منتديات قصايد ليل
صفحة 1 من 3 1 23
عرض 40 مشاركات من هذا الموضوع لكل صفحة

منتديات قصايد ليل (http://www.gsaidlil.com/vb/index.php)
-   …»●[الرويات والقصص المنقوله]●«… (http://www.gsaidlil.com/vb/forumdisplay.php?f=12)
-   -   رواية /حزينة على ماضي ولىّ و فات (http://www.gsaidlil.com/vb/showthread.php?t=136689)

ضامية الشوق 03-28-2018 10:05 PM
رواية /حزينة على ماضي ولىّ و فات
 









http://up.dll33.com/uploads/1522098373373.gif
البارت 12

ريما
دق علي اليوم سعود وخبرني انه راح يوصل اليوم
قلبي دق بسرعه ماعرفت وش اتصرف حسيت نفسي اني بورطه مايعلم فيها الا الله الحين صعبه اوقف بوجه اهلي مع زوجي مستحيل اهلي بيتفهمون موقفي اني راح ارجع له عشان اللي ببطني انا صدق انجرحت من جرح مستحيل بيطيب بس اللي ببطني حرام يتربى بعيد عن ابوه ..لميت اغراضي بطلع بسرعه وانا اجهز اغراضي دخلت علي سما
ماتوقعتها ابدا تجي ارتبكت وتلعثمت
ريما بتلعثم:س سسما وش جابك
سما تضم ريما:اشتقتلكم اشتقتلكم اخبارك انتي وش مسويه؟
ريما:بخير اان انا بخير
سما باستغراب:وش فيك "وهي تمسك ملابسي"وبعدين وشو هذولي .. "باستغراب اكثر"ليكون
ريما بانفعال وهي ماتحط عينها بعين سما مثل اللي عامله عمله ومتفشله منها:ايه ايه لازم اروح .. انا ماارح اتطلق
سما بعصبيه تمسك ريما مع كتوفها:ريما تكفين لاترخصين نفسك اكثر من انك مرخوصه عنده ..ريما ماراح تطلعين من هالبيت الا وانتي معززه مكرمه .. احنا ماراح نرميك عليه
افهمي انتي الكبيره والواعيه تسوين هالحركات اجل مانشره على المراهقين "وهي تأشر على عيونها" لهالدرجه الحب معمي عيونك عن عيوبه اه وليتها أي عيوب يخونك يخونك ياريما وانتي راضيه على اللي يسويه
ريما بعصبيه وبصراخ:من قال اني راضيه بس انا مضطره اروح مضطره .. تكفين سما خليني اروح قبل لاقومون سامي وامي
سما وهي تركض توقف على الباب:مستحيل اخليك تطلعين
ريما وهي تدفها : مو على كيفك انا راح اروح معها يعني راح اروح
سما بتهور فتحت الباب بسرعه وراح تصحي سامي
ريما اخذت اغراضها ونزلت بسرعه تحت
سما:سامي الحق ريما بتروح مع سعود
سامي ابعط الغطا عنده ويركض بعصبيه مثل الاعصار
..صرخ بأعلى صوته:ريــــما
ريما من الفجعه وقفت مكانها ماتحركت
سامي جا عندها يركض ومسك شنطتها وحوجبه معقوده يسألها:هاذي وشو؟
ريما بخوف اكثر من قبل وبرجفه:ان... اننن... اننا .. ببررو..ح م..ع سع
ماكملت كلمتها الا جاها كف سكتها
سما بصرخه حطت ايدها على فمها تمنعها
دخلت عليهم ام سامي قامت من النوم على اصواتهم المرتفعه
ام سامي:وش فيه .. وشفيكم
ريما وعيونها غرقانه بالدموع بصدمه ماتقل ع سما ماتوقعت بيوم يجيها كف .. ومن مين من سامي
طالعت بعيونه وقالت بخفوت:سامحني ياخوي مضطره
سامي ويلف يمين ويسار ومايحط عينه بعينها :انتي اللي حديتيني على كذا
ام سامي تقدمت منهم بعصبيه:وش صار تكلموا
سما بغضب من ريما وتهور قالت لها كل شي
ام سامي من الصدمه من اللي قاعده تسمعه ماتكلمت ظلت تراقب عيالها
بعدها بفتره ام سامي بغموض وعيونها مثبته على ريما:بتطلعين من هالباب ياريما.. مالك دخله فيه مره ثانيه
ريما بصياح وصدمه ركضت عندها وجلست تحت رجولها ومسكت يدها صارت تبوسها :يمه تكفين سامحيني .. يمه والله مضطره مستحيل اخلي ولدي يتربى بشتات بيني انا وابوه يمه تكفين انا بضحي بسعادتي عشان اللي ببطني ماابي اظلمه
"وهي حاطه راسها بيد امها"لاتقسين على يمه اكثر من اللي شفته .. انا مالي غيركم بعد الله
سامي بصراخ:لو مالك غيرنا بعد الله مثل ماتقولين.. ليش ماتجلسين معززه مكرمه هنا وولدك والله ماراح نظلمه بعيش هنا وبنربيه احسن تربيه بعدين عن ابوه ازين من انه يعيش مع واحد ماخاف الله فيكم انتي كذا بتظلمين ولدك مو تساعدينهم والله راح نعتبره من عيالنا ولا راح نفرق بينهم بشي " تقدم ومسكها مع كتوفها وهو منزل راسه"تكفين
لاتوطين راسي
ريما باست راسه:ماعاش ياخوي اللي بيوطي راسك .. بس انا لازم اروح معه عشان ولدي
ام سامي:قلتلك اذا طلعتي من هالباب مالك دخله فيه مره ثانيه
ريما ركضت وباست راسها:سامحيني يمه .. انتي اللي تعرفين وشلون ان الضنى غالي ..
اخذت شنطتها وراحت
.......................
ريما

طلعت من البيت ودموعي مغرقه وجهي قلبي تقطع على حالي ركبت السياره واسمع يتكلم بس مانتبهت وش يقول عقلي مو معاه .. انتبهت .. مسك يدي وباسها
سعود : اشتقتلك
ريما قلبي مكسور من اللي يصير والغصه بانت على صوتي:وانا اكثر
سعود باتسغراب:وش فيك .. وش فيه صوتك؟
ريما: مافيني شي بس عشان امي بشتاق لها
سعود وبضحكه زلزلة السيارة:ههههه والله ياانتم يالحريم ههههه
ان شاءالله تجيب عندنا بأي وقت مو مشكله .. "مسك يدي "حبيبتي انتي اهم شي رضاك علي
ريما سحبت يدي ولفيت لجهة الشباك قعدت اناظر الطريق ودموع للحين تنزل على خدودي احس اني ماني طايقته .. مانبي متقبلته ..اخخ يارب ساعدني
...........................
سما
بدموع على خدودها
ماتوقعت ريما قاسي قلبها كذا ..تشوفنا كيف كلنا نمنعها بس هي مصره ترجع له .. الى هالدرجه غريزه الامومه تطغى على كل شي .. رجع سامي لغرفته والانكسار باين على وجهه وامي دخلت غرفتها وقفلت على نفسها الباب
بكيت بحرقه على حالهم مدري وش اسوي
.. فرحني راكان يوم دخل علي بالصالحه وقالي اذا تبغين تروحين لاهلك او لا
نطيت بفرحه بغيت اطير من النطه مشتاقتلهم حيل عساي ماافقدهم بشر يارب
لبست البزران وتجهزت وطلعت
بالسياره
راكان:ماراح تاخذينهم معك
سما باتغراب:بس امي مشتاقتلهم
راكان:انا ماعيد كلامي
بعدها بفتره
راكان:خوذي فهودي معاك بس
سما:طيب

بطلب منه اليوم انام عند امي
احسها تعبانه ومحتاجتني

مر الوقت وانا جالسه مع امي .. استغربت عليها انا ماكلمت عن ريما نهائيا ولا كأنه صاير شي .. حسيتها مجروحه من اعماقها عليها .. جهزت العشاء وجلست اتعشى معها ناديت سامي يتعشى معنا بس مارد علي .. من بعد اللي صار ماطلع من غرفته هو بعد
دق جوالي لقيته راكان المتصل
راكان:اطلعي انا عند الباب
سما :بس انا بجلس عند امي اليوم
راكان بانفعال:اقول اطلعي بسرعه
سما:اسمعني اول .. انا بجلس عند امي اليوم .. امي تعبانه ولازم اجلس عندها
راكان بعصبيه:افتحي الباب
سما بااتسغراب: نزلت؟
"وهي تسمع الجرس يدق"
سكر السماعه بوجهها وصار يدق الجرس
سما ركضت بسرعه افتح الباب
دف الباب بسرعه ودخل مسكنا مع زندي وهزني
طالعت عيونه بخوف منه استغراب انفعاله لهدرجه مايتقبل مني كلمه وانا وش قالت
راكان بعصبيه وهو يهزها وقال بفحيح:انا اذا تكلمت ماتعيدين وتزيدين وراي .. اوامري تتنفذ بالحرف الوقت وبدون نقاش قلت اطلعي يعني تطلعين قدامي زي الكلب
سما بعصبيه :احترم نفسك احسن لك ل
قطع كلامنا سامي
يطالع فينا بتفحص وقرب من عندنا
راكان ترك يدها وابعد عنها
سما بعدت عن راكان وتعدل بلوزتها والارتباك باين على ملامحها
سامي بغموض ونظراته ما تبشر بخير:وش فيه عسى ما شر
راكان مد يده بيصافح سامي قال بخبث: ابد ما شر جيت اخذ زوجتي .. بس هي تبي تدلع شوي ماتبي تطلع على طول..تبي تعرف وش غلاتها عندي..
انت اخبارك بشرني عنك .؟
سامي الكلام مادخل مزاجه بس مايبي يزيدها عليه طنش اللي شافته وماحب يتدخل بينهم : ابد مافيه جديد انت اخبارك مع الدوام الجديد
سما استغرب متى راح لدوام جديد وانا مادريت.. اف بقلعه تقلعه وش علي منه
راكان:الحمدلله ماشي الحال
.. يالله اجل تامرنا بشي
سامي:ادخل تعشى معنا تونا حاطينه
راكان:لاتسلم والله توي متعشى .. لف ناحيتي:يالله ياسما انا بالسياره احتريك
"خبيث جد اظطريت اني اروح معه عشان سامي مايشك بشي لبست عباتي واخذت فهد وطلعت
بالسياره هدوء قاتل ماتكلم بشي ماكانه تو دخل علي زي الثور الهايج .. ماحبيت اتكلم بالموضوع دامه عدا على كذا خلاص كيفه
اول مادخلنا البيت فسخت عباتي وجيت باخذ فهودي عشان اغيرله ملابسه مسك فهد ونزله بالارض وصار يحبي
مسكني مع زندي
عرفت انه هالليله مو معديه على خير بيكمل اللي سواها ببيت اهلي طالعت بعيونها
يناظرني بغموض وخبث اكثر من قبل ماتكلم ظل فتره على هالحال وانا انتظره يتكلم وفجأه بدون سابق انذار عطاني كف وصارت الدنيا تدور بعيوني .. طحت من طولي على الارض وطخيت طرف الطاوله انصدمت انفجعت كذا فجأه يضربني وليش طيب ناظرت الارض وماتحركت من الصدمه سمعته يتكلم:عشان تتذكرين كلامي زين بعد هالكف
سما والدموع نزلت تلقائي على خدودها تكلم بغصه وهي لساتها باالارض على حالها :حقير وبتظل حقير
حقرني ودخل الغرفه
جلست على الارض وتكيت ظهري على الكنبه لميت رجولي وحطيت راسي على ركبي وقعدت ابكي بحرقه ابكي ايامي اللي راحت ابي تضحيتي اللي ماحد مقدرها حتى امي تحسه هالشي اللي سويته غصبن علي اسوي مو كرم مني مااحد مقدر فضلي انا اللي احلم مثل كل البنات اللي بعمري اني اتزوج واحد احبه ويحبني يقدرني ويحترمني .. حنون علي ويلبي لي كل طلباتي .. مايرضى لي بالاهانه .. مايرضى بقلبي يحزن منه .. مايرضى لعيوني تدمع منه .. تنازلت عن كل حقوقي وشبابي عشان غيري .. على الاقل بعد هذا كله ابي كلمه طيبه .. معامله حسنه .. احترام ..
ليش يصير فيني كذا اه والله تبعت ماكنت اتخيل ان العيشه معها صعبه كذا.. مدري وش فيني ماكنت ضعيفة شخصيه كذا من بعد مااخذتني ياراكان كل شي فيني تغير كسرتني ياراكان كسرتني ومستحيل اتجبر

بعدها بفتره مو قليله تحركت من مكاني دورت على فهد مالقيته اكيد اخذه معاه للغرفته
دخلت غرفتي وانسدحت غطيتني كلي بالغطا ودسيت راسي بالوساده طلعت مني شهقه مكتوبه بكيت بحرقه اكثر على حالي وغفيت وانا اتمنى اني مااقوم

.....................

............:انتي بس عطيني عنوان بيتكم ورقمكم عشان اخلي امي اليوم تدق عليكم وتخطبك لي
.................:حبيبي .. لازم نتعرف على بعض اكثر
.. انت مستعجل
...................:من شوقي لك متلهف عليك .. سمر .. انا احبك
سمر: وانا اكثر ياروح سمر .. "بارتباك بسرعه تكلمت"يالله يالله مع السلامه
.................: انتظ... طوط طوط " سكرت السماعه بوجهه " انقهر وبعصبيه : بنت...... فجأه تسكره كذا بوجهي لكن انا اوريك
............ سكرت السماعه منه ودست الجوال تحت المخده وهي ترجف من الخوف تغطت كلها وتسوي نفسها نايمه
تسمع صراخ وزعاق اخوها برا يصفق ويضرب بالبيت
:يارب سترك يارب تعدي هالليله على خير


............................

ريما

اليوم لازم اقول لسعود عن موضوع حملي .. بس مدري اخاف اتحسف اني قلت له بهالسرعه .. احس اني مانبي متقبله اني اعيش حياتي عادي طبيعيه مثل اول وانا ادري انه يخونني اخ الخيانه تعور حيل .. بس لازم اتكلم الحين مصيره بيعرف اليوم ولا بكرا
طلع من الغرفة لقيته جالس بالصاله عند التلفزيون
تقدمت وجلست قباله
ريما باارتباك اخذت الريموت وكتمته:سعود بقولك خبر
سعود باستغراب ماتكلم .. طالعها يحثها على الكلام
ريما وهي تحط يدها على بطنها: انا .. حامل
سعود بدهشه وفرحه بانت على ملامحه: وش تقولين .. احلفي
الحمدلله يارب الف حمد وشكر لك يارب
ضمني لصدره بقوه من الفرحه
ابتسمت غصبن عني: اخ سعود عورتني ..
سعود وهو يدفن وجهه فيها سامحيني ياريما والله غصبن عني
ريما " حسيت برطوبه على كتفي باستغراب اكثر:سعود .. تبكي
سعود بكى بصوت عالي وضمني له اكثر:احبك يااغلى من روحي
ريما بكيت غصبن عني وضميته اكثر .. حسيت بتأنيب الضمير .. مدري ليش جاء ببالي انه سامي وسهى يسوون فيني مقلب .. ماتوقع بيوم انه سعود يشوف وحده غيري
مدري انا اسامحه وانسى اللي صار او اعيش معه بس عشان ولدي اللي جاي يارب ساعدني على الخيار اللي بختاره
...............................

باحدى مدارس المملكه

لمى:الحمدلله انا دخلت تحفيظ قران
سهى:ماشاءالله عليك وانا بعد ودي ادخل
سحر :ايه والله ما شاءالله عليك يالمى "تلف على سهى"وش رايك ندخل انا وياك وسمر
سهى: يالله قدام .. وربي بعيننا ان شاءالله
.. وانتي فطيم ماتبين تدخلين ولا اخوك المريض مو فاضي يدخل بس فاضي على ضربك ههههه
فاطمه تطالع سهى بحقد جت بتتكلم بس قاطعت كلامها سحر
سحر تضيع الموضوع:عاد اتذكرك يافاطمه انك ماشاءالله عليك كنت داخله تحفيظ وحافظه نص القران و...
قطع كلامها صراخ بالساحة المدرسه
ركضوا البنات جهة الصراخ
وش فيه وش فيه
تقدمت ناحية سحر وسهى :الحقوا اختكم تخانقت مع وحده وانصرعت قدام البنات
دفت سهى البنات وركضت ناحية سمر
سحر تدف البنات اللي متمعين حوالين سمر
سهى جلست على ركبها عن راس سمر ومسكت راسها وسدحته عليها :خلاص خلاص حبيبتي تحملي
سمر وهي تنازع ومنسدحه على رجلها وسائل ابيض يطلع من فمها وعيونها تتقلب على فوق
سحر وهي تصيح ودموع بكل وجهها
سهى صرخت بوجهه :عطيني فوطه او شي
سحر ماتحركت من مكانه تطالعها وتصيح
تلفتت يمين ويسار سهى وسحبت الشال من على وحده من البنات ودخلت الشال بفم سمر وصرت تضغط عليه قعدت فتره سمر على حالها لاحد مااترخ جسمها شوي وفاقت
صرخه سهى وصاحت بصوت عالي وخمتها بقوه
:الله يخليك لي ..لا تتركيني

سمر تصيح اكثر منها وتدف وجهها بحضن سهى

ظلت عيون تراقبهم وهي مصممه على اللي بتسويه

...................................

انتهى البارت 12
بقلم :
سلام


نجم الجدي 03-28-2018 10:13 PM
الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

RioO 03-28-2018 10:33 PM
طرح رائع كـ انت
الاناقةة دائما تعتلي صفحاتك
لا حرمنا من منبع الجمال
الذي يزيدنا شوقاً
لـ اطروحاتك

كل الود

ملكة الجوري 03-28-2018 10:36 PM

بوزياد 03-28-2018 10:38 PM
الله يعطيكم الف عافية على التميز في الطرح
ابدعتم وتميزتم بشكل رائع ومميز
وجدت هنا موضوع وطرح شيق
ورائع اعجبني ورآق لي
شكراً جزيلاً لك
وبالتوفيق الدائم
ننتظر القادم بشوق
دمتم بووود

إرتواء نبض 03-29-2018 02:36 AM
اقتطافة أنيقة
لاعدمنـآ هذا الجمال بالطرح..
بإنتظآرجديدك بكل شوق..
ودي وشذى الورد..

مجنون قصايد 03-29-2018 03:23 AM
ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

الغنــــــد 03-29-2018 12:21 PM
صفحه تستحق الثنااء
لروعتها وجماالها

سلمت الأناااامل وما سطرت لنا هنا


يعطيك العااافيه

شكرا لك ولجهووودك

فزولهآ 03-29-2018 11:17 PM
طرح رائع

ضامية الشوق 03-30-2018 01:11 AM
حضورك شرف لي
نورت أخي الكريم
نجم الجدي


الساعة الآن 09:23 PM
صفحة 1 من 3 1 23
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية