زوج هيفاء

يابنت غضي الطرف عن بعض الاشياء
ارقام بالجوال ماهي بليه

هذا رقم سباك وذا مدرس احياء
والبيطري ياجعل رجله بحيه

قالت دخلت وشفت بالشاشة اللغاء
ماني بورعه يوم تضحك عليه

الرقم لول صح لمدرس احياء
المشكلة السباك يبغى الهدية

حفظت ارقامك من الالف للياء
والحمدلله يوم يكشفك ليه


هذا رقم ريمه وَذَا رقم فيحاء
وهذا رقم خالتك بالفيصلية

وهذا رقم اختك وذا رقم غيداء
اهجد تراني مابغيت الاذية

قال اعترفلك ولا احد خالي اخطاء
ابغى ابتسامه وابشري بالهدية

قالت ذهب وثياب من تاج الازياء
والقصد تعرف ان مردك اليه

دام اعترفت وذبت في حب هيفاء
فبشر بشاهي ودلتي الشاذليه

شعر الغازي

ههههههههههههههههه بجد خطييير يالغازي،
أيش ذا !!!

ولكن تبقى كلماتك الجزلة روضة تعبق بأريج الزهر،
أمتعتني بجدارة يالذووووق,
ودمت بخير،،