 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - إنطفاء الموقد
(http://www.gsaidlil.com/vb/showthread.php?t=12055)
إنطفاء الموقد
رسائلـك والظـلام الـلـي موحّشـنـي أزريـت مِـن بينهـن لا مـدّد الحافـي هذا الجفا دون وصلـك ظـرف حايشنـي شبـاك وصلـك ؛ ظـلامً موقـده طافـي البـرد ذيـبٍ جويـع ونـاب ينهشـنـي مـرّة قبالـي ومـرّة يـاقـف خـلافـي ونجـمً بعيـدًا ورى نــوّة معايشـنـي يا مصدق النّجم ؛ ليتـك نجمـي الوافـي برد الصبـا هـبّ ؛ وأنسامـه تناوشنـي كَريشـة ؛ فـي بـراحٍ ؛ هبّهـا سافـي أقفي كذا في الخوا ؛ وارجـع ويكمشنـي حسّ التوحّد ؛ معـا ذكـراك يـا جافـي أدفـن ملامـي ورى حزنـي وينبشنـي صوت لصدى صمت ؛ يحّرث حزنه الخافي يا كثر ما فالفضـا قـد قلـت واحشنـي يرجع صدى الصوت ليّ ؛ ماحولك سنافي رسائلـك وشكثـر ؛ عنّـك توشوشنـي بأسرار دفّنتهـا ؛ فـي الموعـد الغافـي كـنّ الرسائـل نديـم لـيّ ؛ يناقشـنـي عن ناس ؛ للحـب فيهـا منبـع صافـي للصبح ؛ طعم السّهر من ليـل غابشنـي يمكن ورى الصبح ؛ يطلع صوتك الدافـي سريت ليـل الجفـا ؛ والدمـع يرهشنـي الدمع طرقي ؛ سرى ليل الدجـى حافـي ماعُدت يـا ليـل ؛ ذاك اللـي يحمّشنـي على اجتلاد السهر؛ لو طاحـت أطرافـي ,,,,,,,,,,,,,,,,,,,,,,,,,,,,,,,,,,,,,,,,,,,,,,,, الشاعر/محمد السالم |
تسلـــــــم يمينكـــــــــــــ غالي ثمنهــــــــــــــــا
|
صح لسانك ولسان شاعرها
|
صح لسانك وصح لسان الشاعر
رائع جدا ماخطه قلمك دمتي مبدعه |
انتقاء موفق
يسلمك ربي |
كلي سعاده بهذا الطرح
ومرور فقط للاعجاب بمالدديكـ الف شكر |
اقتباس:
تسلمي عزيزتي غزال على المرور لاعدمته |
اقتباس:
صح بدنك أخوي احساس ومشكور على المرور لاعدمته |
اقتباس:
صح بدنك اخوي سراب ومشكور على المرور لاعدمته |
اقتباس:
تسلمي عزيزتي ليتني على المرور لاعدمته |
| الساعة الآن 07:56 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية