منتديات قصايد ليل
صفحة 1 من 3 1 23
عرض 40 مشاركات من هذا الموضوع لكل صفحة

منتديات قصايد ليل (http://www.gsaidlil.com/vb/index.php)
-   …»●[الرويات والقصص المنقوله]●«… (http://www.gsaidlil.com/vb/forumdisplay.php?f=12)
-   -   رواية/انا بطبعي الوفاء بس في الحب خواندج (http://www.gsaidlil.com/vb/showthread.php?t=134316)

ضامية الشوق 02-14-2018 01:50 PM
رواية/انا بطبعي الوفاء بس في الحب خواندج
 



*
*
*
البارت الثاني عشر
فهد حاول يمسك اعصابه : اسمعني ي سيف انا صح مرة تكلمت وقلت لك سالفتي مع بنت خالي مو معناته اني مرخصه لا والله هي غاليه بس حبيت افضفض فهد فاهم سيف عدل وحس انه حبها بس يسوي حاله غبي : أي ادري انه قلبك علي تبغى تخلصني من هالمعضله بس ماتقصر وصل حساسك وبنت خالي لي مو لغيري
سيف بضيقه: ادري انه لك بس مو من خطب من ملك لو انت مملك عليها يحق لك انك تقول هي لي بس هي مو لك
فهد بعصبيه : سيف لاتخلي مرة تفرق بينا واسمع حتى لو رحت تخطبها مارح يعطونك إياها ولاتخليني اتمنى تكون قدامي علشان اعطيك ذاك البوكس ع وجههك
سيف مابغى يخسر صديقه مع انه احب هالبنت : خلاص ي فهد معكك حق انا جالس اختبرك بس اذ فعلاً ماتبغاها قلت خليني اساعد خويي واخذها بداله مادام انه متوهق مع اهله
فهد ياخذ نفس طويل : مشكوور ماتقصر انا فعلا مابغاها قبل 4 سنوات هذا الكلام والحين تغيرت مشاعري ناحيتها المهم ادري فيك راعي فزعات لخويك
سيف (أي راعي فزاعات أي خربطه انا والله ابغاها بس خويي خطيبها مايصير اخسره علشانها) : حاظرين لطيبين انت بس تامر ....المهم اخليك ترتاح الحين
فهد بكسل وخمول : بحفظ الكريم
سيف سكر من فهد ...... فهد ادري ي سيف ودك فيها ماني بغبي بس هي خطيبتي انا والله حتى لو اكرهها تبقى من املاكي ... والله ي في خويي يبغاك خوش والله
مادرى عنك ان لسانك طويل يبغى لك تاديب على هالسان خليني بس اارجع وارويكك شغلك .... انا من ذاك اليوم وانا منقهر منها ..... بس خليني أوصل واعلمها كيف تكلمني قدام خويي
=============================
سعاد
مادري وش اسوي باقي اسبوع احس اني بموت بنقهر
تبكي حتى انه اخوي عمر جاء ولافرحت بجيته تحس حالها مخنوقه يالله ييسر اموري لا بعد حنان كل شوي متصله وراسله لي انا ماني فاضيه لها ياربي ..... أي ليش مكلم هالمهبول علشان يهون مافيه ملكة .......
سعاد مسكت جووالها بتتصل ع عامر
عامر جالس في غرفة يقراء سورة الكهف انتبه انه جواله يتصل وخذه و ناظر الشاشه وشاف يتصل بك سعاد رفع السماعه بسرعه ابتسم فرحان بتصالها مشتاق يسمع صوتها : وهلا وغلا وش الشي الي خلاك تفكيرين تتصلين علي هذا يوم سعدي
سعاد فيها البكيه : لا هلا ولا مسهلا اسمع ابغاك تسحب ع الملكه انا مابغاك فاهم ي اخي
عامر جرحت كرامته بحده: كم مرة قلت لك اذا ماتبغين انا بعد مابغاك اسمعي زين انا اذا بغيت شي اسويه سامعه يستفزها اكثر... أي جاهزي نفسك عدل يوم الملكه علشان تطلعين احلى واحده مع اني اشكك انك تكونين حلوه نمشي الحال فيك(يدري انها جميله بس يجرحها مثل ماتجرحه)
سعاد تبكي بحرقه انهارت بكلامه يعني زواج منها يتسلى فيني: انت وش نوعك أقول لك ما ابيك تقولي جهزي نفسك تخسى الا انت انا اكرهكك ماتفهم
هالمرة عامر ماقدر يستحمل كلامها كافي انها جالسه تهينه بكلامها سكر الجوال في وجهها
سعاد اخذت الجوال وحذفته على الجداروتكسر قطعه قطعه رمت حالها ع السرير و تبكي
===========================
في ومي
دخلو الفله شافو جدتهم قاعده قبالها الشاي والقهوه والرطب و الراديو حطته ع إذاعة القران
ام عبدالرحمن جالسه ع الارض انتبهت لهم :تعالو ي المهابيل وين ع الله تهجون صح لا بعد ماسلمتو علي .. انتي بذات ي في يبغى لك هالعصاء علشان تمردغين فيها
في بطفش راحت تسلم ع جدتها بس جدتها ارفعت العصاء الا هي منحاشه : وش فيك ي جده رحت اشوف الملعب الصابوني علشان اذا جلست العب فيه
مي باسف : اسفه جدتي سامحينى هالمره
ام عبدالرحمن : وش اسامحكم علي ها تركضون قدام عيال عمكم وش بيقولون عنكم كانكم حميرا
في حاطه يدها ع خصرها وتهز : لالالالا عاد كلش ليش تشبهيني بالحمير ترى كافي بنت ولدك تقول عني حصان مادري كسلان الحين انتي تقولين حمير خليهم يولون زين يقولون الي يقولونه
ام عبدالرحمن ترفع العصا في وجهه في : في بتنطمين ولا شلون؟ وانتِ ي مي لاتسمعين كلامها تراها بتضيعك معاها اذا احد نوى يخطبك بيهون ي مي
مي مستغربه من كلام جدتها: طز فيه مومهم اتزوج علشان اكون مثاليها انا شخصيتي كذا وفي ماتخربني ولاشي
في بضيقه : انا ي جدتي تقولين عني كذا الله يسامحك بس بدون اهتمام :بروح انام سلام
ام عبدالرحمن تهز راسها من هالبنت الله يعين فهد عليها : وش تنامين باقي ع صلاة الجمعه ساعه تعالي
في طنشت جدتها راح تصعد جناحهم في هالمزراعه
مي تقعد عند جدتها: تكفين جدتي خلاص لاتعصبين علينا
ام عبدالرحمن قامت وهي ماسكه عصاتها: بروح اصلي الضحى ابرك لي منكم انتي دواك عندي وانتي وفي.
مي قامت بضيقة ان جدتها زعلانه منهم صعدت فوق عند في
=============================
نادر
جالس سرحان وهو يمشي في غرفته ماسك كوب الشاي يشرب رشفه من هي الي كانت مع ناصر والله احسها اشغلت عقلي كلا افكر فيها ... ياربي عيونها عذاب يالبه عيونها لو حطت كحل كان صارت تجنن اكثر استغفرالله يارب مادري وش اسوي هي خذت قلبي وعقلي لازم اعرف وش تقرب لناصر ... اذا طلعت مو زوجته حلو وبخبث نبداء الانتقام ..... بسحب الكلام من اختي جواهر أي والله هي الي بتقول كلشي بدون ماتنتبه راح حط كوب الشاي فوق الطاوله طلع يركض لغرفة اخته نادر طق الباب : جواهر انتي في الغرفة
جواهر تسكر دولابها لانها جالسه تطلع لها ملابس علشان تأخذ شاور تلبس احسن الثياب لصلاة الجمعه

: تعال نادر انا هنا ... دخل نادرر: وش جالسه تسوين
جواهر تجلس ع كرسي المكتب تدور فيه : جالسه اجهز لصلاة الجمعه وانت ماجهزت
نادر جلس بكنبه الي جنب سريرها : لا جهزت الحين بروح اسبح بعيارة ..تصدقين اشتقت لك
جواهر: أي قص علي بهالحكي المهم وش عندك اخلص عندك كلام
نادر : تعجبيني تفهمينها ع الطاير ... تصدقين قبل يومين من كان عندي في المستشفى
جواهر بسخريه : من كان عندك وش دريني انا
نادر: ادري انك ماتدرين بس انا جاي اقولك كان عندي طليق اختي ناصر ومعه بنت صغيرة و معها زوجته يناديها اسمها رحييل
جواهربغباء : اول شي وش يسوي عندك في المستشفى ثاني شي ي الغبي هذي مو زوجته هذي اخته
نادر الحمدلله وصلت الي ابغاه طلعت اخته :أي وش دريني انا انه اخته المهم جاي يعالج البنت الصغيره بعدين نعم تقولين لي غبي مالغبيه الا انتي
جواهر تقوم : أقول برا والله انك فاضي جاء تقولي هالسالفه صدق ماعندك سالفة طس منك ي الله جواهر تدف اخوها بار الغرفه ... نادر : هين ي جواهر راح تجين بعدين سكرت الباب في وجهه اخوها
نادر بضحكة شرير واخيراا عرفتكك ي رحيل الحين بس باقي خطوه وحده و نلعبها صح... خليني اروح اخذ لي شاور
=============================
في المزراعه أي نسيت أقول انه في المزرعه مسجد بعد صلاة الجمعه جلسو الرجاجيل في المجلس يتقهوون والتلفزيون حاطينه ع القناة الأولى مكه مباشر و شريم يخطب عن " العمل التطوُّعيُّ وآثارُه في المُجتمع"
أبو نواف : صقر روح شوفهم جهزو الغداء ترى ميتن جوع
صقر يقوم : ان شاءالله يبه الحين اروح .... طلع من المجلس متوجه الى الفله ... ينادي برا الباب الخلفي للمطبخ : يمه مي خدامتهم : ميري
خدامه ميري جات تركض : يس بابا شنو يبغى ؟
صقر : من هو هنا موجود
ميري :هز ماما مال انت وهز مي اخو انت
صقر : بس مافي احد ثاني
ميري : لا بابا ...صقر دخل شاف امه تجهز الاكل : اها يمه كل شي جاهز ... مي شكله فيك النوم ليش مو نايمه ؟؟
ام نواف : أي تقريبا تعال خذ السفره و المالحه والشطه واليمون والرطب شوفهم ... هناك ميري عطيه إياه
مي : انا ماجاني النووم ... مع اني مرهقهه تتمغط وهي جالسه ع كرسي طاولة طعام
ام نوواف بسخريه : هذا من هبالك جالسه تطامرين انتي والي اسمها في تراني ماسكه اعصابي بس خليني ارجع البيت وارويك شغلك المفروض ماتماشينها تبغاك تصيرين مهبوله زيها أقول قومي اشتغلي بدال جلستك كذا
صقر تحسف انه سال مي (الله يهديك يمه وش فيها اذا استانسو ماسووا شي هم ) : يمه خلاص هدي حالك مالادعي تعصبين
مي فيها البكيه : زين يمه بقوم الحين ( والله لو تدري في انك تتكلمين عنها كذا ماراح تمشي معي ابدا)
ميري : طيب ماما ... تمد لصقر الصحن
صقر : بس يمه ولا باقي
ام نواف : لا باقي انت رح بخلي الخدامات يجونك هناك ي الله اطلع قبل لاتجي مرت عمك ووبناتها
صقر : ان شاءالله يمه بروح اوديهم خلي الخدامات يجيبون الباقي
=============================
في بيت أبو جاسر
في غرفة الطعام جالسين يتغدون جاسر معهم من زمان ماجلس معهم أبو جاسر بحده :اسمع ي جاسر ي انك تحترم هالبيت وسمعته ي انك تتطلع من البيت ماشوف رقعت وجههك
جاسر بضيقة : بس يبة انا ماسويت شي .....
ابوجاسر بحده: كافي انك مشوه سمعتنا الي يسوى والي مايسوى عارف انه سمعتك زفت.... اسمع كلامي يوصلك ويتعداك ماتجلس في بيتي دام انك ماشي هالشله وولاا بعد ترجع البيت الساعه خمس الفجر بيتي يتعذرك الحين اكل لقمتك وبعدها مع السلامه باللي مايحفظك
جاسر بضيقة من كلام ابوه بعد يدعي عليه يارب هم مايعرفون شي لو يعرفون ماسووا كذا ...قام من على السفره : ان شاءالله يبة الحمدلله شبعت الحين بطلع من البيت
ام جاسر تبي : ليه ي بوجاسر خلي ولدي لاتطرده من البيت حررام عليك وش سووه هو؟؟
جاسر يبوس راس أمها: يمه لاتبكين انا بطلع احسن لي ولكم ان شاءالله اجي ازوك كل يوم اذا سمحت لي ظروفي
ابووجاسر بحده : لا لاتجي تبغى تشوفها شوفها برا بيتي يتعذرك
وفاء وهند يبكوون بصمت مايقدرون يقولون شي
جاسر طلع من البيت مقهور والله لو تدري يبه انا وش جالس اسوي ماطردتني بس يمكن فيها خير لي
=============================
بعد الغداء شياب والشباب جلسوو يتقهوون
حمد قام خذ معه كوب شاي ...ابونواف :على وين ي حمد ؟؟
حمد بهدوء : أي يبه بروح العب بلاستيشن
ابونواف : حتى هنا تبغى تلعب بلاستيشن راح اقراء لك كتاب مفيد ولا اجلس معنا مو كل وقتك بلاستيشن
أبو ياسر : خله ي بونواف ع راحته ... هو جاي هنا يستانس
حمد راح باس راس عمه: فديتك ي عمي انت الي حاس فيني
ابونواف : خلني بس امسكك ي حمد اعلمك كيف احس فيك
حمد حط رجوله وانحاش يبغى يفتك من حنة ابوه هههه متجه لصاله الكبيره اللي فيها العاب
ههههههههههههههه كلهم يضحكون ع حمد
نواف : يبه عمي عن اذنكم ابونواف بسخريه : وانت بعد تبغى تلعب سوني
نواف يبتسم ع كلام ابوه: لا يبه تعرف تغدينا خلاص دخنا بروح اريح لي اشوي
ياسر: وانا بعد عن اذنكم
ابوياسر : اذنكم معكم خلهم عنك بس وهم صادقين اذا تغديت ودك تتمدد ... وانا بعد بروح اريح
ابونواف يضحكك : عادوك العيال ابوياسر يقوم : أي والله
خالد جالس معهم بس ماسك جواله( فهد رسل له هلا خالد احتمال كبير اجي اليوم يمكن ع الساعه 6 المغرب لازم تكون في المطار سامع بس لاحد يدري بوصولي)
ماباقي الا خالد وعمه
ابونواف صب له فنجان قهوة : الا اقول خالد
خالد رفع راسه توه ينتبه ان العيال واخوه وابوه موهينا : هلا عمي امرني.... الا بغيت اسالك عمي وين العيال وابوي
ابونواف يبتسم : الله يهديك انت مشغول بجوالك اكيد ماراح تنتبه لخروجهم
خالد انحرج من عمه : اسف ما انتبهت الا ي عمي وش بغيت مني
ابونواف يعدل جلسته : اسمع انت صحيح تبغى بنتي مي ليش ماجيت قلت لي وانا ماراح اردك وانت تبشر ي خالد
خالد كأنه انكب عليه مويه باردة(هذي المفاجاة الي جهزتها لي جدتي ) توهق وش يقوله ما ابغاها ياربي : من قال لك ي عمي أصلا لي الشرف اني اخطب بنتكك
ابونواف ابتسم : جدتك هي الي قالت لي وانا عمكك وبنتي اذ تبغاها هي لك انا ما بغيت أتكلم قدام ابوك واخوك واخوانها علشان ابغى اعرف رايك اذ ماتبغى قولي وانا معك ماحد راح يغصبك على شي
خالد (والله اني توهقت وش أقول؟؟ أقول بنتك أصلا من يبغاها انا ما اطيق هالمره.... اخطبها ياربي اكيد عمي بيزعل مني ): لا عمي أصلا لي الشرف اخذ بنتك بس انا كنت بخطبها بعد ما اخلص من دورتي ما دام جدتي فاتحتك بالموضوع ان شاءالله يصيرخير وانت وش رايك يا عمي (مادري ليه قلت كذا المفروض ارفض)
ابونواف : خذ راحتكك ....بنتي اذا هي لك بتاخذها انا قلت لك اشتري نسبك لو بفلوس
خالد قام باس راس عمه : ماعليك زود ي عمي بعد اعطيني وقت اضبط اموري
ابونواف قام : اخذ الوقت الي تبغاه... هي لك
خالد بضيقه : ان شاءالله ... عن اذنك بروح اتمشى شوي برا
ابونواف: اذنكك معك
=============================
عامر
جلس متضايق بعد ماكلمته سعاد الصباح ياربي انا مادري ويش اسوي مع هالبنت ماتفهم اني احبها تحسبني العب عليها والله انها جالسه تجرحني وتهيني وانا ساكت مو خايف منها انا احبها اموووت فيها بس هي موفاهمه والله اني متضايق اذا تضايقت معدتي تالمني حتى الغداء سدت نفسي عنه ياخوفي ي عامر انها تحب غيرك اذبحها واذبحه معها هي لي انا ادري انانيه مني بس ماابغى تحب غيري انا مرة سمعت انها يوم خطبتها خطبها قبلي مازن بس تقول اختي منيرة انها وافقت ع مازن ورفضتني والله اذبحها... انت جالس تقص ع نفسكك تذبحها انت تخاف عليها من ابره شلون تذبحها يارب سعاد تحبني مثل ما انا احبها
=============================
خالد
طلع يتمشى وهو مقهور من جدته شلون تسوي كذا انا مااحبها ام كشه مقهور اكثر انها حاطة في هالموقف الصعب قدام عمه وده يصارخ بااعلى صوته ماابغاها مااحبها مو ع كيفها جدتي الحين ودي اعطيها خبر اني ماابغاها مسك جوالها دق ع جدته ردت عليه بسرعه
ام عبدالرحمن لانه عارفها انه بيتصل عليها بس تسوي حالها مستغربه: هلا خالد وش عندك متصل؟؟
خالد بضيق يبغى يكلمها وجه لوجه: جدتي جنبك احد ابغى اجي عندك
ام عبدالرحمن بصدق : جنبي بنتي بس لابسه عبايتها تعال.... مي بققت عيونها وش عندها جدتها (مي ماجاها النوم كلش شافت في ولمياء وأمها ام ياسر كلهم نامو الا جدتها جالسه قلت اجلس معها انزلت عند جدتها )
خالد بفرح علشان يقهرها زي ماهو مقهور: زين الحين انا عند باب الصاله بدخل احم احم جدتي ادخل بخطوات واسعه
مي توها بتقوم بس جدتها قالت لها اجلسي انا ابغاك تجلسين (لالا جدتي عندها شي وش الله العالم) تعدل جلستها
ام عبدالرحمن : ادخل ي وليدي
خالد دخل حط عينه بعيونها توتر وشلون اكلم جدتي الحين مي هنا ....مي بعدت عيونها عن عيونه هي بعد توتر اكثر
خالد جلس مقابل جدته مي جنبها معصبه مسك سبحته من التوتر جلس يلعب فيها : جدتي ليه سويتي كذا من قال لك اني ابغى مي يلا طلعيني من هالمشكله وهقتيني مع عمي
مي مستغربه وش السالفه وش دخلني انا في الموضوع
ام عبدالرحمن جالسه ع الأرض:تكلم معي بادب ي ولد وش فيها مي ان شاءالله علشان ترفضها اها
مي فهمت يعني جدتي خطبتني ل خالد ليش ي جدتي كذا انتي مسحتي كرامتي في الأرض
خالد بضيقه يبغى يستفز مي : جدتي انتي خليتي فيني عقل انا تبغين اخذ هاذي يشار عليها بغرور روحي ي جدتي وقول ل عمي اني ماابغاها خير شر
مي من القهر انه جالس يهينها ويمسح في كرامتها بالأرض وجرحني اكثر انه رفضني قدام جدتي
: انا الي ميته عليك أصلا انا مابغاك وع وع وع من انت أصلا من يبغاك مغرور مادري وش عليه شايف نفسك
خالد ارتاح انها انقهرت وضح من صوتها انه من القهر حط رجله ع رجله الثانيه : أقول طسي عني ولا اقوم عليك الحين اعلمك كيف تتكلمين كذا
مي تقهره مثل مايقهرها: من انت ها حيا لله خالد لا بعد ولد عمي ماتقدر تمسك شعره مني فاهم ولا لك حق علي تسمع
خالد انقهر من اسلوبها تكلمه كانه حشره عندها
ام عبدرالرحمن تقوم تمد العصاء ل خالد : يلا اشوف قوم كوفنوا بعض صدق انكم قليلين الحياء انا جدتكم ماحترمتوني
مي بضيقه وبهمس جدتها : انا اسفه عن اذنك يمه طلعت مقهور وتبكي ع نفسها الي كل مايشوفها خالد يتهاوش وياها
خالد بطفش من مسرحية مي: جدتي انا اسف اني رفعت صوتي بس الحين طلعيني من هالمشكله
ام عبدالرحمن بضيقة من كلام خالد عن مي: زين سويت كذا عجبكك ضيقتها بكلامك
خالد بدون اهتمام فرحان انه قهرها: خليها تولي عنك يلا ي جدتي وش راح تسوين في مشكلتي الحين
ام عبدالرحمن: احترم بنت عمك وانا قول وش فيها البنت كارهتك ....بذكاء وحكمه: مومشكله راح اطلعك منها بس اها مو تقولي بعدين جدتي ابغاها
خالد تضايق يوم قالت انه كرهته ما شاء الله عليك انت في شي حلو لك معها علشان تحبكك استغرب بعد من كلام جدته كان جالس ع الكنب نزل جالس جنبها ع الأرض:ليش ي جدتي تقول كذا في شي
ام عبدالرحمن تصب له قهوة وبخبث: لا ولا شي بس نايف ولد خالها يبغاها علشان كذا انا كلمت عمك ... خلاص صح انت ماتبغاها خلاص بقول ل عمك ماتبغاها شكل يتهي لي انك تبغاها يلا خلاص ... طس عني
خالد حس بضيقه تخيلها مع نايف يمووت ولاتكون مع احد غيرها كيف بتهوش وياها يناقض نفسه: لالالا جدتي وش تأخذ ولد خالها ماعندنا بنات ياخذون برا عيال عمهم
ام عبدالرحمن : لا ع كيفك انت تحلل وتحرم ترى خالها كلم عمك وقال عمك اذا في احد من عيال عمها يبغاها راح اعطيك خبر اذا مافي حياكم الله
خالد يحس حاله مخنوق : وش حياكم الله خلاص ي جدتي انا ابغاها بس ها عطيني مهله افكر طلع من الصاله بسرعه مثل مادخل
ام عبدالرحمن : الحمدلله تمت المهمه هههههه (حركات ي جده) ...انا ادري انك تحبها الا ميت عليها مهبوول هالخالد هههه
=============================
لمياء
طلعت برا تتمشى بعد ماصلت العصر جلست ع المرجيحه الي فيها اربع تكلم جواهر : تصدقين ي لمياء اخوي نادر شاف ناصر في المستشفى
لمياء :يالله ي جواهر انا أحاول انساه وانتي تذكريني فيه
جواهر بقصد : انتي أصلا متى نسيتي شوفي نفسك لما تجلسين معنا تحاولين انك تجارين بس انتي دوم سرحانه من تقصين عليه اها علي انا فاهمتك عدل
لمياء دموع مقهوره : خلاص ي جواهر اسكتي
جوواهر : لا مو ساكته بتكلم بقول خلاص انسي نادر يقول انه جاي عنده المستشفى معه بنت صغيره بكذبه زوجته
لمياء طارت عيونها: كيف جاته بنت وهو طلقني من 3 شهور الحين له 3 شهور ماتزوج انتي جالس تكذبين علي
جواهر : انا ماقلت لك بنتها قلت لك معه بنت صغيره يمكن تقرب لزوجته
لمياء بضيقه لانه طرت لها زوجته: خلاص ي جواهر تكفين سكري ع الموضوع
جواهر : طيب راح اسكر ع هالموضوع بس انتي ليه تخاصمين أخوك ياسر علشان رجل لا راح ولاجاء
لمياء تتنهد : وش اسوي كم مرة حاولت ادخل غرفته واعتذر بس اتراجع
جواهر :لاتقولين حاولتي روحي له أستسمحي منه ترى ماينفعك الاأخوك سامعه لازواج ولاغيرها فاهمه
لمياء : طيب ان شاءالله راح اعتذر منه
جواهر: أي خليك كذا لمياء اللي ماتزعل من احد
=============================
ناصر
كان يتمشى بسياره وشاف نفسه قريب من بيت خالته
أشتقت لنور خليني انزل عند خالتي ومنها اشوف نور

نزل من السياره وراح لبقاله قريبه من بيت خالته وشراء لنور شوكلاته وشيبس وعصير واللعاب لها
ناصر يتصل ع خالته يتاكد كان في البيت ولالأ
ام فارس تبتسم وبمزحه : ي هلا وغلا وش عنده ناصر متصل علي ... وراك شي هاأعترف هههه
ناصر منحرج انه دايم قاطع ل خالته: هلا خالتي والله انتي دوم في البال ..والله مشتاق لك ول نور انتي في البيت ولا لا اذا في البيت بجيك الحين ماقال لها انه قريب منها يمكن تكون طالعه وترجع بسرعه علشانه
ام فارس : لا والله جالسه في البيت حياك الله
ناصر : الله يحييك يلاجايك الحين
ام فارس راحت المطبخ تطلب من الخدامه تجهز القهوة وشاي والعصير والماء البارد
الخدامه : زين ماما
ام فارس سمعت الجرس يضرب طلعت له تفتح الباب
فتحت له : ي هلا ياحيا الله من جانا توى ماتنور البيت
ناصر بابتسامه يبوس راس خالته ويدينها: الله يحييك ياخالتي انتي شلونك وشلون العيال عساهم تمام ان شاءالله
ام فارس : الحمدلله كلهم بخير تفضل ادخل المجلس بروح اجيب القهوة وأجي
ناصر يمد لها الكيس : هذا حق نور الا نور وينها نايمه
ام فارس: الله يخلي نور اللي جابتك لنا ....بعدين ليش تكلف ع نفسكك
ناصر : هههههههه لاوالله جاي اشوفك واشوفها بعد لاكلافه ولاشي .. تستاهل نور
ام فارس: زين .. انتظرني بجيك الحين
ناصر: طيب.... دخل المجلس وشغل الانوارو شغل التكييف
ام فارس رجعت بلقهوة وحطته ع طاوله : ي حيا الله ناصر تصدق فرحانه فيك بلحيل
مجلسهم جلسه ارضيه فيها طاوله خدمه بس الرجول متوسطه طول ناصر جالس مقابل خالته : الله يحيك ي خاله وانا بعد فرحان فيك
ام فارس تصب له القهوه وتمد الفنجان تقرب منه الحلا ورطب: تفضل أي نور طلعت مع خالها سامي
ناصر : زاد فضلك ... اها زين انه تطلع تستانس
الا خالتي وين ابوها وامها عنها
ام فارس بضيقه : أمها موجود بس ابوها طلق أمها
ناصر تضايق لانه ذكرته بسالفته مع لمياء : أي الله يعينها ان شاءالله بس ي خاله يعني معليه تقولين لي السبب ؟؟
ام فارس : أي عادي مومشكله بقولك سبب طلاقها لانه شاف وحده وعجبته قال لها بتزوجها وقالت له بنتي عادي تزوجها بس ابغى تطلقني واخذ بنتي
ناصر كانه الخالة تقوله سالفتة مع لمياء بس مع اختلاف بسيط..
=============================
ياسمين ام نور
جلست من النوم ماحصلت نورلانها نامت معها
خافت وينها بنتي قامت غسلت وجهها بعدها .. طلعت تدورها راحت الصاله ماحصلتها فوق لا في الغرف خوالها يمه وين بنتي ليكوون اخذها ابوها والله لاسوي له فضحيه لالالالا ان شاءالله ماأخذها .... أي صح يمكن في المجلس اللي برا راحت تركض أدخلت المجلس مانتبهت لناصر تكلم امها كانت في حالة نفسيه سيئه جدا لابس بجامة نوم اكمامها طويله وسيعه ضايعه في هالبجامة وخايفه ع بنتها: يمه وينها نور يمه تكفين ليكون يوسف اخذها يمه تكفين
ناصر جالس يسولف مع خالته ويضحك معها ينسى حزنها ع بنتها ..... الا تدخل وحده كانه جايه تركض ووراها احد ... سرح فيها كانه يشوف حبيبته لمياء تشبهه بس اختلاف بسيط بينها وبين لمياء هذي شعرها قصير الى اكتوفها لمياء شعرها طويل وهذي سمراء لمياء بيضاء هذي جمييله بلحييل يعني زوجه من سابع المستحيلات يفرط فيها لمياء جميله بس متوسطة الجمال
ام فارس تهدي : ي ياسمين بنتك عند خالها شوفي رجال اللي جالس هنا تاشر على ناصر
ياسمين توها تنتبه له طلعت بسرعه من الاحراج يالله المفروض مادخلت كذا وش يقول عني.... اوووف ماعلي منه الحين اهم شي بنتي بخير
ام فارس بأحراج من بنتها : معليه ي ولدي تعرف قلب الام
ناصر يبتسم لخالته يبعد عنها الاحراج: ماصارشي ي خالتي وتصير في احسن العائلات
=============================
خالد طلع من المزرعه
متوجهه الى المطار بيروح يجيب فهد لانه بيوصل بعد ساعتين لازم يمشي الحين طلع من المزرعه وهو شايل هموم دنيا ع راسه ليه قلت لجدتي هالكلام خليتها تولي في قلعة وادرين تأخذ اللي اسمه نايف ركب السياره ضرب الدركسون بيده بقوه غبي جدتي العبتها صح معي قدرت توقعني في شباكها شغل السياره علشان تسخن ورجوله برا السياره حاط راسه ع دركسون والله لوبيدي راح أخذت مي وعطيتها ذاك الكف ع وجهها وبكل وقاحه تقولي انت حيا الله ولد عمي اخ يالقهر الحين وش بتسوي ماأدري وموعارف وش اسووي احس اني بمووت من القهر وبعدين نشوف ي جدتي وش ناويه عليه دخل الرجوله سكر الباب حرك سيارة مبتعد من المزرعه
ي الله بس الله يسهل ان شاءالله معليه ماردها بتطيح في يدي ..... خليني اللحق ع فهيدان مشتاق له والله اني مبسوط وزعلان في نفس الوقت كيف تجي ذي ماادري هههههه
=============================
مي وفي ولمياء يتمشون في المزرعه بيروحون يلعبون ملعب صابوني
في :صدق مي راح تجي لمار وبدريه
مي : أي قالت لي ... بس مايندرى عن زوجها
لمياء تشوف مي حزينه حتى انه شوي وتبكي : مي ابغى اسالك انتي فيك شي احد ماضايقك
مي دموعها نزلت : لا ولاشي بس شوي متضايقة بعد ماجاني النوم
في شافت دمووع مي وقفت راحت تحضنها: حبيبتي من مضايقك انتي بس قوولي لي واوريك فيه
مي : لا ولاشي بس امي هاوشتني علشان احنا صباح كنا نركض
لمياء:ههههههه أي ماصدقتكم انكم بتسوونها خبلان انتو كانكم مجانين وانتم تركضون
في : عيشي حياتك سوي اللي تبغينه ولا عليك من احد زين
مي تضحكك : انتي مجنونه الله يعين خالتي توي اسمعها تتحلطم عليك
في تتنهد : وش اسوي اذا انا كذا جوي
لمياء : ي بنت اعقلي والله انها جدتي ناويه عليك
لمار عمرها 6 سنوات جات تركض وهي تضحك تصرخ : خالتو مي
مي انتبهت لصوت لمار شافتها جايه تركض جلست ع ركبتها لمار رمت نفسها في حضن خالتها : هلا وغلا بالاموره لمار كيفك ماما طيبه ... ماما جات ..في ولمياء واقفين علشان لمار
لمار ابتسمت : أي ماما جات
مي : حبيتي سلمي ع خالتي في ولمياء ... لمار تمشي بخجل وتسلم عليها
لمياء تحضنها: فديتك ي حياتي تدرين اني اموووت فيك
في تاخذها من حضن لمياء وتشيلها وتبوسها ع خدودها وتركض فيها : ي زينها ي ناس .......يالله اللي يوصل قبل خلكم قاعدين مكانكم صح حبيبتي لمار راح نفوز عليهم
لمار تضحككك :أي
مي ولمياء يركضون يبغون يفوزون ع في ههههه
في شافتهم جايين يركضون تحاول تسرع تمسك في لمار بقوه علشان ماتطيح
=============================
في مطار
خالد وصل يقعد يدور فهد من بوابات الوصلين
شاف فهد يدخل ومعه عربه شايل فيه أغراض لابس بنطلون اسود و بلوزه بيضاء مسوي لحيتة ديرتي
خالد ياشر بيده : هنا فهد
فهد شاف خالد وابتسم راح يسلم عليه بحب خشوم وحضنه مانزل السعوديه من سافر فهد : اشتقت لك بلحيل يالغلا شلونك وشلون الاهل وجدتي مابغيت اجي السعوديه يالله ي خالد
خالد يحضنه بقووه : حتى انا أشتقت لك بقوه يالغالي شلونك وشلون الشهاده معك عساك زين
فهد وهويمسك بيد خالد يضغط عليها بقوه: الحمدلله بشوفتك ي الغالي صرت زين
خالد : فهد كانك متغير بروح اشتكي ع فرنسا بدلت ولدنا صار يشتاق لي و ي الغالي وين البرود راح
فهد يضحك : اصبر انت بس خليني اتعود ع اجواء السعوديه ويرجع لي برودي
خالد وفهد يطلعون من المطار.. خالد هههه : أي كذا صدقت انك ولدنا ..غيرتك فرنسا
فهد :هههههههه
=============================
ام عبدالرحمن جالسه برا الفله تقول الجو زين
حوالينها عيالها ياسر ونواف وصقر اما حمد يلعب بلاستيشن أبو نواف وأبو ياسرو قبالهم القهوة وشاي
ام عبدالرحمن تتفقد حمد وخالد : الا وين حمد وخالد ماأشوفهم
نواف : حمد يلعب في بلاستيشن ام خالد ماادري عنه ماشفته
أبو ياسر انزعج من تصرفات ولده كله ينحاش مايجلس معهم : الا ياسر ماعطاك خبر خالد انه بيطلع
ياسر : أي يبه قالي بس ماقال وين بيروح بضبط قال بيرجع ماراح يتاخر ... الاجدتي ليكون فتحتي له بموضوع الزواج اذا كلمتيه بهالموضوع اكيد بينحاش
ام عبدالرحمن بدهاء: لا لاخلاص خلصنا من خالد باقي دورعليكم انتوا
ابونواف فهم عليها ويتكلم بالالغاز : وش قال لك بضبط
ام عبدالرحمن : قال عطيني وقت ارتب اموري
ابونواف فرح انه خالد يبغى بنتها : زين الحمدلله اجل اكلم خالها وأقول له خلاص
ام عبدالرحمن : أيه اكلمه وأقول له خلاص مافيه نصيب
الكل مستغرب؟؟ وش عنه تتكلم الجده و أبو نواف
أبو ياسر : يمه وش سالفه
ام عبدالرحمن : بعدين اعلمك انت اصبر علي لين اخلص من هالموضوع وأعلمك وش سالفه
أبو ياسر : ان شاءالله ع خير متى مابغيتيني انا عندك
ام عبدالرحمن : ان شاءالله قريب اقولك ....اسمعو ي عيال الحين باقي نواف و ياسر انا بدور لهم ع البنات لهم
ياسر توهق: تو ناس ي جدتي ... بهمس لنواف جالس جنبه .... حولت علينا لانه خالد موهينا
نواف :ههههههههه أي والله انها الوهقه تصدق احسده ع نحشه
ياسر يضحككككك ههههههه
صقرعارف انه اللي يحبها ماهي من نصيبه : جدتي خليهم يولون عنك زوجيني انا بس
ام عبدالرحمن : انت خلص من دراستك أول وبعدين فكر تتزوج صقر:ليش ياجده هالتحطيم... ام عبدالرحمن مطنشته
نواف : يالله لقط وجهك الحين هههههههه
ياسر : ي جدتي تكفين اجلي هالموضوع شوي
ام عبدالرحمن : ان شاءالله راح أأجله
===========================
عند بوابة العامل فتح بوابه الكراج سيارات خالد
المزراعه
العامل : هلا يابني ي خالد أزيك عامل ايه ..... انتبه انه معه احد أي اده معك سي فهد الحمدلله ع سلامه ي باشا ازيك وأزي الدراس معك واللهي وأحشنا اوي
فهد يبتسم له : الحمدلله حتى انت أشتقت لك ي باشا مهندس مصطفى
خالد : أقول بس لايكثر انت وياه ... المهم ابوي وعمي وجدتي والعيال وين
مصطفى : بص كلهم جلسين عند الحجه ام عبدالرحمن في جلسه اللي برا
خالد يقلد مصطفى: متشكر اوي ي مصطفي حرك بسيارة متجهه للجلسه اللي هم فيها... ها فهد مستعد
فهد بحنين لجدته ولخواله وعيال خواله : أي بقوه
خالد : اسمع انا بنزل اول زين ... بعدين لما اعطيكك رنه اطلع اوكي زين سياره مضلله
فهد : خلاص مومشكله ... وصل عند الجلسه ونزل
شاف ابوه بحده: وين كنت ي خالد وانا كم مرة اقولك اذا كنا طالعين في جمعه مع العائله ماتطلع
خالد يمشي بهدوء بخطوات واثقة يبوس راس ابوه : اسف اخر مره ... جدتي وش تتمنين هالحظة



ام عبدالرحمن مستغربه من تصرف خالد : اني اشوفكم بخير واحسن حال ... ويرجع ولدي فهد بالسلامه
عمه وابوه واخوه وعيال عمه مستغربين تصرفاته
خالد يبتسم : واذا حققت لك وحده من هلامنيات وش لي
ام عبدالرحمن عصبت من برود خالد : اخلص علي وش عندك وبشارتي لك اللي تبيه إذا كان الخبر يسوى
خالد مبتسم : شوفي ياجدتي ويابوي وياعمي ويااخوي ويا عيال عمي
كلهم بصوت متفرقه : اخلص علينا وش عندك تراك طفشتنا
خالد يضحكك عليهم ام عبدالرحمن : بالعصا الحين ان ماتكلمت
خالد : خلاص عندي لكم مفاجاه الحين بجيبها من السياره عط فهد رنه
فهد متوتر خايف ع جدته لايصير فيه شي نزل من سياره متوجهه لهم
خالد بصوت عالي : فهد وصل بالسلامه ي جدتي
ام عبدالرحمن مومستوعبه اللي قاله خالد : صدق وينه فهد يمشي بخطوات واسعه جلس ع الركبتة يسلم ع جدته ع راسها وخدها اليمين والايسر ورجولها و يبكي : يمه انا رجعت لك يمه رجعت شوفيني قدامك
ام عبدالرحمن تبكي وتحضنه : الحمدلله ع السلامه الحمدلله اني شفتك يالغالي طولت علينا بلحييل ليش ماكنت تنزل السعوديه أيام الاجازات ليش
فهد يمسح دموع جدته : لاتبكين الدموعك غالي خفت انزل واهون عن الدراسه بعد ماأشوفك الحمدلله خلصت الدراسه وجيتك رافع راسك هذا اهم شي
العيال وشياب نزلت دمعتهم متأثرين باللقاء الجده وفهد
ام عبدالرحمن : الحمدلله اللي رجعك لي سالم
فهد قام من حضن جدته وقام سلم ع خواله حضنهم باس راسهم ويدهم .فهد :شلونكم خوالي عساكم طيبين ابوياسر: طيبين طاب حالك :انت شلونك.. أبو نواف: شلونك ي فهد وشلون فرنسا معك فهد : الحمدلله انا بخير دامكم بخير سلم ع اخواله وهم جالسين
سلم ع ياسر :هلا والله تو مانورت السعوديه ...فهد يبتسم : النور نورك ي الغلا .... سلم ع نواف وصقر نواف : والله اني مشتاق لك ياولد عمتي الله لايحرمنا منك
فهد يبتسم: ولامنك ي نواف حتى انا ذبحني شوق عليكم صقر: اليوم يجنن وزاد حلاوته بشوفتك
فهد : تسلم ماعليك زود ي صقر ..
أبو ياسر : وشلونك ي وليدي عساك طيب ... خلاص ي خالد سامحتك علشان المفاجاه الحلوه
خالد جلس: ول يبه كنت بتهاوشني اشوى الحمدلله أنقذني فهد
كانو نواف وصقر وياسر واقفين وجلسو بعد ماسلموا ع فهد ....كلهم يضحكون على خالد ههههههه ياسر : علشان كذا قلت بروح وبرجع ولا انت بلعاده تنحاش
خالد يتنهده لانه ذكره بالموضوع : أي كنت بنحاش بس فهد ماخلاني هههههه
نواف : الله يسعدك ي خالد ع هالمفاجاه ..... الحمدلله شفناك ي فهد لك وحشه
فهد : الحمدلله حتى انا اشتقت لكم
صقر : أي والله فقدنا برودك هههههههه
فهد : هههه بس برودي فقدتوه ...بشوفتكم صرت بخير ... جلس جنب جدته مومصدق انه جالس جنبها يحس حلم بيصحى منه يسولف عليهم وش سوى في فرنسا ...
==========================
عند في ومي ولمياء ولمار البنات فصخو العبايات علشان يلعبون لانه العبايه بيطفشون منها اذا كانت عليهم اريح انهم يفصخونها لانهم عارفين مستحيل بيجونهم الشباب علشان كذا خذو راحتهم
في جالسه تتزحلق وطيح ماتعرف منقهره من مي ولمياء حتى لمار تعرف الاهي : مايصير كذا حرررام انتو تعرفون تتزحلقون الا انا مايصير لالالا ظلم كذا في ماتعرف مايصير قامت تتزحلق مرة ثانيه وطاحت ع خشمها خخخخخ
لمياء ومي لمار يضحكون عليها... مي : سوي كذا ي افي حاولي تتوازنين خخخخخ
في تفرك خشمها يألمها طلعت من الملعب صابوني : انقلعو زين قاعدين تتطنزون علي ماأبغى اللعب شافت ام ياسر جات ومعها بدريه
في ماادري ليه حسيت بضيقه كانها حاسه بجيت فهد
: يمه وش فيك ... جيتي هنا انتي وبدريه مع كرشتها كانها بقرة
بدريه بقت عيونها لانه حامل في شهر الرابع: صراحه انتي قليلة ادب يعني موشايفتني يمكن حوالي شهر وهذا استقبالك لي لالالا مايصير
ام ياسر متضايقة من تصرفات في: في وبعدين معك وش هالاسلوب زفت تتكلمين مع بنت عمك كذا
في لاحظت انزعاج أمها منها : اسفه يمه هلا بدريه الحلوه شلونك عساك طيبه
بدريه : وش عقبه ها ... بس يلا بمشيها لك تدرين ليه
في : ليه ... بدريه بضحكه : لاني اطيب منك علشان كذا اسامحك في جات عند بدريه وحضنتها : فديتك ي بنت العم
لمياء ومي طلعو من الملعب يسلمون ع بدريه ولمياء: الاصدق وين جدتي عنكم ومرت عمي
ام ياسر تجلس في الكرسي القريب منها لانها تعبت من المشي.... فيه كراسي وطاولة مثل الحدايق العامة لانه المزرعه كبيره بلحييل اللي يتمشي فيها بيتعب ويحتاج انه يجلس : جدتك معها العيال وأبوك وعمك اما مرت عمك حاولت فيها تجي تتمشى معنا قالت مايحتاج اعرف مزرعتنا عدل انتو روحوا تمشوا ماعليكم مني
بدريه ومي تضايقوا من كلام أمها في تبغى تنسيهم : وش رايك ي لمار نروح نركب المرجيحه يلا
لمار: يلا .... راحت تركض تلعب مع في
مي (الله يسعدك يافي زي ماتسعديني )
===========================
سعاد
ام محمد : يلا يابنتي خلينا نروح السوق نجهز لملكتك
سعاد جالسه ع سريرها ماتبغى تروح : يمه واللي يسلم عمرك ما أبغى اروح عادي اشتري لي أي شي مومهم
ام محمد بضقيه من بنتها الي راسها يابس : خلاص بروح بس اذ ما أعجبك لاتبكين زين ... تصوت لفرح فرح :يمه تعالي أخوك عمر ينتظرنا برا...ام محمد طلعت من غرفة بنتها متوجهه الى السيارة
سعاد تبكي بصمت مقهوره جالسه تبتعد عن أهلها والسبب عامر الله ياخذه ان شاءالله أستغفرالله حررام امه تبغاه ياربي وعمي بعد حرام ادعي عليه لاني اكرهه بس هو مايفهم اني ما أبغى اتزوجه لاهو لاغيره تعبت تعبت من هالحياه أستغفرالله بس
============================
اشواق جالسه تكلم اخوها سمير
اشواق تمشي طالعه من المطبخ متوجهه لصاله لابسه بجامه مخصره ع جسمها ماسكه كوب عصير وتشرب بعدته عن فمها بخبث : خلاص ولا يهمك راح احطه في شنطتها المهم ما أحد يدري صح
سمير يدخن : شطوره اختي تفهمني ع الطاير المهم انتبهي من زوجكك هالغبي
اشواق بصراخ تحط الكوب ع طاولة التلفزيون : لاتسبه فاهم ...بهمس تراه احسن منك
سميرسمعها بس طنش : انتبهي فاهمه والله خطى صغير يوديك في داهيه ترى الموضوع عند الشرطة
اشواق خافت : كم مره قلت لي الحين خلاص الموضوع في ايدي امينه
سمير : خلاص بعطيك الأغراض يوم السبت خشيهم عندك والتنفيذ يوم الاحد سامعه
اشواق تجلس ع الكنبه و تأخذ نفس : زين اوكي خلاص سلام
سمير : سلام ............. مسكينه ي رحييل نهايتك قربت ع يدي والفضل لاخوي سمير
سمير رسل رساله لخويه الغامض مايدري ليه بس حب يبلغه(اسمع راح ننفذ الخطة ع بنت عمي يوم الاحد )
=============================
في
جالسه تلعب بالمرجيه تطير فوق في الجو بس ماتدري ليه حاسه بضيقه تجي وتروح : اوووووو حلو رحت اندونيسا مع السلامه ماراح اهبط بصير معلقه فوق
مي تضحكك وتأرجح لمار
: مهبوله يافي صح لمار في مجنونه تأشر بيدها ع راسها علامة الجنون
لمار نزلت من المرجيحه: أي مجنونه في وتنحاش تبغى تروح لجدتها وفي افهمت عليها انها تبغى تلعب معها في انزلت من المرجيحه : حان الان موعد هبوط الطياره لرجوع الى السعوديه ......قامت الحقت لمار.: انا ي لمار مجنونه لاتسمعين كلام خالتك هي المجنونه تعالي
ام ياسر: الله يكملها بعقلها هالبنت مجنونه بتطلع القرون الي في راسي .... جنبها لمياء وبدريه مقابله لهم .......ولمياء جالسه تصورسناب وتنزل في قصتها ع العام عندها نت بيانات ’باقي شوي ويأذن المغرب’ مي جاءت جلست جنب اختها : خالتي لاتزعلين من في تراها توسع صدورنا الله يسعدها
بدريه ماسكه جوالها ترسل في الواتساب تكلم أبو الشباب رفعت عيونها لمرت عمها: يمكن يي خالتي انتي تشوفين الي تسويه هبال بس هي عندها سعة صدر
ام ياسر : الله يهديها ان شاءالله ... كلهم : امين
============================
لمار جات وقعدت في حضن جدتها ام عبدالرحمن : وش فيكك حبيبتي من يلحقك ... فهد جالس عند جدته الكل قام يبغون يأخذ راحته مع جدته
في جات تركض وكانت مولابسه عبايتها لانها فصختها في الملعب الصابوني ..في من مسافة قريبه لمار انا جيتك
لمار تضحكك ولبدت ورى فهد منزل راسه يلعب مع لمار ويضحكك معها..... فهد بسخريه (مهبوله من عمرها ماتغيرت كأنها بزره جالسه تلعب مع لمار )
في جات عند الجلسه كانت لابسه بلوزه طويله لونها وردي فاتح تحت الركبه وتحتها بنطلون لونه اسود طويل وشعرها كان يحرك الهواء وخشمها صاير أحمرمن الطيحه ما انتبهت ل فهد : تعالي لمار ... انتبهت انه في رجال هنا .. خافت الحين بتهاوشني جدتي توها بتنحاش
ام عبدالرحمن ساكته لانها تبغى في تشوف فهد..... وفهد يشوف في علشان كذا ماتكلمت انها تمنعها انها تجي
فهد رافع راسه لما حس انه اختفى صوتها كأنه الزمن وقف عندهم يناظر في (ي الله ي في طلعتي جميله حد النخاع ...شعرها اسود طويل ...عيونها كبيره رموشها كثيففه ولا بعد مكحلتهم زاد جمالهم ...ولا حبة الخال قريبه من شفايفها حكايه ثانيه .... ما الوم سيف يوم حبك ي في .... بس انا ماحبيتك ... مادري وش صاير فيني الحين احس قلبي يدق بسرعه ) لغة العيون تتحدث في ما بينهم
في رجولها موشايلتها من صدمتها تبغى تتحرك تبتعد عن المكان الي هم فيه(لالا مستحيل هذا فهد شلون وصل وكيف ما أحد عطاني خبر لو أدري قعدت مكاني ولا جيت هنا ..... الحمار صاير وسيم فهد عمره 27 جميل لما سافر كان اسمر ام الحين صايرابيض شكله من تغيرات الجوا تشوف انه زادت وسامته طويل ...عريض الاكتاف... حواجبه خفيفه محدده... وعنده غمازه..جنب ذقنه ...شعره ناعم وقاصه ومرتبه الى رقبته .. عيونه لونها بني غامق الرموش كثيفه وطويله .. مسوي للحية ديرتي ...فاسخ نظارته الشمسيه وحطها في جيبه العلوي... لاحظت انه جالس يناظرها التقت عينها بعينه بس بعدت عيونها بسرعه لانها لاحظت نظرات السخريه من فهد انا وش موقفني هنا خليني أتحرك أبتعد بدال ما أقابل وجهه ) في تضغط ع رجولها المهم تبتعد من هنا .... فعلا أبتعدت من الجلسه وهي تركض تحاول انها تكون وحدها ... ما تبغى تشوف احد دخلت الفله داخل صعدت بخطوات واسعه ...راحت جناحهم فتحت الباب كانت منهاره جدا دخلت غرفتهم الي ينامون فيها..... في دموعها نزلت ما تغير فيك شي ي فهد نفس نظرات السخريه البارده انا اكرهككك وش رجعك ظليت فرنسا ما نبغاك ليش رجعت ليش ترجع ليش في رمت نفسها ع السرير جلست تبكي بحرقه لانها تحب واحد ما يبغاها ولا بعد يكرهها وعدت نفسها ما تحب احد
ام عبدالرحمن تبتسم ل فهد : اها ي فهد وش رايك في (في) هذي النظره الشرعيه علشان ترتاح تقول غشتني جدتي
فهد ماينكر انها عجبته بس ما يحبها يكرهها: لا لاجدتي انتي الخير والبركة مومهم الشكل اهم شي الاخلاق وانا ي جدتي راضي اني اتزوج في وانا عطيتك الموافقه قبل اربع سنوات
ام عبدالرحمن فرحانه انه فهد ما غير رايه الى الحين : الله يتمم عليكم
فهد يبتسم: امين .... لمار كانت جالسه جنب فهد وحاضنها بيده اليمنى بهمس: شكر لمار(لانها هي الي جابت في الى عنده وشافها ...ماينكر انها شغلت عقله اه ي في الله يعينني عليك ) ...لمار ما فهمت شي بس قالت : عفون
==================================
بعد أسبوع اليوم الخميس ملكة سعاد وعامر الساعه 8 العشاء
أبو محمد عزم القريب منه ..وخاصةً أبو ياسر يبغى العلاقة تكون قويه ....... ما قصر أبو محمد كلشي كان في خاطرهم جابه بيتهم يعج بضوضاء
انوار البيت شغاله الي يشوف الانوار يعرف ان عندهم مناسبه مجهزين السماعات الكبار مشغلينهم ع الشيلات والسماعات صوتها مرتفع بالحيل حاطينهم في زاويه الصاله شبكتهم ع جوالها ببلوتوث حق الشيلات الصاله مرتبه واسعه وتكفي كل ضيوفهم ..الكنبات من بداية الصاله الى النهايه .. في الوسط طاولات الخدمه طاوله كبيره ووسطهم حاطين فوقها دلال القهوة والشاي والعصيرات البارده والغازيات والمويه الباردة مقبلات و المعجنات بجميع اشكالها ..الحلويات البقلاوة الورق عنب ام محمد جابت بنات يقهوون الحريم يعني ملكتهم مرتبه من والى البوفيه طلبوا من برا...... ام محمد لابسه جلابيه فخمه لونها ذهبيه ع ابيض مطلعها كأنه صغيرة مسويه تسريحة ويفي شعرها رافعته كله وكثيف مكياجها ناعم مره لابسه طقم الماس ناعم... البيت يعبق عليه رائحة البخور والعطوارت الفخمه... الضيوف ماحد جاء..الى الحين
ام محمد تكلم ماري وهي تبخر شعرها:اسمعي حطي البيالات والفنجايل ع الطاوله
ماري: يس مدام
ام محمد تنادي فرح .....تقصر ع السماعات علشان تسمع فرح من فوق: فرح تعالي يمه
فرح جات تنزل شوي شوي لانها لابسه كعب طويل الاصابع : هلا يمه امري
ام محمد : مايأمر عليك عدو ها اختك خلصت ولا بعدها مطفشه الكوفيره...
فرح لابسه فستان احمر على الجنبين خط ذهبي مخصر ع جسمها ناعم لا ضيق ولا وسيع كعب احمر ع ذهبي لابسه طقم ذهب ناعم شعرها مفتوح ....ناعم مكياجها ناعم حييل بارز لها جمالها : أي يمه الحمدلله هذا ثالث مرة وهي تحط لها ماغير تبكي حتى دمووعها نشفو... أي بسالك يمه جاوا بيت عمي
ام محمد : على وشك الوصول ..... المهم يمه خليك جنب اختك مادري وش بتسوي ..... رجعت طولت ع السماعات
فرح وهي تمشي فيها رقصه : ان شاءالله يمه ...صعدت فوق عند سعاد
=========================
سعاد
لابسه فستان وردي غامق نص كم جاي ع جسمها أمها اختارت لها ....الحذيان وردي الكعب حقه متوسط يعني موكعب حييل لانها طويله شوي مكياجها ناعم زاد من جمالها حطت لها ظل العيون ورسمت عيونها وحطت لها ماسكره شعرها مفتوح بس مسويته لها كيرلي
الكوفيره : بخز العين ماشاءالله عنك طالعه ائمر
فرح دخلت تأخذ نفس كانت تمشي بصعوبه بسب العكب :ها خلصتي
الكوافيره : أي مشاءالله هاصبيه كتير جميله المكياج بس زاد من جمالها بس
فرح : أي والله ي سعاد تجنني تجننين روعه الله يعطيك العافيه راح يغمى ع عامر من جمالك
الكوافيره تحط اغراضها في الشنطة لبست عبايتها : يلا الله يوفقك.... فرح راحت توصلها الى عند الباب
سعاد وقفت قدام المرايه لو ما حلفت أمها انه توقف بكي كان بكت الحين من هي هذي ما اعرفها نزلت عيونها ليدها اللي ترجف بقوه خايفة و صدرها يصعد وينزل من الخوف تحس انها موسعاد هذي وحده ثانيه
فرح صعدت فوق مرة ثانيه تحاول انها تمشي بخطوات واسعه: سعاد يلا وصلوا بيت عمي الحين راح يجي محمد وعمر
سعاد من جلست اليوم ما أكلت ولا تكلمت ماخذه وضعيه الصامت بهمس وبخوف: طيب جاء الشيخ يكتب العقد ....طيب حنان جات
فرح راحت تحضن اختها: وأخيرا تكلمتي خفت القط اكل لسانك أي ومحمد جاي بالكتاب ..... لا لسى بتجي في الطريق تقول أتصلت عليك كثير ماتردين
سعاد رجعت صامته مرة ثانيه جلست ع كرسي التسريحة
عمرو محمد كاشخين كل واحد يقول الزود عندي كانهم معاريس دخلوا من الباب الخلفي محمد معه الكتاب صعدوا فوق ...متوجهين لغرفة سعاد
عمر يطق الباب :ندخل عادي
فرح : أي عادي ادخلوا.... ادخلو عمر : ماشاءالله تبارك الله صايرين تهلبون بالحيل الله يحفظكم
عمر راح يسلم ع سعاد خلها توقف حضنها وباس راسها: تهبلين ي سعاد الله يحفظك ... أبتعد عنها
محمد بعد قرب منها مد الكتاب لفرح تمسكه حضن سعاد : مشاءالله تبارك الله ي حظ عامر فيك ... لاحظ في عيونها الخوف ويدها ترجف همس لها : لاتخافين وانا اخوك عامر راح يصونك ان شاءالله .. فرح عطيني الكتاب
فرح مدت له الكتاب محمد اخذه وفتحه لها وعطها القلم
يأشر :وقعي هنا يلا سعاد
سعاد مسكت القلم بيدها اللي ترجف ..................
الكت
بقلم :
هايدي فتاة صحراء

احساس انـثى 02-14-2018 05:11 PM
يعطيك العافيه
طرح اكثر من رائع
بانتظار جديدك بشوق

محـمــــود 02-14-2018 05:51 PM
انتقاء جميل
سلمت يداك

دلع 02-14-2018 10:38 PM
سلمت أنــآآملكـ ع الطرح الرائع........

الغنــــــد 02-14-2018 10:51 PM
أشكرك لجماال طرحك وروووعته

سلمت الأنااامل

ويعطيك العااافيه

RioO 02-14-2018 11:55 PM
مُقتطف جمـيل جداً
وَ إطلآلهَ تُحآكينآ بـِ كُلِ يُنوع
سلمت يَ ذآتَ التألق البـآذخ
ولك شُكراً على حُسن الإنتقآء
أطيب الاماني

لا أشبه احد ّ! 02-15-2018 02:00 AM
*،




آنتقاء مميز .. مَ ننحرم من جديدك

ضامية الشوق 02-15-2018 10:56 PM
حضوركي شرف لي
نورتي عزيزتي
احساس أنثي

ضامية الشوق 02-15-2018 10:56 PM
حضورك شرف لي
نورت أخي الكريم
محمود

ضامية الشوق 02-15-2018 10:57 PM
حضوركي شرف لي
نورتي عزيزتي
دلع


الساعة الآن 01:27 PM
صفحة 1 من 3 1 23
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية