قالوا الحب بلوى وانا ابتليت
حاولت اكتم حبه اللي شغلني
كنت اعشقه عشق مامنه شكيت
لين بانت الحقيقه يوم تركني
قلت له والحزن في عيني ماخفيت
قلت له والجدران تشهد وني
قلت له انساني واهدم اللي بنيت
قلت له انساني وابتعد عني
اقفيت من عنده وفي طريقي سريت
ظنيت بيجامل ويقترب مني
كنت احسب سؤاله " ليه بحبي شكيت ؟!"
" ليه تبين تطرديني من قلب حضني ؟!"
" ليه قررتي تتركيني وش اللي جنيت ؟!"
" راجعي حساباتك ترا انتي عشق سكني .."
لكن صدمتي اكبر يوم لفيت
ومالقيت غير الجفا كرمني
اذكر صورته ونظرته لاحكيت
لالمحت بسمته اللي منها حرمني
سامحني يالقصيد نسيتني كم بيت
خوفي تنساني مثله وتهجرني