 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - ღ هـــوى روحـــــي ღ
(http://www.gsaidlil.com/vb/showthread.php?t=12686)
ღ هـــوى روحـــــي ღ
ياللي جفيت وجفـاك المـر .. ذابحنـي عقبك وجيـه البشـر .. مانـي بدانيهـا ღ من يوم حبك .. غزى القلـب وتملكنـي قطعـت كـل العـلاقـات وطواريـهـا ღ اقـرى رسايلـك ودموعـي تسابقـنـي وارد ! واقرى الرسايل .. واحتفظ فيهـا ღ انت آخر انسـان هاقـي منـه يصدمنـي والظاهـر ان هقوتـي بانـت مواريـهـا ღ لـو الوصايـا ليـا احتديـت ! تنفعنـي ياكثـر نـاس ٍ علـى ذودي بوصيـهـا ღ ليت الفـرح ( بنـك ) لاجيتـه يسلفنـي واقاصده ( راحتـي ) وحقوقـه اوفيهـا ღ من كثر ماكنـت ! جارحنـي وظالمنـي قمت اعزل جروحـك بقلبـي واسميهـا ღ تـدري وش اللـي يبكينـي ويضحكنـي انـك محـامـي قضيتـنـا وقاضيـهـا ღ تدري متاك ؟ تعـرف قـدري وتفقدنـي لارخصت نفسك ,, لشخص ٍ مايراعيهـا ღ بكـره الا هملـوك الـنـاس تذكـرنـي وتقول عـزاه : عينـي مـن يداريهـا ؟ ღ مدام غيـري ؟ علـى قلبـك مشاركنـي وش هـو لـه ؟ اعلـق الأمـال وابنيهـا ღ يكفينـي انـك رحلـت ومنـت عايفنـي هذا عـزا النفـس مـن كثـرة بلاويهـا ღ اهديتك : دمـوع مـن طعنتـك تحرقنـي وانـت اللـي تستاهـل الدنيـا ومافيهـا ღ واهديتني جرح .. موجعني ؟ وعاجبني ؟ لــن الهـدايـا عـلـى مقدارمهديـهـا ღ صحيح ! ( حنا انتهينا ) .. بس صدقني !! والله ان تبقى ( هوى روحـي ) وغاليهـا ღ مفضوح ؟ راع الهيام .. ونظرته !! تغني ملامحه واضحه ! , في وجهـه راعيهـا ღ لكـل داء ٍ دوا .. لـو هــو متعبـنـي إلا محبتـك ؟ .. أعيـت مـن يداويـهـا ღ ان قلـت : علمنـي انسـى ؟ لاتعلمنـي دنيـاي لامـن نسيتـك ويــش تاليـهـا ღ فارقتنـي وضحكتـك عيـت تفارقـنـي والله يلعـن ابــو الفـرقـا وطاريـهـا ღ مقدر !! أفكر بغيرك ؟ .. وانت عارفنـي عشان حاجه ؟ بقلبي .. مقدر !! أخفيهـا ღ اخاف لاحبنـي غيـرك ؟ .. وعاشرنـي يشوف صورتـك فـي عينـي ويوحيهـا ღ نشدت عنك ؟ وسمعـت اللـي يفرحنـي وارتاح صـدري مـن همـوم ٍ يحاتيهـا ღ تبي تعرف ! وش ؟ على الفرقا مصبرني انـك بخيـر .. وحياتـك مهتنـي فيهـا م / ن ودي لكــم // |
قصيدة مميزة بكلماتها العذبة ومضمونها الراقي والنبيل
سلمت يداك على النقل الموفق ودمت بكل خير |
ذائقه شعريه مميزه
الف شكر |
انتقاء جميل
يسلمك ربي |
محمـــــد ,,
احساس خالد ,, طفلــــــــة ,, سعيدة بتواااجدكم .. لا تحرمونا طلتكم ,, |
ألف شكر
مروري شكر وتقدير للمجهود الراقي |
عــود ,, يسلمووو خيوو ع المرور العطر ,,
|
قصيده قمه في الروعه تسلم يدك |
عيون المها .. الرووووعه هو مرورك على متصفحي ...
|
| الساعة الآن 02:45 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية