 02:03 AM

*،

آنتقاء مميز .. مَ ننحرم من جديدك

مجنون قصايد

08-19-2018 02:30 AM

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

ضامية الشوق

08-20-2018 09:59 PM

حضورك شرف لي
نورت أخي الكريم
نجم الجدي

ضامية الشوق

08-20-2018 09:59 PM

حضوركي شرف لي
نورتي عزيزتي
ارتواء نبض

ضامية الشوق

08-20-2018 10:00 PM

حضوركي شرف لي
نورتي عزيزتي
اول أطيافي

ضامية الشوق

08-20-2018 10:01 PM

حضورك شرف لي
نورت أخي الكريم
مجنون قصايد

الغنــــــد

08-22-2018 04:42 PM

لطرحك نكهه جميله
وتستحق المروور والمشاركة لتميزها

يعطيك العااافيه

تقديري

الساعة الآن 03:06 AM

صفحة 1 من 2

عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية